ايه الفرق بين بنزين 80 و 90 و 92 و 95

[hemalotfy]

السلام عليكم ورحمة الله

لو سمحتم ممكن اعرف ايه الفرق بين بنزين 80 و 90 و 92 و 95
وازاي نعرف ايه اللي يتناسب مع سياراتنا

مثلا انا كنت الاول بحط 90 ولما البنزين غلي بقيت احط 80 ومحستش بفرق بين الاتنين علما ان العربية موديل قديم وهي مازدا 323 موديل 1981

وشكرا

[monmonmon]

ده رقم الاوكتين للبنزين

كل لما الرقم يزيد من 80 الى 95 يعنى مقاومته لظاهرة الصفع (التسقيف) بقت اعلى و الاحتراق يبقى طبيعى اكتر

الرقم ده بيتحدد بناء على نسبة انضغاط المحرك Compression Ratio و دى خاصه بمواصفات المكنة.. كل لما نسبة انضغاط تزيد هتحتاج بنزين ذو رقم اوكتينى اعلى
نسبة الانضغاط بتتراوح من 7 الى 12 كحد اقصى
فى المحركات القديمة تلاقيها 7 او 8 و يمكن اقل
فى المحركات الحديثة 9.5 لحد 10.5 او 11

بالنسبة لعربيتك انت محستش بفرق لان نسبة انضغاط المحرك اساسا قليله فمع ال 80 الاداء مش هيختلف عن 90 لان الاتنين مقاومتهم للصفع عاليه و الاحتراق الناتج منهم احتراق طبيعى

لكن مع العربيات الحديثة اللى نسبة انضغاطها اعلى من 10 مثلا هتحس بفرق من بنزين 90 الى 92 الى 95 فرق للاحسن

[hemalotfy]

ده رقم الاوكتين للبنزين

كل لما الرقم يزيد من 80 الى 95 يعنى مقاومته لظاهرة الصفع (التسقيف) بقت اعلى و الاحتراق يبقى طبيعى اكتر

الرقم ده بيتحدد بناء على نسبة انضغاط المحرك Compression Ratio و دى خاصه بمواصفات المكنة.. كل لما نسبة انضغاط تزيد هتحتاج بنزين ذو رقم اوكتينى اعلى
نسبة الانضغاط بتتراوح من 7 الى 12 كحد اقصى
فى المحركات القديمة تلاقيها 7 او 8 و يمكن اقل
فى المحركات الحديثة 9.5 لحد 10.5 او 11

بالنسبة لعربيتك انت محستش بفرق لان نسبة انضغاط المحرك اساسا قليله فمع ال 80 الاداء مش هيختلف عن 90 لان الاتنين مقاومتهم للصفع عاليه و الاحتراق الناتج منهم احتراق طبيعى

لكن مع العربيات الحديثة اللى نسبة انضغاطها اعلى من 10 مثلا هتحس بفرق من بنزين 90 الى 92 الى 95 فرق للاحسن

الف مليــــــــــــــــــــــــون شكر ياباشا على شرحك الاكثر من رائع بس ليه سؤال:
ازاي اعرف Compression Ratio بتاع الموتور بتاعي.
ولي سؤال ثاني: لما كنت بحط 90 ورجعت حطيت 80 بقيت اسمع صقف بسيط في طلعت العربية ده يكون ايه ؟

[monmonmon]

الف مليــــــــــــــــــــــــون شكر ياباشا على شرحك الاكثر من رائع بس ليه سؤال:
ازاي اعرف compression ratio بتاع الموتور بتاعي.
ولي سؤال ثاني: لما كنت بحط 90 ورجعت حطيت 80 بقيت اسمع صقف بسيط في طلعت العربية ده يكون ايه ؟

نسبة الانضغاط دى بتكون من مواصفات تصميم المكنة يعنى من المواصفات الفنية انا حاولت ادور على النت معرفتش الاقى حاجه عن موديل 1981 و معرفش هو كام سى سى بس بالنسبة للموديلات ال 1300 سى سى الاحدث نسبة انضغاطها حوالى 9.4 يعنى المكنة عندك حوالى 9 او يمكن اقل

بنزين 90 كده مناسب اكتر للمكنة.. لان نسبة الانضغاط دى معناها انها عايزه بنزين ما بين 80 و 90 يعنى اوكتين 85 او 87 و ده مش عندنا طبعا لكن ممكن توصله بخلط 80 مع 90

