توكيل سوزوكى

[MRBEBO]

يا خبر يا استاذ smsmzarw بجد انا مش مصدق اللي انت قلته ده ...

يعني العربية ممكن تدخل كويسة تطلع فيها عيب بالطريقة دي

فيه توكيل محترم يبقى بالشكل ده

عموما الف شكر على نقل تجربتك واكيد الناس هتفكر مليون مرة قبل ما يروحوا التوكيل السئ ده ويتعملوا معاه

[Abdm]

يا أستاذ smsmzarw حضرتك عملت الصيانة دية فين فى أى فرع يعنى

[mesbah1981]

السلام عليكم
انا ليه برده تجربه سيئه مع التوكيل فرع الدقى
كنت رايح اعمل صيانة 10000 وبعد مخلصت واخدت العربيه لقته بتترج لما اقف بيها فى اى اشاره او كده
رحت ليهم تانى اخدوها وقاعدت ساعتين وبعد كده اخدتها بمشى بيها لقيتها بتقطع جامد جدا رجعت تانى دخلوها وقالولى انهم حيغيرو البوبينه واخدتها وفضل فيها تقطيع بس على مسافات
فرحت لمكانيكى بره وغيرى الابلتين والكوندنسر واخد 10 جنيه وبت زى الفل وكمان ظبط الماتور وانا فعلا دلوقتى حفكر الف مره انى اروح ليهم تانى

[Ramy Reda]

ناشونال موتورز ناس حرامية و مودرن موترز ناس مش نضاف من الاخر العربية دة لو مش هايتبهلها هتروح فى البى البى

[Abdm]

أن شاء الله هروح قريب خلال أسبوعين أعمل صيانة الآلف فى توكيل فرع الدقى وهقولكم على أية اللى حصل وأية أخر أخبار المستوى بتعهم
والمرة دية هى اللى هتقرر أذا كنت هتعامل معاهم تانى ولا لآ
خاصة وأنى والحمد لله مش بعمل عندهم غير الصيانات العادية فقط
وربنا يسترها معانا جميعا يا رب
والله الموفق والمستعان

[mosakr]

احب اضيف معلومه الى الاستاذ الذى يقول ان اسعار الصيانه لدينا غاليه انه كلام غير صحيح
صيانه 5000 او 15000 او 25000 او 35000 او 45000 ب75 للمصنعيه
والفلتر ب 55 جنيه بالضريبه بيقا ايه رايكم فى اسعار مصنعيات الصيانه فى التوكيل ؟؟؟؟؟

[Abdm]

احب اضيف معلومه الى الاستاذ الذى يقول ان اسعار الصيانه لدينا غاليه انه كلام غير صحيح
صيانه 5000 او 15000 او 25000 او 35000 او 45000 ب75 للمصنعيه
والفلتر ب 55 جنيه بالضريبه بيقا ايه رايكم فى اسعار مصنعيات الصيانه فى التوكيل ؟؟؟؟؟

أولا : تشرفنا بحضرتك معانا هنا فى القسم
ثانيا : حضرتك شغال فى أنة فرع من فروع التوكيل

ثالثا : حضرتك أنا عملت صيانة الآلف كلفتنى 300 جنية
قلولى ما فيش مصنعية لكن هما خدوا المصنعية بطريقة تانية أمال لما هيحسبوا المصنعية بعد كدة هدفع كام
دفعت 214 جنية زيت موبيل 10000 طبعا لو هشترية من برة هيكون أرخص كتيير
45 فلتر طبعا لو هشترية من برة هيكون أرخص كتيير
26 جنية ضريبة المبيعات
10 جنية هما مصنفينها مصروفات أخرى . . . مش هى أية

يعنى هما تقريبا واخدين 30 فروق أسعار + 36 جنية الضريبة والمصروفات الآخرى يعنى 66 جنية زيادة علشان هتتعامل مع التوكيل وفى حاجة هايفة مجرد صيانة الآلف .
أمال لو فى قطع غيار تانية أغلى أو فى مصنعية أغلى . وكمان هيحسبوا على كل دة ضريبة حوالى 10 % غير المصروفات الآخرى والمصنعية فى الزيارات اللى بعد كدة يعنى هتوصل لحوالى 600 جنية فى صيانة 5000 و 10000 لو هتغير زيوت وفلاتر ذى ما عملوا مع الآستاذ حسام الزلابانى
والله المستعان

[meemo]

