سؤال سريع عن الماروتي

[moslema_arabia]

السلام عليكم جميعا
وكل عام وانتم بخير
انا بس عاوزة احكي لكم عن حاجة كده ولو حد حصله اللي حصلي يقوللي -
انا عربيتي الماروتي موديل 2008 وعاملة دلوقتي حوالي 13500 كم والحمد لله استعمالي فيها نظيف
بس فجاة من اسبوعين لقيتها مش بتدور وقعدوا الناس يزقوا لحد ما دارت قعدت يومين كده وبعدين عملت كده تاني - رحت قست البطارية لقيتها بايظة خالص علي اللون الاحمر فاضظريت اشتري بطارية جديدة - الحمد لله
بس انا مستغربة هل العمر الافتراضي للبطارية طبيعي كده-؟؟! دول كلهم 13 الف يعني ؟!!!!
طيب دي حاجة
وبعدين لسة امبارح كنت في مشوار وبعدين ركنت وجيت ادور تاني مش عاوزة تدور بس المرة دي مكنتش بطارية تقريبا كان المارش مش عاوز يلقط وبعيدن واحد فتح الكبوت وتقريبا حط ايدة كده علي المارش وبعدين دورها وقرص كده شوية فلقط وقالي ان يمكن كان فيه نراب او سلك م لاقط
والناس قالولي روحي للكهربائي خليه ينظف المارش ويشوف لو الجلب اللي فيه دابت يغيرها
فهل اعمل كده ولا اروح التوكيل؟ّّ!!! وحد حصل معاه كده قبل كده؟
حاجة تانية اخيرة
غسيل الموتور - انا من ساعة ما جبتها مغسلتهاش من جوه الكبوت -بخاف حد يبوظ لي حاجة - الناس قالتلي اغسليها لان ده بيخللي العربية تفوق والموتور ينتعش - هل ده صحيح
طب وهل اغسلها بالجاز ولا بالفوم وللا بالمية العادية؟

ارجوكم ارجو الافادة بسرعة لاني بقيت مرعوبة كل ما اجي ادورها - اخاف ما تدورش وتغلبني
والله المستعان
وجزاكم الله خيرا واسفة علي الاطالة

[Ahmed Hassan]

البطاريه عمرها بيأثر على عمرها عوامل كتير... زي عمر البطاريه... عدد الكيلومترات المقطوعه... و حالة الدينامو. و على فكره.. ممكن كمان موضوع المارش ده يكون بسبب الدينامو. خلي بتاع البطاريات اللي اشتريتي منه البطاريه يتأكدلك ان شحن الدينامو سليم (و بالمره خدي منه شهادة الضمان بتاعة البطاريه الجديده). لو الدينامو و البطاريه تمام روحي لكهربائي يراجعلك على توصيلات المارش.

بالنسبه لغسيل الموتور ممكن تنضفيه دوريا بالهواء فقط. و كل كام شهر ممكن غسله بالفوم.

[moslema_arabia]

جزاك الله خيرا علي ردك
انا فعلا معايا ضمان البطارية الجديدة وقالي تعالي كل شهر اكشف عليها
ورحت امبارح لكهربائي قالي ان ده مش مارش وبعدين قالي ان مسامير اللي في البوبينة محلولة شوية قعد ربط عليها وقالي جربي كده كام يوم لو حصل تاني افك لك البوجيهات وطقم الكهربا وانظفه ونشوف تاني
بس انا فعلا خطر في بالي موضوع الدينامو ده لانها كانت بتحصل احيانا في اول ما اشترتها وكانت شكوي بعض الناس في التوكيل في صيانة الالف وقالوا لنا في التوكيل ان ده من الدينامو والمفروض انهم ظبطوه ساعتها
فانا ان شاء الله هشوف كده موضوع الدينامو- وربنا يسترها معانا ومعاكم
وجزاك الله خيرا

[m7nsh]

موضوع البطاريه غريب شويه ,, بس هى الأصول من سنه ونص لسنتين ولا حاجه سواء سايله او جافه ,, و اللى بتنزل فى الماروتى سايله ,, يمكن المعرض هواللى قلب البطاريه ولا حاجه ,, كنتى جيباها منين العربيه ؟؟

