إعـــــــلان

Collapse

.

,
See more
See less

عرض السوزوزكى sx4 الجديد وقطع الغيار

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    عرض السوزوزكى sx4 الجديد وقطع الغيار

    -
    -
    -
    -

    بسم الله الرحمن الرحيم
    • العربية سوزوكى سيدان sx4 انا مش حتكلم عن مواصفاتها الفنية بالظبط لان فى موضوعات مثبتة عنها وفى تقيمات عن العربية بطريقة عملية اكتر ,
    • عن نفسى انا من الناس الحيرانة زى اى واحد زى فى المنتدى او بره المنتدى فى اختياره للعربية اللى نفسه يشتريها , وانا نفسى اجيب عربية تكون سعرها مش يزيد عن ال110 الف وطمعان انها تكون يابانى وفيها امكانيات كويسة والعربية تكون مواكية للتطور شوية وفيها بعض الكماليات الحديثة ودى لقتها فى السوزوكى سيدان وبصراحة اعجبت بيها لما شوفتها فى المعرض على الطبيعة وقريب حعملها تيست دريف حديث غير اللى فى المنتدى على قدى بس لما العربية اللى بيعملوا بيها تيست دريف توصل المعرض وقالولى حتيجى خلال اسبوع , فالعربية بصراحة حطتها فى قائمة العربيات اللى معجب بيها واعجابى بيها بيزيد كل يوم
    • وطبعا لما شوفت العربية فى المعرض بلونها السليفر انبهرت بيها وبشكلها وامكانياتها وتانى يوم عملت اتصالات بالصيانة وسالت على قطع الغيار واتصلت بمهندس فى الصيانة وسالته على العربية
    ححطلكم اسعار قطع الغيار وهى كالاتى :

    ضيفوا علي الاسعار دى ضربية مبيعات طبعا

    تيل فرامل امامى = 440
    تيل فرامل خلفى = 350
    طنابير = 275
    بوجيهات = 60
    مساعدين امامى الجوز = 810
    مساعدين خلفى الجوز = 500
    فلتر بنزين = 165
    فلتر هواء = 125
    فانوس امامى = 675
    فانوس خلفى = 275
    مرايا جانبية = 275
    سير دينامو = 75
    سير تكيف = 135
    سير كاتينة = 220
    علبة دريكسيون = 770

    وده رقم قسم قطع الغيار عشان لو حد عاوز يسال على حاجة زيادة : 37617402

    بعض ملاحظات سالت عليها مهندسين الصيانة لعيونكم
    • سالتهم على موضوع التكيف اللى ليه وحدة منفصلة عن الماتور فرد عليه وقالى لا مفيش حاجة اسمها كدا بس هو مش بيعمل حِمل على الماتور
    • سالته على البور بتاع العربية فرد عليه وقالى انه كهرباء
    • سالته على العفشة بتاعت العربية اخبارها ايه فقالى انها عفشة gti يعنى عفشة جولف
    • على فكرة فنيين الصيانة ناس بقمة الذوق ولما كلمتهم بالهم كان طويل جدا ..... وقالوا لي تعالى واقف معانا عشان تتفرج على الصيانات بنفسك وتتاكد اكتر وترتاح اكتر.....
    • عنوان مركز الصيانة 18ش حسين كمال بجوار مطافئ و مرور الجيزه .




    اسيبكم مع بعض البيانات او الكماليات اللى نازلة مع العربية
    • العربية نازل معاها جنط 15 سبور - اكبر شنطة تشوفها على الاطلاق - مرتفعة عن الارض عشان مطبات مصر , كنبة الخلفية واسعة ومعقولة - الدريكسيون مالتى فكشن - اتوماتيك - 1600 سى سى - فرامل abs+ebd - معاها اتنين ايرباجز - فوجات امامية - الكاسيت mp3 - طبعا كمبيوتر رحلات وساعة رقمية ومؤشر لقياس درجة الحرارة - امكانية تعديل الدريكسيون - وتعديل كرسى السائق_ وحامل اكواب - طابلوه رائع وخاماته رائعةةة وشوفتها بعينى فعلا خامات يابانى محترمة
    • واليومين دول فى شهر رمضان فى عرض على العربية وصل سعرها الى 107 الف الاتوماتيك السيدان ودى بعض البيانات على العربية تانى واللى نازل معاها عشان الناس لو تحب تعرفها اكتر واللى عاوز مواصفات فنية اكتر زى ما قولتكم فى موضوعات مثبتة رائعة عنها هنا فى قسم السوزوكى
    • رقم المبيعات :
    22731373 -22731367