بالنسبة للصفع اللى لاحظته فده شىء عادى فى الطلعة لان اثناء الطلعة سرعة المكنة بتكون قليله جدااااا و بالتالى سرعة المكابس قليله و سرعة الهواء قليله و ده بيسبب خلط ضعيف بين الوقود و الهواء و بما ان رقم الاوكتين قليل و مقاومة الوقود للصفع قليله فمع السرعات القليلة دى و عدم حدوث مزج جيد بين الوقود و الهواء هتلاقى المكنة بتسقف لان الاحتراق غير طبيعى.. و هتلاحظها اكتر لو زودت ضغط على دواسة البنزين على سرعة قليله لانك كده بتزود ضغط الهواء و دى من الاشياء اللى بتسبب امكانية حدوث الصفع. ارجو تكون العملية بسيطة عليك فى الفهم

[hemalotfy]

جزاك الله خير على شرحك
الحمد لله الموضوع بسيط بعد قرائة اسلوب شرحك الرائع والف شكر لمساعدتك للاعضاء
سؤال اخير يا باشا:
هل صوت الصفع ده ممكن يحدث ضرر في الموتور ؟؟ وعلما زي ما حضرتك قلت هو فعلا بيزيد لما بدوس بنزين اكتر بس انا فهمت للعربية وبقيت مازودش بنزين الا بعد ما العربية تسحب شوية


بالنسبة للموتور هو 1300 سي سي وبعد ما قريت كلام حضرتك هبقى اخلط ال90 مع 80 يعني مثلا 15 لتر 90 و15 لتر 80 واجرب واقول لحضرتك ان شاء الله.

وشكرا لك مرة اخرى

[monmonmon]

جزاك الله خير على شرحك
الحمد لله الموضوع بسيط بعد قرائة اسلوب شرحك الرائع والف شكر لمساعدتك للاعضاء
سؤال اخير يا باشا:
هل صوت الصفع ده ممكن يحدث ضرر في الموتور ؟؟ وعلما زي ما حضرتك قلت هو فعلا بيزيد لما بدوس بنزين اكتر بس انا فهمت للعربية وبقيت مازودش بنزين الا بعد ما العربية تسحب شوية


بالنسبة للموتور هو 1300 سي سي وبعد ما قريت كلام حضرتك هبقى اخلط ال90 مع 80 يعني مثلا 15 لتر 90 و15 لتر 80 واجرب واقول لحضرتك ان شاء الله.

وشكرا لك مرة اخرى

شكرا لك يا باشا,

ايوه فى اضرار على المكنة اول حاجه الصفع بيسبب اهتزازات ممكن تأثر على قواعد الموتور مع الوقت بس دى مش مشكله اوى.. الاهم هو امكانية حدوث تلف ميكانيكى زى كسر فى عمود الكرنك بس ده مش بيحصل من مره واحده و ممكن ميحصلش اصلا.. على فكره اى مكنة بتتعرض لحدوث صفع حتى لو بتستخدم البنزين المناسب بس الفرق فى شدة حدوث الظاهره و حالة المكنه..

[hemalotfy]

شكرا لك يا باشا,

ايوه فى اضرار على المكنة اول حاجه الصفع بيسبب اهتزازات ممكن تأثر على قواعد الموتور مع الوقت بس دى مش مشكله اوى.. الاهم هو امكانية حدوث تلف ميكانيكى زى كسر فى عمود الكرنك بس ده مش بيحصل من مره واحده و ممكن ميحصلش اصلا.. على فكره اى مكنة بتتعرض لحدوث صفع حتى لو بتستخدم البنزين المناسب بس الفرق فى شدة حدوث الظاهره و حالة المكنه..

شكرا لسرعة ردك وتفاعلك معنا

[mohamedhamam]

شكراً لشرحك البسيط السلس الرائع و ماذكرته هو الفرق بينهم بمنتهى البساطة و أضيف للزملاء أعضاء المنتدى و من ذوى العربيات الحديثة أن الغالبية من تلك العربيات نسب إنضاغطهم متماثلة و الفرق بين بنزين 90 و 92 ليس كبير فى سعر اللتر اليوم و عليه إستعمال بنزين 92 سيكون أفضل

[ahmed-moga]

فعلا بالنسبة لبنزين 92 هايبقي كويس جدا للسيارات الحديثة اللي بتشتغل بنظام الحقن الأنجكشن والبنزين دة بيدي عمراطول للماتور طالما انت مراعي مواعيد الصيانة الدورية وتغيير الزيت في ميعادة وحسب الكيلو متر بس اهم شيئ متسبش تانك البنزيين لما يفضي خالص ومون من محطات بنزيين يكون عليها رقابة جامدة يعني تكون مشهورة زي الأمارات وموبيل وان ووطنية

[د.محمود صلاح]

الف شكر للمعلومة