التقرير المصور النهائي في زيادة عزل الماروتي

[eiad_naser]

الاخوة الاعزاء
مالكي السيارة المحبوبه سوزوكي ماروتي
اعضاء منتدي نايل موتورز الكريم

كن من حوالي شهر كده شوفت ماوضيع عن عزل السياره صوطيا وحراريا
بصراحه الموضوع عجبني
بعد ما ليقت اعضاء ابتدو ينفذو الفكره بس محدش نذل تقرير
قولت اسبقهم وانزل انا التقرير


بس انا هاتكلم بالتفصيل شويه

اللي بيزهق من القراءه ممكن تيفرج علي الصور ويخرج ههههههههههه

اول حاجه انا كنت من اوئل الناس اللي ركبت تكييف ماروتي من حوالي اربع سنين للعربيه او ما اشتريتها وعملت تقرير بالموضوع ده.

لكن الراجل بتاع التكييف كان فيه فتحه كبيره امام الراكب اللي جمب السواق ده كانت مسئوله عن تجديد الهواء داخل السياره ده مكنش قفلها.

كانت في الشتاء بتدخللي برد شديد داخل السيارة في السفر
وكمان معرفش كنت بحس في الايام الاخيره بصهد شديد داخل من الماتور.

قرائة عن موضوع لعزل العربيه حرايرا وصوتيا عجبتني الفكره

قولت انزل اسئل عن الحاجت ده واشتريت عازل حراري من السبتيه لكن طلع بتاع افران



وهواعباره عن الياف حاريره والظهر مفضض مثل ورق الفويل بتاع الطعما كما واضح من الصوره

قولت شكله مش هينفع نزلت اسئل عن العازل الحراري ناحيه فوم وناحيه سلفر



وده صوره

روحت البيت قعدت اقارن الاثنين ببعص لقيت الاولاني افضل لصدر العربيه والثاني افضل للأرضيات



استعنت بالله وفكيت الطبلوه كامل وشيلت الدركسيون وشيلت ثلاجه التكييف خاصة كانت محتاجه شحن فريون احنا داخلين علي شتاء قولت اشحنها الصيف القادم ان شاء الله
بقي العربيه شكلها بالمنظر ده






اول حاجه لقيت عزل العربيه من الامام ممتاز بصراحه حطين لباد حراري ممتاز جدا
لكن مشكلتته مع الوقت ساب من مطرحه وكان كل اللي محتاجه ان يتشد مطرحه كويس
طبعا انا خلاص فكيت قولت ازود العزل فكيت اللباد وحطييت تحتيه العازل الحراري بتاع الافران وحطيت فوقيه اللباد وقفلت الصدر كويس وسديت كل الفتحات اللي في العربيه وقفلتها تمام علشان متدخلص ولا صوت ولا نفس من ناحيه الماتور
ورجعت الثلاجه مطرحها تاني



وفكيت الكرسيين الاماميين وابتديت اعزل الارضيات






ومن نفس اعازل ده عملت عازل كفر للبطاريه علشان حرارة الماتور متبوظش البطاريه عملتلها قميس ولبسته ليها

وبالمره اشتريت الاتي
زجاجة wd40 = ب 19 جنيه
ومنظف كاربيراتير = ب 20 جنيه
وملمع طابلوه = ب 10 جنيه
وفوم لغسيل الماتور = ب 18 جنيه
وفوم لتفحيم الكاوتش = ب 20 جنيه
واسبري معطر وملمع للطبلوه = ب 8 جنيه
والعازل الحراري متر ب 10جنيه
وعازل الفوم المتر ب 15جنيه
ونص كيلو كله ب 14 جنيه

طبعا خلصت العربيه عزل من الداخل وغسلت الموكيت وغسلت الكراسي وابتديت افرش العربيه وارجع كل حاجه مكانها
كانت الجيران بتعدي بتقولي ايه ده انت هتعرف ترجعها تاني ولا نشوفلك ميكانيكي
وكان التاني يقولي حرام عليك بوظت العربيه ليه ده كانت شيلاك
هههههههه وخد تريقه للصبح

