مقاس كاوتش السويفت

[wlng76]

ممكن حد يجاوبنى على السؤال ده
مقاس الكاوتش بتاع السويفت 94 المظبوط ايهو وايه المقاسات اللى ممكن تركب عليه ايه

[Viper911]

المقاس الصح و الأصلى بتاعها هو 155 /70 /13
أما لو عايز تغير على نفس الجنط ركب 165/65/13
و لو عايز جنط أكبر ركب 165/60/14 أو 195 /45/15
و دول كده أحسن المقاسات اللى ممكن تركب على العربية مع العلم ان المقاس في الجنط ال 15 ده أحسن مقاس ممكن يدي استابلتي للعربية و شكله جااااامد و ممكن يركب على عفشة العربية بس هيحتاج انك تاخد بالك من الحفر و المطبات كويسسسسس جدا عشان الجنط ميتكسؤش معاك و هتلاحظ ان العربية بقت أشف شوية في المطبات و المشكلة الأخيرة انوا مقاس صعب شوية تلاقيه بس موجود و خصوصا في Gt

[ahmed azab]

انا ركبت 13/65/185 والحمد لله تمام

[wlng76]

بعض المحلات قالولى ان الأفضل 175/70/13
وإن الأصلى بتاعها 155/80/13
أنا مش عارف ايه الصح

[Viper911]

لو العربية فابريكة دواخل .... افتح باب السواق و خدلك بصه على القايم اللى في النص من تحت و انت هتلاقي الجواب على سؤال المقاس الأصلى للعربية كام ... 155/70/13 و أنا أكيد 100 في 100 و من الكلام ده من الكاتالوجات و القايم و عن تجربه كمان ... عايز تصدق على كلامي اعمل زي ما قلتلك

[hasan777]

المقاس الأصلى بتاعها هو 155 /70 /13
و لو جنوط اكبر ممكن 185/ 60 /14 و دة عن تجربة و كان مقاس ممتاز

[nav man]

وانا مع باكد الكلام عندي في باب السائق مقاس الكاوتش,’ بس انا حاطط علي نفس الجنط بتعاها 175 وسبتها حلو معي اوي .انا لسة راجع امبارح من القاهرة وكنت ماشي علي 120 وكنت كويسة معي.

[Viper911]

أنا بس نفسي أعرف مييييييين اللى قال ان العربية مش ثابته ....
معلش بالموجيل ده و الموتور بتاعها ده أحسن مييت مرة من كوري أجدد منها و مع ذلك هيا خفيفه بس ثابتها مش سيئ نهائي
على فكرة اللى عايز كلام مظبوط و من الاخر في موضوع الكاوتش ده
ركب مقاس 185/60/13 و ده اللى أنا مركبوا و ده هيزبط كل حاجة من أول الثبات لغايت قراية العداد و أي حد عايز يتأكد بحسبة أن المقاس 155/70/13 هو نفس القطر الكلى لمقاس 185/60/13 (( و أهم حاااااجة 13 مش جنط 14 )) عشان المقاس ده مش منتشر كتيير بس موجود و مش غالي و عريض جدا ...
و شكرا

[nav man]

انت لية مزعل نفسك بالتاكيد اللي بايتكلم علي الثبات مش مجرب العربية علي مقاس 175 &185 والله انا لسة جاي من القاهرة من ثلاثة ايام وكنت طول السكة علي 120 وكانت حلو جدا معي,و لواحد مش معاي حد يعني مافيش وزن اكتر في العربية.بس خالي بالكوا من الرادار.

[hani_elashry]

طيب و نعرف مقاس الكاوتش نفسه ازاى انا معايا سويفت عايز اعرف المقاس الي راكب فيها