سؤال عن ضمان الماروتى ارجوا المساعدة

[momopersona]

يا جماعة انا معايا ماروتى موديل 2007 كنت شاريها كسر زيرو من ساعتها ماتعملهاش ولا صيانة ولا تربيط عفشة ولا حاجة الا الزيت والبنزين طبعا
العربية دلوائتى عايزة مساعدين وتربيط عفشة وتظبيط كهرباء ماشية 15000 كم
ماعيش ورق ضمان ليها هل هى ليها ضمان اساسا ولو ليها ضمان هايرضو يعملوها وهى مارحتش ولا صيانة قبل كده
العربية كانت من المصرية للسيارات
وأرجو ماتبخلوش عليا بمعلومة

[maak333]

بص يا باشا
- اولا عربيتك لسه عليها ضمان لان الضمان 60000 كيلو او 3 سنوات ايهما اقرب فهي كدا لسه عليها ضمان بس لازم يكون معاك الورق بتاع الضمان....
-ثانيا الحجات اللي انت بتقول عليها ملهاش علاقة بالضمان سواء العربية عليها ضمان او لا سواء كانت موديل السنة دي او موديل قديم التوكيل هايعمللك اللي انت عاوزه طالما حاجة ملهاش علاقة بعيوب صناعة
-ثالثا ودا الاهم الحجات اللي انت عاوز تعملها اي ميكانيكي ممكن يخلصهالك اسرع واوفر ويمكن اجود من التوكيل....

[momopersona]

يعنى المساعدين دى مش تبع الضمان؟؟
ازاى انا كان معايا كيا برايد كنت بغير المساعدين من غير مادفع غير المصنعية بس فى الضمان

شكرا يا باشا على الاهتمام

[A.Saad]

لو العربية ماتعملهاش صيانة فى الميعاد هتطلع من الضمان
وده عن تجربة التو كنت هاشتريها سالت هيا فى الضمان ولا لا
التوكيل قاللى انه متعملهاش صيانة عندهم ولو ماشية كتير هتكون طلعت من الضمان

[m7nsh]

لو العربية ماتعملهاش صيانة فى الميعاد هتطلع من الضمان
وده عن تجربة التو كنت هاشتريها سالت هيا فى الضمان ولا لا
التوكيل قاللى انه متعملهاش صيانة عندهم ولو ماشية كتير هتكون طلعت من الضمان

+1
بالظبط كده ,, لازم تكون متابع صياناتك الدوريه مع التوكيل فى مواعيدها عشان يفضل الضمان سارى

[tamercc]

انا معايا عربيه 2008 و مالهاش ضمان ولا ورق ضمان

بس غريبه حكاية المساعدين دى...لانه اول مره اعرف ان فيه ماروتى مساعدينها تبوظ بالسرعه دى على الرغم من العربيه خفيفه جدا و مبتشكلش ضغط على المساعدين

انت بتركب فيها عدد و بتمشى بيهم كتير؟

[momopersona]

ااه ماتخفش احنا اربعة اوزان شوية وأختى مابتشوفش المطبات تقريبا
لو عربية تانية كانت اتبهدلت اكتر
والعربية دى احنا بجد رغم كل الكلام ده وان احنا بنحوت بنزين 80 دى اول مرة نعمل فيهاحاجة غير الزيت بئالها 3 سنين الا شهرين

[A.Saad]

اعتقد ان لازم تاخد بالك من العربية شوية
علشان تعيش معاك ان شاء الله

[sarah5]

بلاش موضوع التوكيل والصيانة ده احسن وروح لأي ميكانيكي عارفه هيبقي افضل ده انا روحت عملتلها صيانة الالف ودفعت 200 وشوية ووقفت مني في طريق صحرواي وكمان زيت الفيتس كان ناقص وشوف الموضوع كنت كاتباه هنا في المنتدي ريح دماغك احسن
وبالنسبة لموضوع المطبات فالشوارع كلها مطبات مهما حاولت تفاديها ربنا يستر علينا

