حد بيسمع رجه في الماروتي من الخلف!!!!!!!!!!!

[moslema_arabia]

السلام عليكم
يا جماعة لو حد يقدر يفيدني - انا عربيتي ماروتي بقالها حوالي 8 شهور- لما ابتديت اقفل الزجاج علشان السقعة واركز في الصوت بسمع رجرجه جاية من ورا زي حركة باب مفتوح كده - زي ما يكون حاجة بتخبط في بعضها - وطبعا بتظهر مع عدم استواء الطريق- ده طبيعي ولا حاجة غريبة - مع العلم ان فيه حد بص لي علي الشكمان لقاه مربوط الحمد لله مش سايب والاكصدام-
كمان وقعت الجلدة اللي بيخبط فيها الباب لما يتقفل او يتفتح فتؤثرعلي النور انه يطفي او ينور - حد عنده فكرة اجيبها منين لاني سالت في التوكيل معندهومش
جزاكم الله خيرا

[momoking2000]

راجع باب الشنطة لان الحركة دى كانت بتحصل معايا

[momoking2000]

بالنسبة لموضوع جلدة الباب ممكن يكون فى التوفيقية وان مكانش فى محلات قطع غيار سوزوكى فى اول شارع احمد حلمى من ناحية محطة مصر

[momoking2000]

في واحد في شارع دمشق عنده كل حاجه تخص الماروتي لو احتجت مسمار فيها هتلاقيه عنده وقطع غياره اصليه ومش غالي اسعاره عاديه

[kimoboy]

What is the name of the shop

في واحد في شارع دمشق عنده كل حاجه تخص الماروتي لو احتجت مسمار فيها هتلاقيه عنده وقطع غياره اصليه ومش غالي اسعاره عاديه

[m7nsh]

90 فى الميه فعلا زى ما momoking قال من الشنطه لأنى لاحظت الحركه دى لما بتكون الشنطه مش مقفوله كويس

ولو قصدك على زى صوت تزييء كده ,, فده من الشنكل اللى بيخلى الكرسى اللى ورا قابل للتنى ,, الحديده و الشنكل بيحكو فى بع و انت ماشى فتسمع الصوت ده ,, و العلاج حط فوطتك بتاعت العربيه بينهم و اقفل و مش هستمع الصوت تانى

[kimoboy]

Where is the shop

في واحد في شارع دمشق عنده كل حاجه تخص الماروتي لو احتجت مسمار فيها هتلاقيه عنده وقطع غياره اصليه ومش غالي اسعاره عاديه

[moslema_arabia]

جزاكم الله خير علي الردود - ويا ريت لو يوق لنا الاخ علي اسم المحل اللي بيبيع قطع الغيار

[ahmedbakr50]

وأنا برده معايا ماروتى وعاوز أعرف محل قطع الغيار فين