    وفى النهاية
    • وكدا ابقى انا عملت اللى عليه فى عربية مهدور حقها وبصراحة تستاهل والله على الاقل احسن من عربيات فى السوق كتير وتمنها عالى على ايه مش عارف !!!
    • وبعدين العربية نازل معاها امكانيات كويسة مش موجودة فى عربيات اخرى فى نفس الفئة السعرية بتعتها وبعدين كمان العربية لسه جديدة وكل ما بتزيد مبيعاتها اكيد بيقل قطع غيارها وبيتنتشر بره التوكيل , فتخيلوا لو الناس ابتدوا يشتروا ويجيبوا العربية دى ويثقوا فى سمعة السوزوكى فحتنتشر قطع الغيار بتعتها وكل اللى العربيات اللى منتشرة فى السوق وقطع غيارها منتشرة اوى السبب فيها هو احنا , لان كل ما بنركز على عربية معينة وبيزيد عليها الطلب فى الشراء بيزيد معاها انتشار قطع الغيار , ,
    • وبعدين اعتقد ان سعر قطع الغيار فى التوكيل معقول الى حد ما وليست رخيصة اوى وليست غالية لان فى اغلى منها اوى مثل الهوندا والمازدا والميجان وغيره وغيره ولا ايه رايكم !
    واتمنى انى قدرت اعمل تقرير يفيدكم



    ومستنى رودوكم الكريمة وتعليقاتكم المفيدة
    ورفعت لعيونكم شوية صور يارب تظهر بس وتكون مش مكررة وجديدة
    وكل عام وانتم بخير
    الملفات المرفقة
    [CENTER][COLOR=#ff7700][SIGPIC][/SIGPIC][/COLOR][/CENTER]
    [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
    [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
    [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]
    الكلمات الدلالية (Tags): 1300, 1600, 20, 2007, 2008, 2009, 323, 40, 50, abs, font, sx4, أسعار, أسعار قطع الغيار, اتصالات, اتوماتيك, احنا, اداء, اسعار, اسعار قطع الغيار, اكسنت, البنزين, التو, التوكيل, الجديد, الجي, الحرارة, السوزوزكى, الشنطة, الصيانة, الغيار, الفئة, الكنبة, الي, ام, انا, انى, اهل, بس, بصراحة, بنزين, بولو, بيع, تعديل, تكيف, تكييف, توكيل, توكيلات, تيل, تيل فرامل, جبت, جنط, جولف, حرارة, حل, دى, رائع, ريس, زلة, زيت, سعة, سعر, سعر قطع الغيار, سوزوكى, سوق, سير, سيراتو, شار, شراء, شنطة, صور, صيانات, صيانة, ضيف, طريقة, طنابير, عربية, عرض, عفشة, على, عن, عيوب, غالية, غبور, غيار, فئة, فرامل, فرامل abs, فلتر, فلتر بنزين, فلتر هواء, فوجات, في, قائمة, قطع, قطع الغيار, قطع غيار, كاتينة, كاسيت, كل, كمالي
  • #2
    شكراا على التقرير

    Comment

    • #3
      الله ينور يا ريس ... تقرير محترم وهحطها ضمن الاختيارات ومستني نظبط مع بعض زي ما اتفقنا ... مشكور يا علي على التقرير المحترم .. بس لما تعمل التست قولي يا باشا اهم حاجة وهو الثبات
      [FONT="Arial Black"][SIZE="4"]سبحان الله عدد ما كان و عدد ما يكون و عدد الحركات و السكون[/SIZE][/FONT]

      Comment

      • #4
        الله ينور عليك وانا حطيتها في الاختيار وان شاء الله هنتقابل انا وانت زي ما اتفقنا ... وننفذ اللي قولنا عليه
        [FONT="Arial Black"][SIZE="4"]سبحان الله عدد ما كان و عدد ما يكون و عدد الحركات و السكون[/SIZE][/FONT]