الموتور انا عامل 14000 و برده مغسلتوش خالص و طبعا الفوم انضف حاجه فى الغسيل و ابعدى عن الميه تماما

موضوع الكهربا تابعيه مع الكهربائى بتاعك بس انا مشتكتش خالص من مشاكل فى الكهربا غير حوار الموبينه اللى حكيته ,, و مره واحده كنت زودت ميه البطاريه عند الكهربائى و غير كده شكرا

اتمنى اكون افدتك :)

[moslema_arabia]

جزاك الله خيرا
موضوع البطارية انا سالتهم في التوكيل قالولي كل واحد ونصيبه البطارية تقعد معاه سنة او سنة ونص او اكتر -علي حسب
تاني حاجة بعد ما شفت الكهربائي وقالي ان الحمد لله مفيش حاجة - واحد ابن حلال جزاه الله خيرا نبهني لحاجة في موضوع تدوير العربيه وهوه اني كنت بكارك بنزين الاول وبحط رجلي علي دواسة البنزين وانا بدور فقاللي ان ده مش بيتعمل في العربيات الجديدة لاني كده بشرق العربيه وبديها بنزين اكتر من حاجتها فبتشرق وقالي افتح الشفاط وبعدين ادور من غير ما ادوس خالص بنزين
فانا حاليا بجرب القصة دي لحد ما اشوف ايه النظام واروح التوكيل الصيانة الجاية ان شاء الله بعد حوالي شهر مثلا والله المستعان

[LORD.ADeL]

جزاك الله خيرا
موضوع البطارية انا سالتهم في التوكيل قالولي كل واحد ونصيبه البطارية تقعد معاه سنة او سنة ونص او اكتر -علي حسب
تاني حاجة بعد ما شفت الكهربائي وقالي ان الحمد لله مفيش حاجة - واحد ابن حلال جزاه الله خيرا نبهني لحاجة في موضوع تدوير العربيه وهوه اني كنت بكارك بنزين الاول وبحط رجلي علي دواسة البنزين وانا بدور فقاللي ان ده مش بيتعمل في العربيات الجديدة لاني كده بشرق العربيه وبديها بنزين اكتر من حاجتها فبتشرق وقالي افتح الشفاط وبعدين ادور من غير ما ادوس خالص بنزين
فانا حاليا بجرب القصة دي لحد ما اشوف ايه النظام واروح التوكيل الصيانة الجاية ان شاء الله بعد حوالي شهر مثلا والله المستعان

بخصوص بطاريه مبروك الجديدة وقدر الله وماشاء فعل بس انت حافظ عليها
--
بخصوص ما قاله لك مهندس توكيل فكلامه مضبوط وتمام فقط بس لما تجي تدور اديا سنه بنزين مع انك تكون
فاتح شفاط ع درجه تانيه ولما تحسن ان صوت ماتور اتغير شويا قلله للمستوي الاول لحد ما مؤاشر حرارة عندك
يوصل الى اول شرطه وبعد كدة توكل ع الله وامشي وربنا يبارك لك فيها
تحياتى

[moslema_arabia]

جزاك الله خيرا - بس هوه ايه المستوي التاني والاول للشفاط ده؟! - مش هوه بشده لحد الاخر؟

[LORD.ADeL]

وجزانا واياكم اخى الكريم
شوف لما بتجيى تشدشفاط شد كدة برااحه هتللاقي زي مستويات زي نقلات الفتيس كدة
شد شد بسيطه هتلاقي زي الشنكل وقف هتشد تانى هشد ماعك لان شدة ع الاخر جامد جدااا
دة اكنك دايس بنزين ع الاخ وعربيه وقفه فاهمنى علشان كدة بقوولك مستوي اول وتانى ..((:

[m7nsh]