طبعا الكلام ده كان قبل العيد علشان اخرج بالعربيه كام يوم العيد دول تكون العربيه عروسه هههههههه

المهم دخلت علي الماتور وهاتك يدعك وهاتك يافرك ونظفت الكربيراتير وغير البوجيهات والابلاتين والكندنسر كل الناس قالت العربيه ده مش هتدور تاني هههههههه
وده شكل الماتور بعد ما رجع لاصله



واخيرا قد انتهيت من حملت تنظيف واعادة عزل السياره ودورة العربيه دارة من اول محاوله الحمد لله وسيبتها تسخن شويه بعد 5 ايام شغل كل يوم حوالي 3 ساعات
وخلاص المفروض اخرج بيها تاني يوم العيد

اخدت المدام ونزلنا نخرج المادام اول ما شافت العربيه قالت بسم الله ده رجعت كأنها جديده

بصيت تحت العربيه لقيت المفاجئه اللي نكددت عليا ايام العيد هههههههههه

لقيت مية الريداتير كلها في الارض فيه خرطوم رفيع واصل بين كوعه خرج الميه وكوعه دخل الميه للماتور اتقطعت وفضت الميه بتاعة الريداتير

اضريت اركن العربيه واخد مواصلات وطبعا الحصره كل الحصره العربيه واقفه عروسه ومش عارف اخرج بيها كانت نهايه مش ظريفه

والحمد لله بعد ما اجازة العيد خلصت والمحلات فتحت اشتريت الخرطوم وجيبت جوانات لكوع لاني شكيت فيه قولت ده اتكسر وفكيته والحمد لله رجعت كل حاجه زي ما كانت بعد ما العربيه ملها الترب طبعا خلال ركنتها في ايام العيد

بس بجد حسيت بأختلاف كبيييييييييير عن الاول العربيه بقيت انعم واحسن وانضف ههههههههههه


فيه كمان عزل للابواب علي الصاج (من مشاركات الاخ عصام غنام )

فرخ البلاك اللاصق من محلات مستلزمات بويات السيارات








وتحت السولتكس

أرما فليكس




وعزل للعتب

الفوم السائل بنجيبه من محل بيع مستلزمات صيانة التلاجات



وعزل لالارضيات من الخارج من اسفل السياره

البلاك الرش الأيطالى وده بنجيبه من محل مستلزمات بويات السيارات



بس انا قولت كفايه كده اللي جرالي ههههههههههههههه مش عاوز العربيه تتقلب بيا من كتر الحسد

بتهيئلي بعد ده كله العربيه بقت طياره هههههههههه

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية.
الرجاء مراجعة قوانين المنتدى
م ع 3

[Amr Axel]

يسعدني اكون اول واحد يرد ع موضوع حضرتك
و تسلم ايديك ع الموضوع الجامد ده و ما شاء الله ع الشغل

بس مينفعش بقي يا جماعة عمالين تقطعوا عليا من ساعة ما قولت هعمل عزل للعربيات مرة أ\ عصام و مرة حضرتك لأ انا هرفع قضية اطالب بتعويض مادي للاضرار النفسية التي سببتموها لي هههههههههههههه

لا بجد تسلم ايديك ع التقرير و الشغل و العبد لله لما انزل اجيب الحاجة و ابدأ التقرير هينزل بس للأسف الواحد مش لاحق يعمل حاجة من ضيق الوقت :(
فيه في السبتية محلات مستلزمات السروجي هتلاقي عندهم كل انواع العوازل المخصصة للعربية سواء حراري او صوتي و انا شايف ان عازل اللباد يكفي حراري و صوتي بشرط الا يقل عن 5 ملم - 1 سم ده بالنسبة ليا لأن ما شا ءالهل لقيت عازل حراري ممتاز ورا التابلوه و الابواب لكن المشكلة في الصوت المزعج للموتور و الفيبر

و ايوة كده عايز التقارير تنزل تغرق القسم بس خلي بالك من اللون الأحمر لأنه مخالف و مخصص للمداخلات الادارية

و يا ريت لو حضرتك تنورنا في مقابلة الدايو
http://www.nilemotors.net/Nile/317727-2012.html

[S O P H O S]

ما شاء الله
مبروك ..