        Comment

        • #5
          eslamvip2008
          شكراا على التقرير

          على ايه يا غالى احنا كلنا هنا بنخدم بعضنا , وانشاء الله لو فى اخبار تانية ححطها فى الموضوع هنا دايما وحبلغكم بالجديد على طول لانها عربية محترمة والله وفيها امكانيات كويسة

          Ghost2
          الله ينور يا ريس ... تقرير محترم وهحطها ضمن الاختيارات ومستني نظبط مع بعض زي ما اتفقنا ... مشكور يا علي على التقرير المحترم .. بس لما تعمل التست قولي يا باشا اهم حاجة وهو الثبات

          حبيب قلبى انت اللى انسان محترم والله والحاجة الحلوة فى حيرة العربيات دى كلها انى اتعرفت على انسان محترم زيك , وحستناك نعمل تيست دريف مع بعض لما تنزل على مصر, وبعدين فى ناس شكروا فى ثباتها قبل كدا , وبعدين موضوع العفشة ال gti لو كانوا نزلوها فى الموديلات ال2009 وحقيقى حيبقا تمام اوى , لان مستغرب الناس اللى معاهم العربية وعملوا تقيمات عليها محدش ذكر النقطة دى بتاعت عفشة الجولف فاظاهر انها نازلة فى موديلات 2009 ومنزلتش فى مويلات 2008 ولا ايه او محدش قالهم عليها مش عارف , على العموم انا حفضل ورا العربية دى لغاية ما اجيب اررها
          [CENTER][COLOR=#ff7700][SIGPIC][/SIGPIC][/COLOR][/CENTER]
          [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
          [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
          [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

          Comment

          • #6
            ربنا يخليك يا ريس لذوقك ... انت اللي محترم والله .. بس خلي بالك من الكلام اللي قولتهولك في التليفون . على النقط اللي قولنا عليها ... انا معاك انها حلوة بس خلي بالك من التلت اربع حاجات اللي قولنا عليهم .. واحنا مع بعض قريب يا جميل وان شاء الله خير واول ما ارسي على حاجه محدش هيركبها في المنتدى هنا قبلك انت واحمد سامي
            [FONT="Arial Black"][SIZE="4"]سبحان الله عدد ما كان و عدد ما يكون و عدد الحركات و السكون[/SIZE][/FONT]

            Comment

            • #7
              المشاركة الأصلية كتبت بواسطة Ghost2 مشاهدة المشاركة
              ربنا يخليك يا ريس لذوقك ... انت اللي محترم والله .. بس خلي بالك من الكلام اللي قولتهولك في التليفون . على النقط اللي قولنا عليها ... انا معاك انها حلوة بس خلي بالك من التلت اربع حاجات اللي قولنا عليهم .. واحنا مع بعض قريب يا جميل وان شاء الله خير واول ما ارسي على حاجه محدش هيركبها في المنتدى هنا قبلك انت واحمد سامي


              -------------------------------------------
              انا ليه الشرف طبعا انى اركب عربيتك باذن الله ,وزى ا قولتلك احلى حاجة فى المنتدى هنا بيعرفنا بشخصيات محترمة زيكم بامانة , موضوع العربية الللى اتكلمنا فيه فى التليفون على العربية بخصوص اعادة البيع ده طبيعى وقولتلك عليه عشان العربية لسه جديدة وبعدين انا لو معايا حاليا المبلغ وفكرت اجبها وتوكلت على الله فى الاختار واشتريتها يبقا مش حغير الا بعد 12 سنة مثلا او كتر , لانى مش من النوع اللى مهوس بتغير العربيات كتير والحمد لله بحاول على قدر الامكان احافظ على العربية اللى معايا , وسبب تغيرى للعربية اللى معايا البولو هو انها بقة صغيرة عليه والشوارع بقة زحمة وعربيتى كما مفهاش تكييف ,

              ولما شوفت السوزوكى لقيت فيها كل الكماليات وسعرها مناسب وخصوصا يابانى وفى عربيات تانية فى نفس سعرها وفى امكانيات كترة بس كورى وفى يابانى بس غالى او مستعمل وانا حقسط ,

