خايفة العربية تتسرق

[xahhr]

أنا ياجماعة جبت الماروتي بس أنا ماعنديش جراج أعمل ايه علشان أأمن وقوفها قدام البيت أنا صحيح في منطقة أمان بس الأمر مايسلمش هل اركب جهاز انذار ولا هايأثر على الضمان ومتهيألي إني شفت حاجه بتركب في الجنوط ياترى ده ايه وعاوزه اركب كاسيت وسماعات ايه اخبارهم مع الضمان وبعدين هو الضمان ده مهم قوي ولا هناك برضه الواحد بيدفع فلوس كتير إذا كان كده الواحده تكبر دماغها واركب كاسيت وانذار وايه حكاية الضمان بعد 1000 كيلو متر دي طيب الكاسيت والانذار هايكلفوني كام ؟؟؟؟؟؟؟؟؟؟؟؟؟؟؟؟؟؟؟

[wessampo]

لازم تروحى التوكيل فى مواعيد الصيانة علشان لا قدر الله (وجود عيوب للصناعة)بيكونو مكلفين بيها والحمد لله انك بتركنى قدام البيت انا حاطها بعيد عنى والظروف بتحكم بكدة

[A.Saad]

ممكن تركبى الانذار فى التوكيل
وممكن تركيبه عند حد نضيف قوى زى وولف
بس اعرفى سياسة التوكيل ايه فى الضمان لان فيه توكيلات ممكن تقلك ان العربية كلها برة الضمان

انتى ممكن تحمى العربية بالاتى
انذار
عصاية بتقفل الدركسيون بالمفتاح او الارقام السرية ودى بتخلى الدركسيون ما يتحركش وفيه نوع على الدركسيون بس او نوع بيتربط مع الدبرياج حوالى 40 او 30 جنيه
عصاية تقفل عصاية الفتيس بس دى مش منتشرة
مفتاح مشفر : معرفش ينفع عندك ولا لا
مفتاح كهربا فى مكان مستخبى : اما تنزلى تفصلى بيه الكهربا عن الموبينة وبالتالى العربية مش تدور
خدى وش الكاسيت معاكى اما تنزلى
اللى بيركب فى الجنوط ده طقم مسامير ومفتاح وظيفته ان الجنط ما يتفكش مسماره يعنى صامولته وبسرق لو راكب فيه المسامر المخصوص ده
يعنى لازم المسمار ده يتفك بالمفتاح ده علشان تفكى الجنط
الكلام ده لو حاطة جنط اسبور لكن لو جنط حديد شوفى الجنط بكام والطقم بيعمل حوالى 80 جنيه
الكاسيت
ادخلى على قسم الصوتيات
وممكن تسالى فى التوكيل لو ينفع تجيبى انذار من برة وهما يركبوة

او لو عندهم اماكن معتمدة للتركيب
والف مبروك العربية

[wessampo]

الله يبارك فيك يا باشا بجد بجد شكرا بس عايز اعرف هو تركيب زرار فصل الكهرباء دة شغلانة وبيتكلف كام ولك كل الشكر

[m7nsh]

فى التوكيل تركيب سنتر و انذار مش هيكون اقل من 500 600

بره الموضوع لن يتعدى 350

اعتقد ان العربيه مش مستاهله توكيل و هى سهله للميكانيكيه و كربراتير كمان ,, خصوصا مع انطباعات مش ولا بد عن التوكيل مع اعضاء هنا

القرار قرارك

[A.Saad]

الله يبارك فيك يا باشا بجد بجد شكرا بس عايز اعرف هو تركيب زرار فصل الكهرباء دة شغلانة وبيتكلف كام ولك كل الشكر

ما اعتقدش انه شغلانة
بس تركيبه كام مش عارف
اسالى على كهربائى كويس واساليه
انتى بتروحى انهى فرع للتوكيل الاول

[xahhr]

متشكره جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااا

[sheeko00]

الانذار بيبتدى من 120 وانتى طالعة بس لازم يكون فية سنتر وثمن السنتر بيبتدى من 80 وموجودين فى التوفيقية وممكن يركبوهم كمان بس اسالى عن شروط الضمان

[خالد]

أنا ركبت الأنذار فى التوكيل من 6 شهور تقريباً بحوالى 570 جنيه وطبعاً غالى جداً جداً لأنه بره بــ 300 ج بس
كنت خايف على الضمان ورفضوا أنى أشتريه من بره وأركبه عندهم (فرع الدقى) والأنذار بيعلق ويفضل شغال لازم تفتح الباب الأمامى يمين علشان السرينة تبطل!!!!!
ودلوقتى كبرت دماغى عن التوكيل خالص لأنه........... فلوس على الفاضى غير الأستهبال وضياع الوقت وشغل أى كلام وماتحسش أن فيه حاجة أتغيرت فى العربية غير الزيت والفلتر....
نصيحة أبعدى عن التوكيل ، مفيش منه نتيجة خالص - ولو لاقدر الله حصل حاجة فى العربية أبسط كلمة عندهم أن ده سوء أستخدام مالهوش علاقة بعيوب الصناعة
مش بقولكم توكيل .........

[xahhr]

شكرا على النصيحة بس انا ليا سؤال هو الضمان كام سنه

[bmw323]

تبقى تقولى أستودعكم الله الذى لا تضيع ودائعة وأنشاء الله ربنا هيحفظها ودى ممكن تقوليها لأى حد طبعاا

[خالد]

شكرا على النصيحة بس انا ليا سؤال هو الضمان كام سنه

ضمان الأنذار والسنتر سنة

[EmBaWe]

thanqqqqqqqqqqqq