بكرم وفضل من الله ... الحمد لله استلمت الsx4 ورخصتها

[Dr_Smart]

بسم الله

الحمد لله رب العالمين استلمت العربيه يوم الاحد 18/10 ... كان المفروض استلمها الخميس اللي قبله كمان ... عشان مالحقوش يركبو وحدة الرفع اللي طلبتها ...طبعا اتخنقت وكنت هسحب فلوسي ... يوم الاحد لقيت استاذ كريم ناصر بيكلمني يقولي معلش انا مش عارف اقولك ايه الصراحه ... انا طبعا صدقت وقلت ما انا مش هستلم العربيه دي خالص ... بس طلع بيهزر وقالي تعالى استلمها هههههههه

والحمد لله كله بيهون فعلا لما الواحد بيستلم

بس ماخدتش الورق يومها خدت وصل بالفلوس مؤقت ومجضر الاستلام بس وبعدين خدت الورق امبارح ... اللي هو الافراج الجمركي والبيانات ووصل الدفع والضمان ... والحمد لله بفضل من ربنا والله كل شيء بكرم ورحمة ربنا علينا رخصت النهارده من مرور الاميريه وكان رايق وكل حاجه مشيت كويس وخلصت في ساعه ونص ... رحت 10 مشيت قبل الظهر بشويه

اللي عايز يعرف تفاصيل اكتر عن الترخيص يسألني وانا لسه راجع طازه كده

لما استلمت يوم الاحد بصراحه ماكنتش عارف اركن العربيه كده يومين كنت عايز امشي بيها واجربها ... قلت اروح المصريه للسيارات وانا وحظي يمكن الاقي عندهم نمر تجاريه ... سالت قالي فيه واحد بتعامل معاه بس مش تبعنا ... قلتله بكام قالي ب 100 في اليوم ... المهم الراجل كان واقف بره قدام المعرض على طول راح كلمه قلتله عايزها يومين ... قالي هي على فكره بطلعها ب 120 بس طالما قالك 100 هنمشيها ... قلتله لا شكرا انا عامل حسابي على 50 في اليوم !!! قالي لا مستحيل ده النمر التجاريه قليله لان جت فتره كان فيه نمر كتير مضروبه وكل ده اتسحب وكده ومش هتلاقي ... قلتله خلاص اليومين ب 150 مارضيش ... رحت ركبت العربيه جه ورايا قالي خلاص ماشي ب 150 ... المهم مضيت على وصل استلام النمر باليوم والساعه ... وصور البطاقه والرخصه ... وقالي امضي على وصل امانه على بياض !!! قلتله لا طبعا شكرا مش عايز حاجه ... قالي عادي وبتاع عشان النمر دي مسؤوليه وكده ... قلتله انا دكتور مش حرامي وبطاقتي معاك مش هكتب على نفسي وصل عشان اخد نمر يومين ... شكرااا ... قالي طيب وصل بألف جنيه والنمر تسوى اكتر من كده ... قلتله لا برضو اسف ... المهم سكت شويه كده وقالي خلاص ماشي بس انا عمري ماطلعت النمر لحد من غير وصل ... قلتله يا سيدي كفايه ثقتك دي وان شاء الله نكون عند حسن الظن ودفعت وخدت النمر بالرخصه بتاعتهم ... علقت النمر الاماميه في الشبكه بسلك والخلفيه خليتها ورا الازاز من جوه ... ان شاء الله هرجعهم النهارده بالليل وربنا يكملها على خير ... معلش اني طولت في الجزئيه دي بس ربما حد ياخد فكره عن الموضوع ده

بالنسبه للعربيه ... ان شاء الله هعمل تقييم بالصور بعد صيانة الالف
بس مبدئيا العربيه بسم الله ماشاء الله محترمه ربنا يبارك فيها ويبعد عنا شرها

الماتور ما شاء الله أداؤه ممتاز ومتجاوب جدا بس صوته مسموع شويه يمكن عشان لسه في التليين والكاتينه الجنزير
العفشه الصراحه ناشفه شويه وكانت مضايقاني اول ما استلمت ... بس رحت بريدجستون وطلع ضغط الكاوتش 40 !!! طبعا كده كان لازم تبقي ناشفه ... مليت نيتروجين على 32
بقت احسن من الاول والنهارده احسن من امبارح يعني ان شاء الله مع الوقت هتنعم برضو

على فكره انا رحت بيها امبارح الاسماعيليه و 6 اكتوبر من الزيتون وكنت بحاول ما اجريش يعني 100 - 120 بس مقدرتش وجبت 170 بس ثواني وهديت تاني حفاظا على الماتور في التليين

شغلت التكييف شويه لان اليومين دول الحر لا يطاق ... رائع وتلاجه بجد ... انا شغلته في عز الولعه ومازودتش عن 2 ... فيه ميزه في العربيه دي اني جايبها من التوكيل بالضمان بتاعه وفي نفس الوقت هي مواصفات خليجيه حسب المكتوب في القايم ... ودي افضل في منظومة التبريد والتكييف وربما الطلاء

العربيه ابعادها صعبه شويه بس واحده واحده بتاخد عليها

ده كده باختصار شديد اكيد فيه تفاصيل اكتر كمان كام يوم بعد الصيانه بإذن الله

وشكرا جزيلا للاستاذ كريم ناصر ربنا يكرمه .. كإني كنت بتعامل مع اخويا ... وبرغم التاخير اللي حصل في الاستلام اللي خلاني اتضايقت بس هو عمل اللي عليه وزياده ... هو شاب جدع وخدوم وأي حد في المنتدى بيفكر في عربيه سوزوكي انصحه لوجه الله يروح للاستاذ كريم وان شاء الله يكون عند حسن ظن الجميع لأن الواحد بيتعرف من أعماله مش من كلامه