              وبعدين عربيات شركة سوزوكى بصراحة معمرة جدا ومحترمة بكل انواعها وشايفنها فى السوق ماعدا لسه الsx4 لانها جديدة بس الناس لو فكروا فيها وفكروا انها يابانى وفيها كل الكماليات ووسائل الامان اتفرج بقا عليها لما يحصل عليها اقبال واقتناع من العملاء ويبطلوا يجروا ورا الاشكال والمظاهر ويدوروا على المضمون والعمر الطويل اللى و اليابانى طبعا

              بصراحة على قد الامكانيات اللى فيها دى وسعرها الحالى او سعرها اللى حيرجع بعدالعرض بيكون عاوز وقفة تفكير عميق , بس هما لو جدعان يخلو سعرها 107 على طول وبالسعر ده لعربية دى حتكسر الدنيا

              وانشاء الله حستناك قريب عشان نروح ونشوفها على الطبيعة ونصورها صور اصلى من المعرض بتعها على الطبيعة وتتاكد من شكلها وتعرف كمان انها فى شكلها شيك وواسعة من جوة سواء فى الكنبة او الشنطة او فى الكراسى لامامية

              [CENTER][COLOR=#ff7700][SIGPIC][/SIGPIC][/COLOR][/CENTER]
              [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
              [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
              [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

              Comment

              • #8
                اتفقنا يا ريس
                [FONT="Arial Black"][SIZE="4"]سبحان الله عدد ما كان و عدد ما يكون و عدد الحركات و السكون[/SIZE][/FONT]

                Comment

                • #9
                  سؤالين صغيرين عن ال SX4

                  هو الموديل اللى بينزل مصر فيه Cruise Control و لا لأ ؟

                  و هل فيه لمبة فى التابلوه بتنور لو ضغط العجل مش مظبوط اللى هو ال Tire Pressure Monitoring System ؟

                  شكرا على الرد

                  Comment

                  • #10
                    انا ممكن ابعت لحضرتك رقم مهندس فى الصيانة لو تحب تساله بنفسك لانى معرفش الحقيقة , لو تحب قولى وابعتهولك على الخاص , بس لما يبلغك ياريت تبلغنا لان لو فيها كدا حتبقا امكانية لذيذة ومعرفش اذا كانت موجودة فى عربيات اخرى فى نفس الفئة السعرية بتعتها ولالا

                    على فكرة انا قريت اسعار المساعد الامامى بتاع الياريس فى قسم التويوتا كان مكتوب ب600 جنية مش عارف هل ده سعر المساعد الواحد ولا الاتنين لان لو الواحد يبقا مصيبة والسوزوكى تبقا ارخص منه لان الاتنين ب800 جنية ولو طلع الاتنين ب600 جنية يبقا سعر السوزوكى بردوا معقول ومش بعيد واهى التويوتا منتشرة اكتر من السوزوكى فيبقا اسعار قطع غيارها معقولة الى حد ما , وسعر تيل الفرامل هو اللى بعتبره غالى , مع ان فى عربيات قطع الغيار الاصلية بتعتها فى التيل بيوصل الى 350 جنية فبردوا سعر السوزوكى مقرب ليهم بس انا بعترف ان التيل غالى شوية بس فى عربيات اغلى منه بردوا وبعدين فلتر الهواء مثلا سعره معقول ومش فارق كتير فى السعر وكمان السيور وعارف ان فى عربيات ارخص من كدا , بس انا بتكلم على التويوتا على اساس انها يابانى بردوا مع انها 1300 سى سى , لقيت قطع الغيار متقاربة جداااا بينها وبين السوزوكى ما عدا فى التيل بس الامامى والخلفى

                    بصراحة عربية محتاجة لنظرة مننا ونظرة عميقة خصوصا فى اداء العربية وفى الامكانيات اللىف يها وفى الكماليات اللى بتنزل معاها , لاننا احنا اللى بنرفع عربية للسماء باقبالنا عليها واحنا اللى بنزلها الارض واحيانا ممكن تكون مظلومة , مثال على كدا الهيونداى نيو اكسنت مع ان مش بحب توكيل غبور بس انا بحترم العربية دى ومن فترة كانت مظلومة وكان الافيو متفوقة عليها فى الشراء والناس كانت بتزم فيها واول ما الناس ابتدوا ينظروا ليها تانى ولامكانياتها ووجدوا جودتها اعلى فزادت مبيعاتها وزادت قطع غيارها وبقة اسعارها معقولة ولا ايه يا جماعة

