تكييف الماروتى

[monaabanoub]

سلام يا اعضاء احلى منتدى
بصراحة المنتدى دة مفيد جدا جدا شكرا بجد لكل واحد ساهم فيه
انا عندى استفسار مهم ياريت حد يساعدنى فية
انا لسه مشترية سوزوكى ماروتى زيرو ولما اشتريتة فى المعرض قالولى انها مجهزة للتكييف وقالو انهم بيبعتونى عند شخص تبعهم يركب التكييف دة المهم انا لقيت فى العربية شزية مشاكل مع انها زيرو فاتصلت بالتوكيل قالو هاتى العربية وسالتهم على موضوع التكييف قالولى ان المعرض ضحك عليا وان الماروتى مش بيركب لها تكييف ولو حصل وركبت تكييف الموتور بيخرج برة الضمان
ياترى الكلام دة صح ولا غلط
انا طبعا معرفش ياترى اللى رد عليا موظف عادى ولا مهندس فى مودرن موتورز
ياريت ياجماعة اللى يعرف هى فعلا بيركب لها تكييف ولا لأ يجاوبنى
لان لو ما يركبلهاش مضطرة ابيعها مع انى لسة شارياها من اسبوع واحد بس

[monaabanoub]

ايه يا جماعة هو ليه محدش رد

[vectra2ever]

مشكله الماروتي انها 800 سي سي لو ركب عليها تكييف هيخلي العربيه سحبها ضعيف جدا جدا انا مش محبذ لفكره التكييف للماروتي لانه حمل علي الماتور وبعدين العربيه دي بسم الله ما شاء الله محدش قال في حقها كلمه وحشه فخساره ترجع

[monaabanoub]

ميرسى جدا يا vectra2ever لردك على الموضوع

[micromoud]

بيركب تكييف فى البافاريا وما بتخرجش برا الضمان
وكمان العربيه عشان حجمها صغير هتلاقى فرق شاسع كأنها تلاجه
بس خلى باليك الماتور هيتعب بعد سنه بعد تركيب التكييف

[hamdy]

[صي انا كان معابا امروتي موديل 2007 العربية دي زي الفل سحبها جميل ماتورها ناعم صوتها واطي عربية ممتازة
الحاجة الوحيدة انا التكييف هيتعب موتورها فحرام تركبلها تكييف لانها تلاتة سلندر

[aly2009]

يا جماعه انا سالت واحد صحبي مهندس سيارات علي موضوع التكيف في الماروتي
قاللي ان اي عربيه ممكن يركب لها تكيف بس بشرط ان يكون مناسب للماتور و السي سي بتاع العربيه طب يا جماعه الماتيز 900 سي سي و فيها تكيف وماشيه زي الفل هيه المشكله لما التكيف يكون اعلي قدرة من الماتور ساعتها الماتور مش هيستحمل سنه و هيفووت وبردو انا بفضل التكيف اللي جاي مع العربيه