استهلاك البنزين للسويفت

[sss2000]

ياريت اعرف من اهالي السزوكي الكرام افضل استهلاك للبنزين في السويفت 94
سواء في الطوالي او في وسط البلد يعني التر يعمل كام كيلو في الطوالي وكام في الزحمة وشكرا

[Negm]

استهلاك السويفت

انا بتعمل معايه فى البلد 200 كيلو والطوالى 250 بس اعرف ان ممكن تزيد عن كده وعلى فكره انا بمون 80

[Viper911]

لأ أنا من هنا لحد القاهرة 10 لتر يعني تقريبا 450 كم في الصفيحة و ده مش كلام كدب ... فعلا ده اللى بتستهلكوا العربية لو انتا ظبطها و على فكرة أنا بحط بنزين 92 و مزود كهربا شوية فكدة الاستهلاك قل قوي ...

[abobode]

مع بنزين 80 فى السفر وعلى سرعات متوسطة بين ال80 وال100 تكون من 350 الى 380 وداخل البلد من 270 اللى 300

[Jato.33]

يا شباب دلوقتي أنا عربيتي الفابريكة
وعشان كده مش عايز حد يلعبلي في الكاربراتير بتاع العربية
ولكن لما بقرأ كلامكوا ده بستغرب هوا إزاي العربية تتظبط فتعمل في الصفيحة ضعف المعتاد
مش غريبة دية وهل ده مش بيأثر على السحب بتاعها
برجاء الإفادة
أنا بعمل 230 في السفر و200 داخل البلد

[WALEED9001]

انا فعلا معاك فى الكالم ده انا مشفتش عربية بتعمل 450 فى الصفيحة ده ابدا

[angelheart]

ازاى يا جماعة 420 كيلو فى الصفيحة؟؟

يعنى الموتور دا 1300 على ما اعتقد..وموديل 93...

يعنى اذا كانت العربيات ال 1000 سى سى وال 2009 كمان مش بتوصل للرقم دا..

فا ازاى بقى ..؟؟

اكيد الموضوع فى حاجة..انا طبعا مش بكدب الاخ ..

بس بسأل..جايز يكون قصده 420 كيلو فى التانك..او جايز حاسبها غلط...

او يمكن يكون حقيقى...جايز ..

انا بقول ان السويفت اخرها 250 كيلو فى الصفيحة....وجوه البلد هتبقى 160 الى 200 كيلو....

[m_faiz]

انا مصدق كلام الاخ اللي بيقول ان العربيه بتاعته بتعمل 450 كيلو في الصفيحه لان انا عربيتي برده بتعمل نفس المعدل وممكن يقل شويه صغيره مع استعمال التكييف لان معروف عن السويفت ياجماعه انها يادوب بتشم البنزين وربنا يباركلنا فيها وتفضل محاقظه علي الاستهلاك ده لان فعلا لما بقول لحد علي الاستهلاك ده مش بيصدق خالص الا اذا جه معايا مشوار وشاف بنفسه.شكرا

[zezo13178]

انا ركبت اكتر من 10 عربيات سويفت عمري ماشفت سوزوكي بتعمل 450 كم في الصفيحه , علي فكره ياباشا انا مصدقك بس مستغرب جدا انا معايا سويفت حاليا من فتره اخرها فعلا 250 كيلو
بس نصيحه ماحدش يحط بنزين 80 للسويفت لان الكاربراتير بتاعها حساس

[Viper911]