                    بس اتمنى ان سعر العربية دى يبفضل على 107 او مش يزيد عن 109 الف عليها وانا واثق على كام دعاية ليها تبقا ثابتة فى الجرايد و فى التليفزيون والله زى هيونداى وشفورليه ورينو حتبقا تمام , بس انا عارف ان سوزوكى مش بتحب تعمل دعايات ليها من زمان فى التليفزيون

                    ياريت نعرف اراء باقى الاعضاء وندردش مع بعض فى موضوع اسعار قطع غيارها هل معقول ولالا وندردش مع بعض فى العربية وخصوصا بعد ما عرفنا ان عفشتها عفشة الgti
                    [CENTER][COLOR=#ff7700][SIGPIC][/SIGPIC][/COLOR][/CENTER]
                    [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
                    [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
                    [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

                    Comment

                    • #11
                      هو لو إنت قصدك على الأرقام الى مكتوبة فوق فى البوست بتاعك, يبقى أنا ممكن أكلمهم أول ما أفضى . لو قصدك أرقام تانية , فأستأذنك تبعتهوملى على الخاص لو سمحت.

                      على فكرة فيه كمان حاجة أحب أشارككم فيها, هى إن العربية دى بتنزل بره مصر 2000 سى سى , فمعنى كده إن تصميمها عامة و عفشتها بالذات متصممة على إن هى 2000 سى سى و لما يركب فيها موتور 1600 ده يبقى ميزة ليها.

                      بالنسبة لقطع الغيار , فأنا مليش قوى فى الكلام ده الحقيقة, بس أنا الحقيقة عندى ثقة دفينة و عميقة فى قطع الغيار اليابانى الصراحة, يعنى أنا قصدى إنك عارف إنك بتدفع حاجة مش رخيصة بس فى حاجة معمرة , مش مثلا بتدفعها لإنها نادرة فى السوق أو لإن التوكيل عايز يبيعها كده و خلاص.

                      العربية دى الصراحة داخلة دماغى قوى بقالها فترة و عمال أتطقس عليها و بفكر أروح أشوفها فى التوكيل فى ميدان المساحة , و لما قريت عنها حسيت إنها مهضوم خقها شوية الصراحة هنا.

                      و عموما أى حد ليه ملاحظات أو تفكير بخصوص العربية دى يا ريت يشاركنا.

                      أسف على الإطالة و شكرا على المتابعة

                      Comment

                      • #12
                        المشاركة الأصلية كتبت بواسطة ahmadelsaeed مشاهدة المشاركة
                        هو لو إنت قصدك على الأرقام الى مكتوبة فوق فى البوست بتاعك, يبقى أنا ممكن أكلمهم أول ما أفضى . لو قصدك أرقام تانية , فأستأذنك تبعتهوملى على الخاص لو سمحت.

                        على فكرة فيه كمان حاجة أحب أشارككم فيها, هى إن العربية دى بتنزل بره مصر 2000 سى سى , فمعنى كده إن تصميمها عامة و عفشتها بالذات متصممة على إن هى 2000 سى سى و لما يركب فيها موتور 1600 ده يبقى ميزة ليها.

                        بالنسبة لقطع الغيار , فأنا مليش قوى فى الكلام ده الحقيقة, بس أنا الحقيقة عندى ثقة دفينة و عميقة فى قطع الغيار اليابانى الصراحة, يعنى أنا قصدى إنك عارف إنك بتدفع حاجة مش رخيصة بس فى حاجة معمرة , مش مثلا بتدفعها لإنها نادرة فى السوق أو لإن التوكيل عايز يبيعها كده و خلاص.

                        العربية دى الصراحة داخلة دماغى قوى بقالها فترة و عمال أتطقس عليها و بفكر أروح أشوفها فى التوكيل فى ميدان المساحة , و لما قريت عنها حسيت إنها مهضوم خقها شوية الصراحة هنا.

                        و عموما أى حد ليه ملاحظات أو تفكير بخصوص العربية دى يا ريت يشاركنا.

