ممكن اسعار قطع غيار الماروتي والألتو

[نور العمر]

السلام عليكم يا أهل سوزوكي ... أنا قضيت نص عمري في المنتدى على قسم سوزوكي
وفين وفين لما اتعرفت على باقي المنتدى

المهم ... بما إنكو أهل كرم زي كل اعضاء المنتدى
ممكن اسعار قطع غيار الالتو والماروتي

واسعار صيانة ال 5 آلاف و 10 ألاف فيالتوكيل

واروح لمين الدقي واللا ... ده لو اشتريت واحدة فيهم

وألف شكر

[afreetarma]

مترحش لأي حد فيهم كلهم نصابين أعملل الصيانة في أي محطة بنزين

[نور العمر]

والله عندك حق

[m7nsh]

حضرتك انا معايا ماروتى 2009 عامله 9300 تقريبا ومش بتعامل مع التوكيل و لا ناوى الصراحه من بعد تجارب بعض الأعضاء هنا معاهم

وبينى وبينك حاسس فعلا ان ملوش لازمه بالنسبه ليها ,, العربيه صغيره و كربراتير و سهله للميكانيكيه ,, ولو جت زيرو يبقى كل اللى هتحتاجيه ان شاء الله صيانات مع واحد بيفهم و خلاص

اتمنى اكون افدتك

[beboo127]

طب الالتوا يا شباب ايه اخبارها

[m7nsh]

الألتو يا بيبو ممكن عشان انجكشن ف ( لا يفضل ) انك تتعامل فيها بره التوكيل بالنسبه لزيرو ,, و لكن ده ميمنعش برده ان فى صنايعيه بره تخليك تدى التوكيل بالصرمه البلدى !

وبعيد عن كده او كده ,, انا شايف ان توكيل سوزوكى ( مودرن موتورز ) عشان هو نفسه توكيل نيسان فالأفضليه واضحه طبعا لحساب مين ,, كمان لو جينا بصينا ع السوزوكى ( اللى هو يعتبر حقه ضايع و سط وحوش النيسان ) هتلاقى الأولويه برده للعربيات الكبيره زى الفيتارا و ال sx4 ,,

و بالتالى زمانك استنتجت ان عربياتنا ( اللألتو و الماروتى ) يتذيلو القائمه فى اهتمام التوكيل ,,

يبقى ناخدها من قاصرها و منتعبش روحنا بقى و نحفظ كرامتنا و فلوسنا :)

[sab3aawy]

الألتو يا بيبو ممكن عشان انجكشن ف ( لا يفضل ) انك تتعامل فيها بره التوكيل بالنسبه لزيرو ,, و لكن ده ميمنعش برده ان فى صنايعيه بره تخليك تدى التوكيل بالصرمه البلدى !

وبعيد عن كده او كده ,, انا شايف ان توكيل سوزوكى ( مودرن موتورز ) عشان هو نفسه توكيل نيسان فالأفضليه واضحه طبعا لحساب مين ,, كمان لو جينا بصينا ع السوزوكى ( اللى هو يعتبر حقه ضايع و سط وحوش النيسان ) هتلاقى الأولويه برده للعربيات الكبيره زى الفيتارا و ال sx4 ,,

و بالتالى زمانك استنتجت ان عربياتنا ( اللألتو و الماروتى ) يتذيلو القائمه فى اهتمام التوكيل ,,

يبقى ناخدها من قاصرها و منتعبش روحنا بقى و نحفظ كرامتنا و فلوسنا :)

بعتبارى عندى الاتنين (صنى+ماروتى) وجربت مودرن موتورز مع الاتنين أؤكد كلامك تماما، لما كنت رايح بالنيسان كلانت معاملتهم"مبلوعة" الى حد ما ، لكن لما رحت بالماروتى كانوا محسسينى انهم رايح افطر على موائد الرحمن اللى هم عاملينها

[نور العمر]

شكرورا مرورك / سيادة المستشار العظيم سبعاوي
بس بجد ... والله حرام
يعني ذنبه إيه إللي معاه فلوس صغننة
وعاوز يصون نفسه
ويكون عنده حتة عربية
ده إيه الغلاسة والرخامة دي
توكيلات يووك

[sab3aawy]

الميزة العظيمة فى الماروتى اناه لا تحتاج للتوكيل ، اخرها مفتاح 12 ومفك وزرادية واى ميكانيكى يشتغل فيها، ده طبعا بعد عمر طويل لما تقدم وتحتاج لخدمات الميكانيكى، لانها سيارة مافيهاش اى فن وتكونولوجيا بسيييييييييييييييييييييطة الى اقصى حد

[m7nsh]

ربنا ما يحوجنا ولا حضرتك لحتى للمفك :)

مداخله لذيذه جدا كعاده مداخلاتك باشمهندسنا سبعاوى ..

متبقاش تغيب علينا هنا فى السوزوكى كتير بقى :)