احب اضيف معلومه الى الاستاذ الذى يقول ان اسعار الصيانه لدينا غاليه انه كلام غير صحيح
صيانه 5000 او 15000 او 25000 او 35000 او 45000 ب75 للمصنعيه
والفلتر ب 55 جنيه بالضريبه بيقا ايه رايكم فى اسعار مصنعيات الصيانه فى التوكيل ؟؟؟؟؟

طب شوف سعادتك صيانة الالف الاولي بكام في فرع الدقي من واقع الفاتورة
زيت موبيل 1 (3 لتر) 90 جنيه
فلتر الزيت 45 جنيه
ضريبة مبيعات 13.5
الاجمالي 148.5
وده تغير زيت وفلتر بس

ولما اتخبط الفانووس الامامي الشمال ورحت اغيره من واقع الفاتورة
مصنعية 25 جنيه
فانوس اشارة 35 جنيه
فانوس كشاف 110 جنيه
لمبة زئبق 45 جنيه
لمبة 3 جنيه
ضريبة 21 جنيه
الاجمالي 239 جنيه
طبعا الارقام بالنسبة لاي حد رخيص جدا فعلا بس بالمقارنة بالاسعار بره صعبة جدا
يعني مثلا الفانوس اللي ب110 بره 80 جنيه يعني 30 جنيه فرق
وثانيا التعسف في ان لازم اركب الكاست واشتريه من عندهم مش كده ولا ايه؟؟؟؟

[exact]

زيت موبيل 1 (3 لتر) 90 جنيه

إزاي 3 لتــــر ب 90 جنيه اذا كان الجركن ب 215

[meemo]

إزاي 3 لتــــر ب 90 جنيه اذا كان الجركن ب 215

والله ده المكتوب في الفاتورة انا حتي معرفش الجركن كام لتر

[abotasbeh]

الحمد لله ده أنا كنت ناوى اشترى عربية سزوكى .. لكن بعد اللى عرفته من خلال تعاملاته معاكم خلانى اغير رأييى .

[joax]

ياجماعه فروق اسعار الصيانات دة عشان الضرائب اولا وضمان ان الزيت ليس به مشاكل اى مضمون وثالثا والاهم انك تشترى راحه البال يمكن تكون التكلفه اعلى بس اكيد هتلاقى جوده مقابل ده واكيد لو لقدر الله حصل مشكله اكيد هتلاقى حقك ودا اكيييييييييييييييييييييد مش موجود بره .
وبالنسبه للعميل الى بيتكلم عن انه احضر كاسيت للسياره من الخارج احب ان اوضح له معلومه هاااااااااااامه
ان شرائك للكاسيت من الخارج لا يعطى لك ضمان او يقول لك الضمان سنه ولكن ان خرجت من عنده ورجعت بعد 5 دقائق هيقولك ان الجهاز ده اتوصل غلط حصل فيه قفله ودا طبعا قبل محد يلمس الجهاز .
او ممكن يفرجك على جهاز جيد ويسلم جهاز اخر به عيب صناعه تضمن دا ازاااااااااااااااااااى .
وطبعا متقوليش انك هتجربه قبل الشرا لان دا مش موجود الان !

حل جميل جدااااااا ,,,
وليه وجع الدماغ ده كله متشتريه من الوكيل وبسعر اغلى ماااااشي بس الضمان اكيد مهم لاى شخص .

[pepo2711]

[توكيل سيء جداsize="7"][/size]

[mohamed_kta]

والله انا فى بعض الاوقات بيجيلى أحساس أن الناس اللى شغالة فى التوكيل ده بيكرهوا الشغل بتاعهم و تقريباً المرتبات ضعيفة و الدخل عالى و ده محسس الناس هناك بالظلم و ده بيطلع علينا أحنا .

[pepo2711]

احب اشيد يا جماعة بفرع مودرن موتورز الأسكندرية

وبالأخص مدير الفرع وللأسف ما عرفتش اسمة بس راجل مهذب ومحترم وجد

وكمان فى مهندس / محمد رشوان

ومهندس / محمد او احمد مجدى

ناس محترمين قوى وفاهمين شغلهم ...والصنيعية معظمهم متدينين يعنى عندهم ضمير فى شغلهم

بس اللى ما عجبنيش اسلوبة / هو مهندس الضمان بالفرع بدون ذكر اسمه

انا لى تجربة معاهم وبانقلها بكل امانة وبعطى لكل ذى حق حقة

واخيرا