[momopersona]

شكرا يا جماعة على الاهتمام
انا خلاص ظبطها فى بنزينة وطنية عملتلها ظبط زوايا واحتاجت زرجينة عشان كان فى عجلة مأخرة عن التانية بسبب مطب او حاجة وربط العفشة وكله تمام الفرامل اتظبطن والدريكسيون خف والسحب اتحسن لما عملت الحاجات دى
عشان العجلتين كانو بصين عكس بعض فالفرامل كانت بتزحلق جامد وبتصفر والكبالن ماكنتش مظبوطة فالسحب كان وحش والدريكسيون كان تقيل
بس هى عايزة مساعدين ان شاء الله هابئا اجيبها

[sab3aawy]

بص يا باشا
- اولا عربيتك لسه عليها ضمان لان الضمان 60000 كيلو او 3 سنوات ايهما اقرب

ضمان الماروتى 100 ألف كيلومتر او 3 سنوات ايهما اقرب وليس 60 ألف كيلومتر

[bayoumisoft]

شكرا يا جماعة على الاهتمام
انا خلاص ظبطها فى بنزينة وطنية عملتلها ظبط زوايا واحتاجت زرجينة عشان كان فى عجلة مأخرة عن التانية بسبب مطب او حاجة وربط العفشة وكله تمام الفرامل اتظبطن والدريكسيون خف والسحب اتحسن لما عملت الحاجات دى
عشان العجلتين كانو بصين عكس بعض فالفرامل كانت بتزحلق جامد وبتصفر والكبالن ماكنتش مظبوطة فالسحب كان وحش والدريكسيون كان تقيل
بس هى عايزة مساعدين ان شاء الله هابئا اجيبها

القصة دى كلفتك كام؟؟؟؟؟

[meemo]

بلاش موضوع التوكيل والصيانة ده احسن وروح لأي ميكانيكي عارفه هيبقي افضل ده انا روحت عملتلها صيانة الالف ودفعت 200 وشوية ووقفت مني في طريق صحرواي وكمان زيت الفيتس كان ناقص وشوف الموضوع كنت كاتباه هنا في المنتدي ريح دماغك احسن
وبالنسبة لموضوع المطبات فالشوارع كلها مطبات مهما حاولت تفاديها ربنا يستر علينا

انا معاية موديل 2009 وعملت صيانة ال1000 من حاولي شهر ودفعت حوالي 400 وسايب العربية للمدام وهي لاتفهم زيت فرامل ولافيتس تعرف منين ان في حاجة ناقصة من الحاجات دي؟؟؟؟؟؟؟؟؟؟؟؟

[momopersona]

القصة دى كلفتك كام؟؟؟؟؟

ضبط زوايا 20 جنيه
تربيط عفشة 10 جنيه
الزرجينه 90 جنيه
الاجمالى بالتيبس 125 جنيه
بس طبعا لو انت عايز تعمل الصيانة بنفسك مش هاتحتاج الزرجينة ولا ضبط الزوايا
هاتربط العفشة وتكشف على الزيوت والمياه بس تقريبا

[momopersona]

انا معاية موديل 2009 وعملت صيانة ال1000 من حاولي شهر ودفعت حوالي 400 وسايب العربية للمدام وهي لاتفهم زيت فرامل ولافيتس تعرف منين ان في حاجة ناقصة من الحاجات دي؟؟؟؟؟؟؟؟؟؟؟؟

400 جنيه فى صيانة الالف ليه ؟؟؟؟ هما عملولك ايه
بالنسبة للزيوت كل مدة كبيرة ابئا افتح الكبوت هاتلائى كل حاجة ادامك واللى تلائيه ناقص اعملو فى اى بنزينة وكبوتها سهل اوى على فكرة كل حاجة بتئولك انا اهو