ترس بلاستيك فى الفتيس (ينفع الكلام ده ؟)

[mesaharaty]

السلام عليكم يا جماعة
أنا كنت باتناقش مع واحد عنده ماروتى النهاردة وبصراحة سد نفسى منها لما قاللى إن الفتيس بتاعها فيه ترس بلاستيك سهل الكسر عند أى مطب أو حكة وكمان قاللى إن المعلقة إللى فى الفتيس بلاستيك وإنه كان دايما شايل معاه قطع غيار بديلة للترس البلاستيك ده علشان دائم الكسر .
الله يسامحه بقى خلانى نفسى اتسدت منها
حد عنده يا جماعة توضيح للكلام ده ولا تكذيب حتى ؟
(أنا حاسس أصلا إنه ماينفعش يكون فى الفتيس أى قطع بلاستيك ومش مصدق الكلام ده بس هو أكدهولى)
طيب إزاى بلاستيك يمشى مع حديد ومعدن ؟؟؟؟؟؟

أرجو اللى عنده إفادة فى الموضوع يلحقنا بيها
الموضوع كبير يا اخواننا

ولكم الشكر الجزيل

[m7nsh]

هه ؟؟ بلاستيك ؟؟

سهل الكسر عند اى مطب او حكه ؟؟

انا الصراحه كلت بالعربيه كميه مطبات و على سرعات بين 40 و 100 و مطبات زباااااااله من اللى اولها مش متمهد كمان و الحمد لله مفيش اى مشاكل

مش عارف الراجل ده قال الكلام على اساس ايه

منتظر راى باقى الأعضاء معك

[Diablo]

هههههههههه

بلاستيك ازاى ده حتة معلقة الجيلاتى ستانلس

[alhashem90]

الفتيس مفهوش اى حاجه بلاستيك

انما اصلاح عصايه الفتيس به قطعه بلاستيك خارج الفتيس و تغيرها سهل جدا

[hossam_elwani]

مين الى قال ان الفتيس مش ممكن يكون فيه اى قطع بلاستيك انا كان عندى مرسيدس موديل 78 اوتو اتكسر فيها شداد بلاستيك جوه الفتيس وهو المسئول عن تغيير الغيار نتيجة تلف الفلنشة الى بين الكردان والفتيس