Suzuki Liana

[Dr_Smart]

السلام عليكم ...

يا جماعة انا العربية دي عجباني جدا ... سوزوكي ليانا SUZUKI LIANA

انا ملاحظ ان ماحدش بيتكلم عنها ولا شفتها خااااااالص في شوارع مصر مع انها عربية يابانية وعملية جدا ...

الحقيقة انا بفكر اشتريها ... سعرها تقريبا اللي في كونتاكت 110 الف اوتوماتيك فل اوبشنز و 1600 سي سي

يا ريت اللي عنده خبرة او تجربة معاها او سمع عنها مع حد يفيدنا ...

ودي بعض المعلومات اللي انا عرفتها عنها ...

dimensions :
length 4.230
width 1.690
height 1.545

engine :
4 cylinders
16V
1600CC
102 HP
250KM/20L معدل استهلاك البنزين

tyres 185/65R14

ودي بعض صورها عالنت :

[/img]







وبانتظار مشاركاتكم الجميلة

[hazem_khidr]

عربيه جميله جدا فعلا و ركبتها مره واحده بس و علي فكره هيا بديله السويفت السيدان
سحبها فظيع بجد تضفغط علي دواسه البنزين تلاقي ضهرك بيلزق في الكرسي.
ثباتها معقول ياخد 8 من 10
يعني لما ركبتها حسيت انها حاجه محترمه بجد لكن 100 الف حاسس انهم كتير شويه

[fahd_628]

انا كنت بشوفها على top gear لما كان الناس بيسوقوها و يشوفو مين حيلف اسرع

ممكن تبقى تنزل حلقة من top gear بس تكون قديمة شوية لأنهم غيروها لأن مرة الكاوتشة طارت الأمامية :D و جابو شيفرولية لاسيتى ( اوبترا هنا )

[Karim_Monir]

معلش تعقيب يا حازم هيا مش بديل سويفت لكن دي التطور بتاع سوزوكي بالينو اللي التوكيل بتاعها ظلمها اشد الظلم في بلدنا مع انها عربية روعة
سعرها على الاتوماتيك حلو
بس اتاكد من الوكيل بيجيب ولا لاء
بس غالبا مش هاتلاقي ولو لقيت
حرام تجيبها عشان هاتكون الوحيد اللي جابها
لاني ما سمعتش ولا شوفتها في مصر نهائي رغمانها كانت موجودة في اتوماك من سنة

[hazem_khidr]

معلش تعقيب يا حازم هيا مش بديل سويفت لكن دي التطور بتاع سوزوكي بالينو اللي التوكيل بتاعها ظلمها اشد الظلم في بلدنا مع انها عربية روعة

معاك يا باشمهندس مفيش مشاكل ماهو البالينو كانت طالعه مكان السويفت و دي اللي نزلت بعدهم علشان معدوش بينزلو سويفت و لما نزلو نزلوها هاتش بالك بس مش سيدان

[عبد الرحمن اسامه]

انا شوفتها من يومين كده، قريب من جامعة القاهرة و لفتت مظرى جدا، انا متأكد ان العربية دى ممتازه، انا ابتديت احترم السوزوكى بصراحه من بعد ما جبت السوزوكى زن الا بس بعض عيوب التأفيل الهندى الداخليه لكن العافشة و الموتور ممتازين، و لو العربية ده يابانى ١٠٠٪ تبئا اكيد ممتازه.

انا نفسى او اعرف السوزوكى الزى دى و الجراند فيتارا و السوزوكى الواخدين اللوجو الفضى بتاع سوزوكى دول بردو تأفيل هندى؟

[Dr_Smart]

اشكركم جميعا على تجاوبكم معايا

انا كنت بشوفها في الكويت مش بانتشار الكورولا واللانسر بس شفتها كذا مرة

حاسس ان سوزوكي اشتغلت في العربية دي بمزاج ... :D

[أبو عبدالله]

وليه مش دي بس والله بصراحة السويفت الجديدة تحفة والله
العربيه محترمة جدا من الداخل ووسعه جدا برضه وتقفيلها وخاماتها جيدة جدا ولكن مش عارف مالهاش نصيب ليه

[Karim_Monir]

عشان سعرها المبالغ فيه
العربية شبابية جدا يا شهبور وانا لو في مكانهم هاجيب سوبار ب 110 ولا 112 مش سويفت
وصغيرة موت دي ابعادها قريبة قوي من بتاعتك
يبقي انا يوم مانوي على هاتشباك ياباني اجيب سريون احسن بقي خاصة ان فرق الاداء مش كبير
ولو غاوي هاتش بجد وعايز ركوبة محترمة هاجيب تيدا
حاجة تانية خالص وكبيرة فعلا ولا استرا والفرق مش بعيد قوي

[أبو عبدالله]

ما انا عارف ان السعر مبالغ شوية
بس تقريبا ده من التوكيل وسياسة التسويق الفاشلة

[emam]

يا جماعة انا حاسس انها قريبة اوى من الافيو - خاصة التابلون والخلفية - ولا ايه رايكم ؟

[TAG_Turbo0]

العربية فيها شبه كبير من الهوندا سيفك القديمة

[محمد عبد العزيز]

انا كنت بشوفها على top gear لما كان الناس بيسوقوها و يشوفو مين حيلف اسرع
كلام مظبوط
بس العربيه حلوه والصالون و التابلوه حلوين وهي عربيه شبابيه :D :D