استفسار عاجل من عشاق السويفت

[m_faiz]

السلام عليكم
لو سمحتوا يا جماعه انا كنت ناوي اشتري عربيه سويفت موديل 92 او 93 بس كنت عاوز اعرف سعرها في حدود كام اليومين دول لاني سمعت ان سعرها نزل كتير عن الاول وكنت عاوز اعرف ايه هيا كماليات هذا الموديل ولو فيها عيوب ياريت حد يقولها.ولكم جزيل الشكر

[amrico]

السلام عليكم
لو سمحتوا يا جماعه انا كنت ناوي اشتري عربيه سويفت موديل 92 او 93 بس كنت عاوز اعرف سعرها في حدود كام اليومين دول لاني سمعت ان سعرها نزل كتير عن الاول وكنت عاوز اعرف ايه هيا كماليات هذا الموديل ولو فيها عيوب ياريت حد يقولها.ولكم جزيل الشكر

انا لسة بايع واحدة في شهر نوفمبر 2008 موديل 93 لون زيتي كانت جديدة والله مكملتش 60000كم لأني بسافر بره كتير وبركنها في الجراج
وبصراحة كان فيها خبطة واحده بس من قدام اتسببت في تغيير الإكصدام اللي قدام والكبوت بس ومكانتش واصلة للشاسيه ولا الرفارف ولا المسطرة اللي قدام والعربية مكانتش راشة لا برة ولا جوة
بعتها ب 32500 جم عشان هو قريبي بس بصراحة كانت جايبة 34500
ولحد دلوقت زعلان اني بعتها ومكنتش ناوي ابيعها خالص بس بصراحة اتحرجت منه
أهنيك على اختيارك فعلا عربية ممتازة

[nav man]

haya fe 7adoda el 30 wa momken tanzl la 29 or 28 7asb 7aletha.aw7ash 7aga feha el baroma wa msh hatrkb aktr mn 2 wara.a

[m_faiz]

شكرا علي المشاركه
لكن انا سمعت من ناس اعرفهم بيقولوا انها اليومين دول نازله لان السوق نايم يعني بتعملها في حدود 25 الف .فهل هذا صحيح؟ ولو صحيح هلهاتكون حالتها كويسه ولا عاوزه مصاريف كمان؟
ولكم جزيل الشكر

[aymoonoo]

بص يا باشا انتا ممكن تلاقي حتا بحدود 20 لو عايز بس نصيحه متعملش كده انا اهو جبت عربيتي ب 35000 وهيا صحيح معزباني شويه الأيام دي عشان انا تالت مالك ليها وصحابها التنين الي قبل كده استعملو العربيه وكل حاجه فيها فبريكه لما انا ختها كانت خلاص القطع دي مات زي العفشه والمساعدين وحاجات زي دي فغيرتها المهم بس الحمدلله العربيه كلها فبريكه زي ما امريكو قال بس انا لا وخده خبطه ولا حاجه هيا لما جبتها الباب داخل لجوه والي عرفتو انه يترد عالبارد بس انا لسا سايبها زي مهيا بس الصراحه من اول مجبت العربيه لدلوقتي مشفتش ولا سويفت بنضافت عربيتي من بره تلاقيها متخبطه او اكصدامتها مدهوله او الون متبهدل وحاجات كتير او تلاقيها راشه بره فانا بشكر ربنا عليها وبنصحك متخسرش عشان كل سعر حسب حالت العربيه ممكن تيجيب عربيه ب25 واتكون متبهدله خااااالص وانتا الي هتخسر فولوس و وجع راس ومعلش عالإطاله

[m_faiz]

الف شكر علي النصيحه ياباشا وان شاء الله اعمل بيها

[aymoonoo]

عفوا وانشالله ربنا يوفقك فوحده كويسه وتكون راضي عنها ومتنساش تقلنا عشان نباركلك

[nav man]

الكلام دا صحيح انا لو بعت عربيتي مش اقل من 33 ل31 لاني عارف ان اللي هيخودها هيحوط بنزين بس.