على فكرة أنا مع اللى بيقول انوا مش مصدق الكلام اللى أنا بقولوا .... بس هي ديه الحقيقة فعلا و أنا نفسي مكنتش مصدق بس بجد مشاءالله أنا لما بطلع من هنا للقاهرو لغاية شارع فيصل فعلا بتكون استهلكت 10 لتر بالتمام بس اللى عايز أضيفه ان :
أولا سواقتي هاادية جدا و مابزدش عن 90 أو 100 بالكتير (( عشان أهلي طبعا معايا احم ))
و ثانيا :ان العربية مافيهاش كماليات نهائيا و أهمهم التكييف الي بيستهلك كمية زيادة من البنزين .
ثالثا : العربية ظابت كل حاجه فيها تمام و على طول ادي فيها من أول الكهربه اللى أنا مقدمها شويتين ( عشان أنا معدل اكزوزت بالكامل ) و مرورا بالتاكيهات ( ليها دور أسااسي على فكرة ) و كمان بمون 92 و على طول بنضف فلتر الهواء ( بردوا ليه دور مهم جدا في زيادة الاستهلاك لو كان مسدود و بيخنق العربية ) و كمان نافخ الكاوتشات على 30 كلهم مع اني مركب كاوتش عريض بس الجنط خفيف و بالتالي قلل كمان الاستهلاك و في الأول و الاخر الاستهلاك بيعتمد على رجل اللى بيسوق بصراحة لان الوالد لما بيسوقها و (ده نادرا هاهاها لانوا بيسقها لما يكون مضطر بس عشان اللى أنا عملوا فيها و موطيها كمان) بيقرص جامد عليها و كده و عمرها ما بتزيد معاه عن 350 فالصفيحه ..
من الاخر يا جماعة العربية ممتازة بجد و الوالد لسه شاري هيونداي أتوس 2009 زيرو و هيا 1100 سي سي و الاستهلاك بتعها تقريبا ممكن أقول عنوا ان الاتنين زي بعض و يمكن السويفت تتفوق عليها بسبب خفة الوزن و نقص التكييف فيها .
معلش طولت عليكم بس العربية فعلا بتعمل معايا 450 كم فالصفيحة و مش عارف بس العربية لسه محدش لعب فيها نهائي من ناحية الكاربراتير خالص من 94 و الحمدلله كله تمام طالما الميكانيكيه العبقريه اللى بيفتوا من غير ما يفهموا ايديهم ماطلتهاش

[ahmed76]

صادق يا باشا وربنا يبارك لك فيها
انا اعرف انها اقتصاديه فى البنزين بس مش للدرجه دى
هو رقم طبعا غريب شويه

انا عربيتى بتعمل 200 داخل : 250 خارج وبنزين 80
وده علشان الكربيراتير محتاج ضبط او تغيير يعنى انا اعرف انها بتعمل 300 كم لما تكون متضبطه

بس على كلام حضرتك انا مش هاصلح الكربيراتير ده انا هارميه واعدى عليه بالعربية رايح جاى

[angelheart]

يعنى يا جماعة بالعقل كده...

لما تكون التويوتا بريوس...الى هيا عربية كهربائية ...وبيتم الترويج لها عشان استهلاك البنزين ....وموديل 2009 ..بتعمل 20 كيلوا فى اللتر...ودا على اقصى تقدير...وطبعا خارج المدينة....يعنى ببساطة 400 كيلو فى الصفيحة...

يبقى لو السويفت بتعمل 450 كيلو فى الصفيحة..

دا معناه ان العالم بقاله اكثر من 15 سنة عمالين يطوروا فى مواتير ومحركات ..على الفاضى ....؟؟؟

هو حضرتك تقصد بالصفيحة كام لتر؟؟؟

وصدقنى مهما مشيت براحة ومحرقتش...صعب جدا انها توصل الى 300 كيلوا فى الصفيحة؟؟

والله انا مش بكذبك ...واكيد الموضوع فى حاجة ...او فى سوء تفاهم مثلا ..او حضرتك حاس حاجة غلط ....

[Viper911]

أنا على أقل تقدير بتستهلك في الصحراوي 400 كم في الصفيحة و ده بردو راجع لأسلوب السواقة ,
و أنا بحسبها اني و أنا طالع على السكه بحط ب 20 جنيه 92 و بكون طبعا عارف العداد كان فين و بعد ما بمون بشوف وصل لفين ... و بتكل على الله و لما بوصل بيكون العداد رجع تاني لنفس المكان الى كان عليه قبل ما أمون بالضبط ....
فيه بقى تفسير تاني غير ان العربية استهلكت 10 لتر في السكه كلها ؟؟

[aymoonoo]

والله بص يا باشا انا مش عارف الصفيحه ايه وانا اساسا مش عارف عربيتي كم لتر المهم انا سويفت 93 الي عندي اخر فتره قبل مغير الزيت كانت اخرها 200 او 220 للتنك عشان يفضا عشان انا مش بفويل بنزين غير لما يكون فاضل ربع يعني زمان بيكون فاضل ربع والعداد بيكون خلاص 180 فبعبي تاني بس بعد مغيرت بنزين لاحظت فرق دلوقتي لسا الناهرده دخلت ف220 ولسا فاضل الربع والصراحه انا مبسوط كده وانا بقرص عالعربيه وبسوق بسرعه وبعمل كل الي تتخيله يعني سواقتي مش هاديه خالص وبرضو تجربتي عالطريق السريع عبيت التنك على اول الصحراوي لما وصلت اسكندريه نص التنك بالزبط مش عارف بقا انتو احسبوها 10 ليتر كم كيلو او كم ميل معرفش :d حبيت بس اقلكم انها استعمالها للبنزين مش بطال معايه