[eiad_naser]

شكراً ليك يا استاذ عمرو علي ردك وعلي زوققك
بالنسبه للقضيه ارفع يا عم قضيه ولا يهمك بس احنا اللي هناخد تعويض عن طول الانتظار ههههههههه

بالنسبه للون الاحمر في الكتابه انا اول مره اعرف ولما قريت الجمله فضلت افكر فيها شويه انت تقصد بيها ايه لحد ما فهمت انك تقصد الكتابه بالون الاحمر ليا اقتراح طالما اللون مخالف ممكن ترفعوه من عند الاعضاء العاديين وبكده محدش هيغلط ويكتب بيه

لو لاحظت في بدايه الموضوع انا قولت اني عامل تقرير بموضوع التكييف
الموضوع ده قدييييييييييييييييييييييم اوي او ما فتح المنتدي انا مشترك هنا من زمااااان
بس عملت الموضوع بتاع التكييف وعلشان كتبت بيانات عن الراجل اللي عملهولي لقيت نفسي مطرود طردة الكلاب شهر محروم اني اخش المنتدي زي الكلب الجربان
طبعا انا كنت عامل الموضوع في منتدي تاني اكيد انت عارفه
لقت احد الزملاء نقله هنا علي اساس ان الموضوع بتاعه
كان الحظر اترفع من عليا
دخلت بكل زوق قولتله الموضوع بتاعي قام رد وقال انت الكداب زي اغنيه احمد مكي هههههههههههه
المهم قلوت علشان اثبت للأداره مين الكداب ده اللينك بتاع موضوعي اهه ونشوف تاريخ مين الاقدم
اتطردت تاني طردة الكلب الجربان بدون اي انظارات بصراحه انا حسيت اني جالي جر بجد هههههههههههههههه
المهم حلفت اني مدخلش هنا تاني ابداً
بس لقيت بعض الاسئله في موضوعات مكنتش بقدر امسك نفسي وكنت بجاوب علي تساؤلات الناس وواحده واحده لقيت نفسي رجعت تاني
وده تقريبا تاني موضوع ليا كويس انك حزرتني من اللون الاحرم لحسن الاقي موضوع الجرب ده رجعلي تاني ههههههه
معلش طولت عليك بس كان عتاب لازم اقوله علشان نفسي متباقش شيله من المنتدي
بجد انا نسيت كنت هرد اقول ايه شويه كده واررد عليك تاني ان شاء الله

[dr.hazem]

بشمهندس اياد بجد ما شاء الله عليك وعلى مجهودك وحبك لافادة الناس...
انا فعلا قلت ان الماروتي لو مش مكيفه ملوش لازمه عزلها...
وبما انك من اللي مكيفين العربية فانا بقولك فوق الفرق اللي حسيته دلوقتي افتكر وقت الصيف ان شاء الله تقولي اخبار التكييف ايه

ربنا يحميلك العروسه ان شاء الله ويديها الصحه والعافيه...
احييك على التقرير وجزاك الله خيرا

تحياتي

[eiad_naser]

تحياتي ليك يا dr.hazem بصراحه التقرير نور بوجودك

[Amr Axel]

فيه في السبتية محلات مستلزمات السروجي هتلاقي عندهم كل انواع العوازل المخصصة للعربية سواء حراري او صوتي و انا شايف ان عازل اللباد يكفي حراري و صوتي بشرط الا يقل عن 5 ملم - 1 سم ده بالنسبة ليا لأن ما شا ءالهل لقيت عازل حراري ممتاز ورا التابلوه و الابواب لكن المشكلة في الصوت المزعج للموتور و الفيبر

اعتذر عن الخطأ أقصد المناصرة ش محمد علي

[Mohamed.Fawzy]

