رابطة مالكي السويفت

[محمد الحديدى ى]

يشرفنى النضمام الى النتدى بسيارتى سويفت 98

[mahmoudkhalil]

المروحه

السلام عليكم
صاحبى عنده سويفت 94 لسه شاريها
اول مبيفتح الكونتاكت المروحه بتشتغل ومبتفصلش خالص
ايه المشكل؟؟

[mahmoudkhalil]

ايه رايكو عاوزيين نعمل جروب على الفيس

[زكى63]

سيارتى سويفت 97 ونفسى أركب عداد rbm يضبط ميعاد النقلات وأحس بدواسة البنزين من أقل ضغطة علية لأن رجلى تقيلة ع دواسة البنزين لما أتحرك من السكون , ياريت حد يعرف فنى ممكن يركب ف التابلوه العداد rbm / كمان ياريت نعرف نركب ساعة ديجيتال فى التابلوه وتكون بأرقام كبيرة ومضيئة ملونة .. أرجو المناقشة والرد وتحياتى للجميع

[alsafwa_hm]

السلام عليكم
سيارتى سويفت 99 أتوماتيك وعندى مشكلة فى تأخير نقل السرعة ياريت حد يقوللى أيه السبب ؟ وايه الحل؟ وشكرا

[eman ali]

لو سمحتوا يا جماعه انا معروض عليا سوزوكى سويفت 94
هى العربيه دى نوعها كويسه وتتحمل
اصل انا اول مره اجيب عربيه اصلا وافكر اسوق

[tiger_tiger25]

شكر واجب

اشكر اعضاء المنتدى المحترم
ولقد استفدت كثيرا
انا معى سويفت 93
يشرفنى الانضمام لكم
انا بصراحه لم انضم الا بعد ان قرأت
كل الابواب السابقه 128 صفحه
وبصراحه استفدت
خصوصا انى لسه شارى السويفت
وحصل معايا مشكله انها تقطع وتبطل وهيا ماشيه
وكأنك من الثالث مثلا رجعت على التانى
قلت مشط اسبريتير .. وجبنا اسبريتير جديد
ولسه حاليا فى فتره ترقب
وربنا يستر

[زكى63]

ارجو ان العيب يكون اختفى / كان عندى نفس العيب !! لكن ليه غيرت الأسبراتير المفروض تنظفه وممكن تغير المشط الأليكترونى مع انه هو كمان غالى ف حدود 200 جنيه ف اسكندرية / والعيب ده غالبا من طرمبة البنزين

[tiger_tiger25]

ارجو ان العيب يكون اختفى / كان عندى نفس العيب !! لكن ليه غيرت الأسبراتير المفروض تنظفه وممكن تغير المشط الأليكترونى مع انه هو كمان غالى ف حدود 200 جنيه ف اسكندرية / والعيب ده غالبا من طرمبة البنزين

شكرا على ردك واهتمامك ..الموضوع طلع اسهل من كل داه
فعلا جبت اسبراتير على الفاضى وركبته واتضح بعد كده ان
الطلمبه بتاع البنزين سليمه والاسبراتير سليم
المشكله كانت فى الفيشه اللى واصله من الاسبراتير
السلك كان فيه مشكله فكانت تشتغل عادى وبعد كده تقطع كهربا
والحمد لله على كل شيئ

[زكى63]

ارجو عمل رابطة لمالكى السويفت تسعينات فى كل محافظة على حده علشان نعرف قطع الغيار والكماليات وأماكن الصيانة / انا مثلا من اسكندرية ف سيدى جابر لاحظت ان ف منطقتى تقريبا خمسة سيارات سويفت تسعينات ,؟, بس حتعرف ع اصحابها ازاى !! لو نتعاون مع بعض ونثرى المنتدى وندخل دايما ونكتب كل حاجة عن مشاكل السيارة او كمالياتها يكون افضل لأنى واخد بالى ان المنتدى عايز تنشيط لمصلحة مالكى السيارة / وتحياتى للجميع

[mohdesoki]

اتشرف بالانضمام الى الجروب سوزوكي موديل 95 ياباني

[mohdesoki]

انا كمان بقول نعمل صفحة على الفيس بوك بأسم رابطة مالكي سوزوكي سويفت تسعينات ... ممكن اعمل الصفحة و احط اللينك

[mohdesoki]

https://www.facebook.com/groups/1115921365092180/

ده لينك جروب سوزوكي سويفت على الفيس بوك ياريت كلنا نشارك فيه

[mohdesoki]

رابطة مالكي سوزوكي سويفت على الفيس بوك

https://www.facebook.com/groups/1115921365092180/

ده لينك جروب سوزوكي سويفت على الفيس بوك ياريت كلنا نشارك فيه

[love2dark]

بصراحة انا استفدت كتيير جدا من الرابطة واحب اشكركم واحب انضم ليكم انا لسة شارى سويفت 97 كاملة اتوماتيك واحب اقولكم علي اسعار شوية حاجات دىفل اتش كيه اس 275 سبويلر طيارة 400 سير دينامو 15 سير كاتينة 75 الالمانى طقم بوجيهات ان جى كيه 40 طقم سلوك بوجيهات صينى 40 فلتر بنزين 15 مية موبيل الخضرا 85 فلتر زيت تايوانى 15 تيل فرامل امامى 55 تيل فرامل خلفى 75 وحدات رفع زجاج 75 دراع اشارات ومساحات 350 خرطوم الفايظ اللي داخل علي العمة 25 طقم كلاكسات فرنساوي 80 مكنة زجاج استيراد يابانى 170 اكرة باب داخلي بالوش بتاعها 25 ولازال التحديث مستمرا