ماروتى ماروتى ماروتى

[wessampo]

السلام عليكم ورحمة الله وبركاتة
امبارح عرفت معلومتين وهما فى زيارة للميكانيكى

1-مسمار السلانسية ابيض و راسة مضلعة تحت فلتر الهوا بالظبط وعند الكاربياتير لما تقفلة فانت كدة بتعلية على الاخر يعنى بتسرع السلانسية وطبعا لما تفتحة فانت كدة بتهدى السلانسية على الاخر

2-وفى نفس الحتة مسمار لونة لصفر ودة بتاع ظبط الهوا ودة طبعا ماينفعش نيجى ناحيتة طبعا

3-لمابتفتح الكبوت تحت خاص هتلاقى مسمار قلاوظ ودة بتاع
مقياس زيت الكرونة والجير بوكس

4- ولما سالتة عن الزيت الموبيل 1 10000 قالى ان من تانى يوم لونة بيتغير وطبيعى انة يبقى بنى غامق بعد شهر وان دة طبيعة المبيل 10000
5- ولما قلتلة عايز اعمل كشف لكبس الموتور علشان مشكلة معدل استهلاك البنزين وانى حاسس ان فى علاقة بين غمقان الزيت الجامد لدرجة متعرفش هو اسود ولا بنى غامق راح كاتم الشكمان بايدة وما في ثوانى والعربية بطلت وايدة كان عليها شوية سواد خفيف وزى مية بسيطة فقالى ولاتعمل كشف لكبس الوتور ولا حاجة
طب يا جماعة اية فى الكلام دة صح واية غلط

[m7nsh]

مش عارف ياباشا والله بس والله معلومات جمييييييله جدا و متشكرين اوى عليها

بس انت دفعتله كام ؟؟ و ياترى ظبطلك بيك السلانسيه على ايه ؟

[wessampo]

الميكانيكى جارى وظبطة ببلاش بس لع تظبيطة سهل جدا و على فكرة باقى المعلومات من بتاع البنزينة بس راجل زى الفل قعد يعرفنى كل حاجة وبهدؤ واديتة فى الاخر 5جنية وبقى يتمنى لى الخدمة وعلى فكرة هو وطاه على اقل حاجة

[wessampo]

طب يا جماعة انا بامشى فى طرق زحمة قوى (الصبح والعصر )وقت الدروة ممكن زيادة استهلاك البنزين معايا علشان بمشى بسرعة 50كم ودة لما الطريق بيفتح

[m7nsh]

الزحمه بتحرق بنزين زياده طبعا عن المشى الطواااالى -- فرق ملحوظ جدا يعنى

حاول فى مره تفول و تطلع ع الطريق علطول و تشوف هتعمل ايه ؟؟

وان شاء الله تتحللك المشكله دى بقى لحسن انا اتخنقتلك :)

[wessampo]

السلام عليكم ورحمة الله وبركاتة

النهاردة انا رحت مونت بنزين ولقيت اللتر عامل 10 كيلو وكسر وانا سواقتى معظمها فى الزحمةودة بعد ما غيرت فلتر البنزين الفاشل الى كنت مركبة وجبت واحد اصلى وكمان غيرت لونة كان خلاص اتخنقت منه رغم ان عامل البنزينة والميكانيكى قالى لا حرام متغيرهوش وعايز اعرف هل كدة الاستهلاك طبيعى ولا لا والف شكر مقدما