بسم الله ما شاء الله ..... برافو عليك

[Amr Axel]

شكراً ليك يا استاذ عمرو علي ردك وعلي زوققك
بالنسبه للقضيه ارفع يا عم قضيه ولا يهمك بس احنا اللي هناخد تعويض عن طول الانتظار ههههههههه

بالنسبه للون الاحمر في الكتابه انا اول مره اعرف ولما قريت الجمله فضلت افكر فيها شويه انت تقصد بيها ايه لحد ما فهمت انك تقصد الكتابه بالون الاحمر ليا اقتراح طالما اللون مخالف ممكن ترفعوه من عند الاعضاء العاديين وبكده محدش هيغلط ويكتب بيه

لو لاحظت في بدايه الموضوع انا قولت اني عامل تقرير بموضوع التكييف
الموضوع ده قدييييييييييييييييييييييم اوي او ما فتح المنتدي انا مشترك هنا من زمااااان
بس عملت الموضوع بتاع التكييف وعلشان كتبت بيانات عن الراجل اللي عملهولي لقيت نفسي مطرود طردة الكلاب شهر محروم اني اخش المنتدي زي الكلب الجربان
طبعا انا كنت عامل الموضوع في منتدي تاني اكيد انت عارفه
لقت احد الزملاء نقله هنا علي اساس ان الموضوع بتاعه
كان الحظر اترفع من عليا
دخلت بكل زوق قولتله الموضوع بتاعي قام رد وقال انت الكداب زي اغنيه احمد مكي هههههههههههه
المهم قلوت علشان اثبت للأداره مين الكداب ده اللينك بتاع موضوعي اهه ونشوف تاريخ مين الاقدم
اتطردت تاني طردة الكلب الجربان بدون اي انظارات بصراحه انا حسيت اني جالي جر بجد هههههههههههههههه
المهم حلفت اني مدخلش هنا تاني ابداً
بس لقيت بعض الاسئله في موضوعات مكنتش بقدر امسك نفسي وكنت بجاوب علي تساؤلات الناس وواحده واحده لقيت نفسي رجعت تاني
وده تقريبا تاني موضوع ليا كويس انك حزرتني من اللون الاحرم لحسن الاقي موضوع الجرب ده رجعلي تاني ههههههه
معلش طولت عليك بس كان عتاب لازم اقوله علشان نفسي متباقش شيله من المنتدي
بجد انا نسيت كنت هرد اقول ايه شويه كده واررد عليك تاني ان شاء الله

معلش يا باشا حصل خير هو ممكن بس سوء تفاهم المهم ان حضرتك نورت المنتدي و القسم تاني :)
و في انتظار ردك و اتمني تنورنا في مقابلة الدايو عشان نتشرف بمعرفة حضرتك

[eiad_naser]

معلش يا باشا حصل خير هو ممكن بس سوء تفاهم المهم ان حضرتك نورت المنتدي و القسم تاني :)
و في انتظار ردك و اتمني تنورنا في مقابلة الدايو عشان نتشرف بمعرفة حضرتك

انا كنت هعلق علي موضوع السبتيه لان السبته فيها عاوزل بس من نوع اخر لكن بالنسبه للسيارت العوازل بتاعتها بتتباع في المناصره كما تفضلت وقلت وفيه حته اسمها ضرب البربره في العتبه قريبه من المناصره بس انا مروحتهاش.
انا نزلت المناصره جيبت من هناك العزل العلز الفوم السلفر قولت هيكون ارخص لاني كنت جيت من امبابه 1 متر لكن مكفاش السعر في امباب 15 جنيه والمنصره نفس السعر لكن الراجل حسبه ب 13 بعد فصال ونهاد
انا منت بفكر اجيب جلد وافصله للسولتكس والكراسي لكن قولت بقي ادي العيش لخبازه ففضلت انزل اجيبه جاهز
فلو حد هنا يعرف مكان كويس بيبيع الحاجات ده بس تكون حاجه محترمه وسعرها معقول اكون شاكر