                        أسف على الإطالة و شكرا على المتابعة
                        انا اؤيد كلامك بنسبة 100% وفعلا هى حقها مهدور فى المنتدى هنا وحتى كمان اصحابها اعتقد مش بقم بيدخلوا زى الاول عشان يكملو تقيماتهم وبعدين الناس مهوسة فى الكورى والكورى لسه نازل ومعداش عليه مثلا 5 سنين مرة واحدة عشان احكم علي حكم فعلى , لكن اليابانى بيقعد سنين ومعمر لو صاحب السيارة محافظ عليها ,

                        والعربية دى وسعرها كويس وكفاية انها يابانى وبعدين سمعة سوزوكى مش وحشة فى المواتير والعربية دى فيها امكانيات كويسة جدا وعفشتها ممتازة بس يارب سعرها يثبت على 107 الف لان لو ثبت على كدا او بقا 105 او 106 العربية دى حتعمل مبيعات هائلة والله ,

                        انا مش حطيت رقم المهندس الصيانة عشان مينفعش اسيب رقمه كدا على الملأ عشان ده رقم شخصى لكن الارقام الاخرى يقدر اى حد يكلمهم لانها ارقام مبيعات وقطع غيار لكن اللى عاوز يسال عن حاجة فنية فى اداء العربية يقولى وابعتله رقم المهندس ويساله لانه شخصية محترمة وحيفدكم , وحاضر حبعتهولك على الخاص ,

                        وعلى فكرة انا نازل النهاردة اتفرج عليها تانى انا وعضو هنا اسمه (gost) احمد مختار وحنشوفها فى فرع مدينة نصر ولو حابب تكلمنا وتيجى معانا بعد الفطار النهاردة يبقا حتنورنا , ايه رايك
                        [CENTER][COLOR=#ff7700][SIGPIC][/SIGPIC][/COLOR][/CENTER]
                        [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
                        [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
                        [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

                        Comment

                        • #13
                          الهاتش باك برده بتاعتها شكلها تحفة
                          [CENTER][B]ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربنا:stink[1]:[/B][/CENTER]
                          [B]ارجوك علشان خاطر صحتنا وفر شوية فى استهلاك الكهربااء:stink[1]:[/B]
                          [CENTER][B]ارجووووك وفر شوية فى استهلاك البنزييييين:stink[1]:[/B][/CENTER]
                          [CENTER][B]اللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة[/B][/CENTER]

                          [CENTER][B]خليك ايجابى لنفسك حتى..زهقت من "[COLOR=sienna]الامعة[/COLOR]" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"[/B][/CENTER]

                          Comment

                          • #14
                            المشاركة الأصلية كتبت بواسطة ahmed4000 مشاهدة المشاركة
                            الهاتش باك برده بتاعتها شكلها تحفة
                            --------------------------
                            بس الواحد بيفضل السيدان من الناحية العملية
                            على فكرة انا بعتلك رقم مهندس الصيانة فى رسالة خاصة , مش تطمنى تقولى وصلت ولالا

                            وبعدين اتمنى من الناس تشارك بالرائ معانا حتى لوكان مخالف لينا لاننا بنتشارك مع بعضنا لخدمة بعضنا , وياريت لو حد عنده معلومة عنها يبلغنا لو كانت مع حد من اصدقائه او اقربائه وخصوصا السيدان منها

                            ياريت بجد نلم معلومات اكتر عن السيارة لانها فى الموقع هنا مش متكلمين عنها كتير وعاوزين نعرف الناس عليها اكتر

                            حنستنا ارائكم فى السوزوكى sx4 السيدان وملاحظاتكم
                            وانا رايح النهارة المعرض تانى عشان اشوفها تانى بنظرة اكتر تفحصية واحاول اشوف شوية اخبار جديدة احاول اقولكم عليها اذا لقيت باذن اله
                            [CENTER][COLOR=#ff7700][SIGPIC][/SIGPIC][/COLOR][/CENTER]
                            [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
                            [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
                            [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

                            Comment

                            • #15
                              احب اقولكو انها عربية فعلا حكاية ... انتظرو تقرير مفصل ومصور عن السيارة قريبا من اخويا وصديقي الاستاذ (ali357)وبجد انا كنت معاه العربية ممتازة
                              [FONT="Arial Black"][SIZE="4"]سبحان الله عدد ما كان و عدد ما يكون و عدد الحركات و السكون[/SIZE][/FONT]

                              Comment

                              السابق 1 2 template التالي
                              Working...
                              X