طبعا عادل باشا عامل الواجب و زياده
بس ملحوظه صغيره فى حوار الدواره ده
بلاش فعلا تدوسى بنزين من الأساس و الشفاط لوحده هيعمل المهمه
بلاش تتعافى ع المارش فى الدواره لو ملقطش ,, اخرك 5 ثوانى كده و تفصل و تستنى ثانيتين تلاته وتدور تانى عشان تحافظ عليه
مش لازم تستنى لحد اول شرطه عشان تبدأى الحركه ,, ممكن بمجرد ما الرعشه تروح خالص من الدركسيون ممكن تتحركى بس بلاش قرص من اولها
تحياتى :)

[LORD.ADeL]

تمام الكلام اضافه ممتاز منك يا محمد فعلا واللي عرفته انه ع حسب ما بتتعود العربيه من الاساس
واتمنى ان نكون افادناا الاخت وابقى جربي وقولينااا ايه اللى حصل بالتوفيق ..

[moslema_arabia]

وجزانا واياكم اخى الكريم
شوف لما بتجيى تشدشفاط شد كدة برااحه هتللاقي زي مستويات زي نقلات الفتيس كدة
شد شد بسيطه هتلاقي زي الشنكل وقف هتشد تانى هشد ماعك لان شدة ع الاخر جامد جدااا
دة اكنك دايس بنزين ع الاخ وعربيه وقفه فاهمنى علشان كدة بقوولك مستوي اول وتانى ..((:

ربنا يكرمك انا مكنتش باخد بالي منها دي - هجربها ان شاء الله النهارده - انا كنت بشده علي الاخر فكان بيبقي صوته عالي جدا فعلا- جزاك الله خيرا

[moslema_arabia]

طبعا عادل باشا عامل الواجب و زياده
بس ملحوظه صغيره فى حوار الدواره ده
بلاش فعلا تدوسى بنزين من الأساس و الشفاط لوحده هيعمل المهمه
بلاش تتعافى ع المارش فى الدواره لو ملقطش ,, اخرك 5 ثوانى كده و تفصل و تستنى ثانيتين تلاته وتدور تانى عشان تحافظ عليه
مش لازم تستنى لحد اول شرطه عشان تبدأى الحركه ,, ممكن بمجرد ما الرعشه تروح خالص من الدركسيون ممكن تتحركى بس بلاش قرص من اولها
تحياتى :)

فعلا الحمد لله مبقتش ادوس بنزين خالص - بقيت بشد الشفاط - لو الصبح بيبقي ادور مرتين كده ميلقطش - بستني ثانية كده ادرو تاني يلقط بفضل الله تعالي
وبعدين بروح مدخلاه تاني
ومش بستني الشرطة بستني العربية تبطل الرعشة وبعدين اطلع بالراحة كده علي الاول لحد ما تاخد سرعتها

اللهم لك الحمد كما ينبغي لجلال وجهك وعظيم سلطانك
جزا الله الاخوة خير الجزاء

[LORD.ADeL]

الشكر لله اختى العزيزة واهلا بكي معنااا وياريت تتوصلي معنا كاجروب للماورتيه
((: وانا جارك من فيصل واذا في اي شي اكتبي هنا وباذن الله خير للجميع
تحياتى

[sarah5]

انا حصلت معايا مرة رغم انها لسة 2009 بس وقفت مني تقريبا كان في حاجة في الكهربا بس البطارية لسه كويسة الصبح بتكون بحالات ساعات من اول مرة تدور وساعات اعد احاول معاها كام مرة كده بس انصحك تغسلي جوة الكبوت انا غسلتها بمية عادية

[moslema_arabia]

انا حصلت معايا مرة رغم انها لسة 2009 بس وقفت مني تقريبا كان في حاجة في الكهربا بس البطارية لسه كويسة الصبح بتكون بحالات ساعات من اول مرة تدور وساعات اعد احاول معاها كام مرة كده بس انصحك تغسلي جوة الكبوت انا غسلتها بمية عادية

فعلا يا سارة هيه بحالات - وتعرفي ان فيه واحد صاحل معرض سيارات نصحني اني مغسلهاش خالص !!! قالي لو ضروروي يبقي هوا بس