[motto]

هل ينفع اشتري العازل الفوم دا واحطه في الكبوت من جوا ؟؟؟ ومن عند مين اجيبه؟

[Amr Axel]

انا كنت هعلق علي موضوع السبتيه لان السبته فيها عاوزل بس من نوع اخر لكن بالنسبه للسيارت العوازل بتاعتها بتتباع في المناصره كما تفضلت وقلت وفيه حته اسمها ضرب البربره في العتبه قريبه من المناصره بس انا مروحتهاش.
انا نزلت المناصره جيبت من هناك العزل العلز الفوم السلفر قولت هيكون ارخص لاني كنت جيت من امبابه 1 متر لكن مكفاش السعر في امباب 15 جنيه والمنصره نفس السعر لكن الراجل حسبه ب 13 بعد فصال ونهاد
انا منت بفكر اجيب جلد وافصله للسولتكس والكراسي لكن قولت بقي ادي العيش لخبازه ففضلت انزل اجيبه جاهز
فلو حد هنا يعرف مكان كويس بيبيع الحاجات ده بس تكون حاجه محترمه وسعرها معقول اكون شاكر

كانت غلطة مطبعية بس هههههه
هي فعلا ديه الاسعار عندهم من سنين ثابتة كويس انهم مزودوش
و شوف لو حضرتك عايز تجيب حاجة برده سواء جلد او غيره هننزلهم قريب ان شاء الله بس نشوف الناس اللي هتشترك معانا

[Amr Axel]

هل ينفع اشتري العازل الفوم دا واحطه في الكبوت من جوا ؟؟؟ ومن عند مين اجيبه؟

بعد اذن أ \ اياد
هو ينفع يا موتو بس انا أفضل لو اللباد ع اساس صوت و حرارة ياما لو عايز وش فووم و فوقيه لباد شغال برده :) عن نفسي هعمل الحوار ده لكن بين العضم يعني مش هحط العوازل حتة واحدة

و اماكن البيع مستلزمات السروجي لو فيه هناك في الاسماعيلية او عندنا في المناصرة لو هتيجي تنورنا في القاهرة يوم خطف :)

و يا ريت تنورنا هنا لو حابب تشترك معانا

http://www.nilemotors.net/Nile/320377-a.html

[motto]

[QUOTE=Amr Axel;3874651921]بعد اذن أ \ اياد
هو ينفع يا موتو بس انا أفضل لو اللباد ع اساس صوت و حرارة ياما لو عايز وش فووم و فوقيه لباد شغال برده :) عن نفسي هعمل الحوار ده لكن بين العضم يعني مش هحط العوازل حتة واحدة

و اماكن البيع مستلزمات السروجي لو فيه هناك في الاسماعيلية او عندنا في المناصرة لو هتيجي تنورنا في القاهرة يوم خطف :)

و يا ريت تنورنا هنا لو حابب تشترك معانا

http://www.nilemotors.net/Nile/320377-a.html[/QUOTE




ايه اللباد دا يا عمرو وازاي بين العضم .... طبعا طبعا حنوركم في مصر انا لسه راجع اول امبارح لان انا مقر الشركه هناك اساسا وباجي كل فتره ان شاء الله

[eiad_naser]

ايه اللباد دا يا عمرو وازاي بين العضم .... طبعا طبعا حنوركم في مصر انا لسه راجع اول امبارح لان انا مقر الشركه هناك اساسا وباجي كل فتره ان شاء الله

طبعا بعد اذن الاستاذ عمرو


عضم الكبوت هوا الهيكل الحديد اللي بيكون مشدود عليه الكبوت علشان ميلبش في المطبات ولو حد قعد علي الكبوت ميتطبقش فوق الماتور

بالنسبه للباد ده احد انواع العوازل المصمم للسيارات وبيكون ناحيه جلد والناحيه التنايه الياف صوفيه مثل بطانيه الجيش وده مشئول عن حجب الحرارة وعدم وصولها للجهة الاخري منه ولا يتاثر بالحراره