وأي استفسار عن العربيه انا تحت امركم على قد ما اقدر من معلوماتي اللي على قدي

[ahmadelsaeed]

ألف مبروووك يا جميـــــــــل

طبعا أنا بقول مبروك للعربية عليك مش العكس :10D5C8~1107:

و عشان متزعلش يا باشا ... ألف مبروك على العربية و ربنا يديك أجمل خيرها و يكفيك أقل شرها

مستنيين بقى أرائك فيها ... و معلش بقى لا مؤاخذة أنا و أحمد مصطفى لينا لفة لوحدنا

بس إتقل شوية على العربية يا سكر ... كتير السرعات اللى إنت كاتبها دى على عربية فى التليين , ربنا يحفظ طريقك

[hani945]

مبروك على العربية

[m7nsh]

الف مبروووووك يا دكتور ,, ربنا يديك خيرها ويكفيك شرها

[Dr_Smart]

ألف مبروووك يا جميـــــــــل

طبعا أنا بقول مبروك للعربية عليك مش العكس :10D5C8~1107:

و عشان متزعلش يا باشا ... ألف مبروك على العربية و ربنا يديك أجمل خيرها و يكفيك أقل شرها

مستنيين بقى أرائك فيها ... و معلش بقى لا مؤاخذة أنا و أحمد مصطفى لينا لفة لوحدنا

بس إتقل شوية على العربية يا سكر ... كتير السرعات اللى إنت كاتبها دى على عربية فى التليين , ربنا يحفظ طريقك

الله يبارك فيك يا جميل وعقبالك ان شاء الله ... هي او الاحسن منها بإذن الله

وانت تؤمر ... ما تغلاش عليك يعني مش لفه واحده بس ... بس هتستنى كتير على ما اخلص الامتحانات يمكن تكون استلمت اصلا اوعى تفتكرني عايز اخلع

على فكره حوار التليين ده مش عارف ايه الصح فيه ... اللي يقولك ماتجريش وده الرأي المعتاد ... واللي يقولك اجري وفتح الموتور

بس في الكتالوج كاتبين خلال اول 960 كم التسارع مايكونش مفاجئ والسرعه ماتكونش ثابته والrpm مايكونش عالي بدون تحديد اي ارقام معينه

لكن رأيي ... فعلا اطلع براحتك وسيبها تجمع سرعتها من غير قرص ... بس عادي ممكن توصل ل 120 واكتر لو عايز ( وده الافضل كمان ) اصلا ال 120 على 3 rpm

وافضل طريق للتليين يكون طريق مفتوح مش زحمه ... الزحمه والمشي ببطء وتسارع و فرامل كل شويه هو ده اللي هيبوظ الدنيا مش السرعه

[Dr_Smart]

مبروك على العربية

الف مبروووووك يا دكتور ,, ربنا يديك خيرها ويكفيك شرها

ربنا يبارك فيكو يا جماعه منورين والله

[Hosam_Optrawy]

الف مبروك يادكتور ربنا يباركلك فيها

وفى انتظار تقييم الالف ان شاء الله

[ashouhdy]

الف مبرووك يا دكتور و أختياار فى الجووووووووووون ما شاء الله
بالنسبة للتليين المقصود بية متحرقش على الغيار جامد فى اول 1000كيلو
و متقطرش حاجة بالعربية فى اول 2000 كيلو
غير كدة عيش حياتك و ميهمكش و الف مبروووك

[hossam_elwani]

فى انتظار تقرير مصور........

[bemocarlo]

الف مبروك وبالراحه شويه في التليين.
bemo,ire

[bishoy02010]

الف مبروك ربنا يباركلك فيها ومستنين التقيم :)

[Dr_Smart]

الف مبروك يادكتور ربنا يباركلك فيها

وفى انتظار تقييم الالف ان شاء الله

الف مبرووك يا دكتور و أختياار فى الجووووووووووون ما شاء الله
بالنسبة للتليين المقصود بية متحرقش على الغيار جامد فى اول 1000كيلو
و متقطرش حاجة بالعربية فى اول 2000 كيلو
غير كدة عيش حياتك و ميهمكش و الف مبروووك

فى انتظار تقرير مصور........

الف مبروك وبالراحه شويه في التليين.
Bemo,ire

الف مبروك ربنا يباركلك فيها ومستنين التقيم :)

الله يبارك فيكو جميعا وشكرا لكل النصايح

بإذن الله هعملكم تقرير محترم بعد الالف كيلو

دعواتكم ربنا يستر طريقنا جميعا ويكفينا شر الطريق وهو خير حافظا وهو أرحم الراحمين

[LORD.ADeL]

ماشاء الله ولاحول ولاقوة الا بالله
الف الف مبروك يا دوك
ربنا يبارك لك فيها ويكفيك شر عجلها ويحفظك باذن الله من كل سؤ
مبارك عليك يا احمد
تحياتى...

[Dr_Smart]

ماشاء الله ولاحول ولاقوة الا بالله
الف الف مبروك يا دوك
ربنا يبارك لك فيها ويكفيك شر عجلها ويحفظك باذن الله من كل سؤ
مبارك عليك يا احمد
تحياتى...

الله يبارك فيك يا لورد ربنا يكرمك ويحفظك من شر الطريق

[E30power]

طبعا الف مليوون مبروك ليك ويجعلها قدم السعد ويحميك من شرها .....
بس اية اخبار السحب معاك والتسارع بتعها ملحوظ !!؟؟....