تقرير صيانة 5000 للماروتي

[maak333]

السلام عليكم ورحمة الله
امبارح عملت صيانة ال5000 الصيانة اتكلفت200 جنيه(90 زيت-45 فلتر-50 مصنعية-والباقي ضريبة)
الاعمال التي تمت:
1-تغير الزيت طبعا (زيت 5000 +تغير فلتر)مع ان الفلتر اتغير في صيانة الالف
2-تربيت عفشة
3-مراجعة سوائل(تم تزويد مياه الرديياتير-مياه بطارية-مياه مساحات)
4-كان عندي بعض المشاكل الخاصة في عربيتي وتم اصلاحها ايضا.
والحمدلله العربية بعد الصيانة اختلفت تماما
ملاحظة هامة :انا كنت حاجز قبلها بيومين وروحت في ميعادي والعربية دخلت الصيانة في ساعتها وخرجت بعد حوالي ساعة وربع زي ماقالي المهندس بالظبط...وشكرا
أبو مريم

[hossam_chixo]

الف شكرا على المعلومات دى و ربنا يحفظهالك
و شكرا لك

[m7nsh]

متشكرين ياباشا ع المعلومات و ربنا يكفيك شرها و يديك خيرها كمان و كمان

هو الصيانه دى كانت تبع الضمان و لا ملهاش علاقه ؟؟
و سؤال تانى معلش ,, ايه المشاكل الخاصه اللى كانت بتقابلك ؟؟

و تقبل خالص شكرى

[maak333]

السلام عليكم ورحمة الله
اولا هي الصيانة دي صيانة ال5000 العادية والعربية لسه في الضمان
ثانياالمشاكل اللي كانت بتقبلني :
1-طبعا الغيار الاولاني اللي الكل بيشتكي منه قلتلهم عليه وحسيت انه بقي احسن شوية
2-الكلاكس كان بيعلق وبقي كويس دلوقتي
3-اهم مشكلة كانت في الفترة الاخيرة ان السحب كان ضعيف وحاسس ان العربية مكتومة وفي صوت غريب بيجي من الموتور و انا كنت سالت عليه في موضوع قبل كده بس محدش قدر يلاقي تفسير بس في التوكيل قالولي ان الكربراتير مسدود وهما سلكوه وفعلا العربية الحمدلله بقت كويسة وسحبها بقي تمام ومفيش اي صوت غريب غير صوت الموتور العادي ....وشكرا
أبو مريم