فين يا جماعة الماروتية

[lulya]

ايه يا جماعة محدش رد عليا بخصوص مكان تكون فيه عروض كويسة للتقسيط

[lulya]

نسيت أقول تقسيط ماروتى

[lord23]

والله انا مبنصحش بالتقسيط خالص وخصوصا دلوقتي
العربيات سعرها في الارض
وفي مستعمل بقاله سنة ولا اتنين بسعر رخيص جدا
يعني يعتبر ذي الزيرو وسعره رخيص ولا تقسيط ولا وجع قلب
لو معاك مقدمة كويسة وممكن تزود عليها شوية هات عربية مستعملة موديل 2007/2008 هتعمل حوالي 27-28 ألف يابلاش والله

[m000dy]

ياخبر علييييييييييييكى
انتى مليتى القسم بطلبك ده
والله شايفيته من اول مره وعموما مش موضوعنا خلينا فى طلبك
بصى ياستى عن تجربه
زودى الفين تلاته وهاتيلك 127 مستعمله مش سيات ولو فى 128 يبقى قل جدا بس بلاش لسبب
ان 128 بالسعر ده هاتبقى واقعه وانتى مش هاتستحملى بهدلة فيات تعبانه
وفى نفس الوقت ال 127 ممكن تلاقى واحده حالتها كويسه بالسعر ده
وشكلها حريمى اكتر
بس بلاش السيات لانها هاتعذبك فى الحر وموتورها ورا
فال 127 هى بين البينين فى الحاله دىلان فيها ميزة الموتور اللى قدام عكس السيات وحجمها وسط بين السيات وال 128 وسهل تلاقلا عربيه حالتها كويسه بالمبلغ ده وان عطلت فى يوم فشغلها وميكانيكتها سهلة جدا ومش مكلفه لا فى تصليح ولا قطع غيار واكمنها 900 سى سى فمابتاكلش بنزين خالص
اما الماروتى فحسنتها كل اللى فات كقطع غيار ةاستهلاك بنزين وحجم معقول بالنسبه لتمنها
انما لازم تفكرى كويس هل عندك استعداد تدفعى المبلغ ده لمدة 5 او 6 سنين ودى فتره مش قليله وممكن جدا العربيه تفيص منك قبل ماتخلصى تمنها خصوصا لو بتتعلمى عليها فخدى خبطات وقلة اهتمام وجهل بالميكانيكا واساسيات مواعيد الصيانه فتيجى تبيعيها نلاقيها مش جايبالك جوز ورق والله اعلم ايه اللى جاى فى الطريق فى الايام الغبره دى
انا فكرت كده وجبت عربيتى كده واقل مافيها لو العربيه اتخبطت ولا اتهرست فى يوم من الايام فمش هابقى بدفع فلوس فى خرده مش قادر اوفر تمن تصليحها لانى بدفع مبلغ فى القسط فابقى بدفع قسط فى عربيه مش راكبها
ومن ناحيه تانيه ادينى بقالى سنتين جايبها وفجأه ربك فرجها ومسكت المبلغ اللى يركبنى عربيه احسن من 10 ماروتى واستعمال بردو ومن غير قسط ومحدش ليه عندى حاجه ومش مضطر استنى 5 سنين ولا مضطر احط المبلغ اللى جالى فى باقى تمنها عشان اخلصها وافضل زى مانا محللك سر بنفس العربيه
بلالالالالالالاش الاستعجال من فضلك
وان كنتى خايفه على ال 7000 جنيه وصعبان عليكى يتصرفوا فما بالك وانتى بترمى فى الارض ادهم 4 مرات فى شكل قسط بيتدفع كل شهر