جى بى اوتو .... وكيل مازدا الجديد

[A.Saad]

جى بى اوتو توقع اتفاقية توكيل حصرى لتوزيع سيارات مازدا فى اضخم اسواق السيارات الملاكى فى منطقة شمال افريقيا .

اعلنت اليوم شركة جى بى اوتو المقيدة فى البورصة المصرية تحت كود auto.ca الشركة الرائدة فى تجميع وتوزيع السيارات فى الشرق الاوسط وشمال افريقيا عن حصولها على توكيل حصرى لاستيراد وتوزيع سيارات مازدا فى مصر .

من جانبه علق د رؤوف غبور عضو مجلس الادارة المنتدب لشركة جى بى اوتو وقال انه سعيد جدا باعادة تجديد الحقوق الحصرية لتوزيع كافة منتجات ماركة مازدا من فى مصر وسوف تبدا شركة جى بى اوتو عرض السيارات الملاكى موديلات mazda2-mazda3 والتى سيتم بيعها مباشرة بعد استيرادها كاملة الصنع من الخارج .

سوف تقوم شركة جى بى اوتو بتاسيس المعارض وشبكة خدمات مابعد البيع لماركة مازدا وسوف تبدا عرض موديل mazda 3 فى ثلاثة معارض تابعة لشركة جى بى اوتو اثنين فى القاهرة وواحد فى الاسكندرية اضافة الى حوالى ثمانية موزعين معتمدين .

تعد شركة جى بى اوتو الشركة الرائدة فى سوق السيارات فى مصر وتتمتع بحصة سوقية بلغت 27% من سوق السيارات الملاكى وتتمتع الشركة بخبرة واسعة بالسوق لها حقوق حصرية لتجميع وتوزيع السيارات ماركة هيونداى فى مصر .

قال غبور ان ماركة مازدا تتماشى تماما مع مجموعتنا التى تضم السيارات الملاكى المستوردة والسيارات المجمعة محليا .

ومع اختلاف الفئة السعرية فنحن نسعى الان للاستحواذ على حصص سوقية فى سوق يسيطر عليه الماركات اليابانية والاوروبية .

تتوقع شركة جى بى اوتو ان تساهم مازدا فى رفع الحصة السوقية للشركة بمقدار نقطتين خلال العام الاول من طرحها .

تابع غبور قائلا ان الشركة قد اوقفت توزيع سيارات مازدا منذ 2001 بسبب انظمة الجمارك غير المواتية ولكن تبسيط الرسوم الجمركية فى الوقت الحالى يجعل منه وقتا مناسب هذه الماركة الرائجة الى السوق .

[د.محمود صلاح]

ما هو من زمان غبور واخد توكيل مازدا بدل سوناتنا بس ما اهتمش بيها او ما اعرفش ايه اللى حصل

[ahmed_khalil]

مشكور يا باشا على الخبر بس اعتقد ان غبور ماكانش بيدخل العربيات مصر لكنه كان وكيلها
يمكن يبتدى يدخلها تانى مادام عمل اعلان و بتاع

[shifu]

Mazda did not have a dealer in Egypt. I know there are two companies that bring Mazda to Egypt

Smart Car and Sonesta and both are like the gulf dealers who get the cars from the gulf countries

[M.almaghraby]

خسارة......

[horas3000]

هما كانوا خسروه عشان يستعيدوه اصلا
بس عموما خبر كويس
و اتمني ميعاملهاش نفس معاملة الهيونداي و يقصص ريشها قبل ما توصل
و يبقي حنين في قطع غيارها ده لو عايز يكسب السوق

[hatem11112000]

والله انا محتار اقول الخبر دة كويس ولا مش كويس
كويس لان مازدا بقى ليها اب شرعى فى مصر
ومش كويس لان الاب دة هو غبور اللى ديما بخيل على اولادة
بكرة نشوف هيعمل اية

[M.Osman]

انا شايف انه خبر كويس جداً....
انا بس اللي مستغرب له ان اللي اعرفه ان غبور كان اصلا وكيل مازدا .. مش مش مشغلها... (يمكن مصالح مع هيونداي؟!)

لكن دلوقتي بيعلن تاني فدي حاجة كويسة... ان يكون في وكيل للماركة في مصر .. بدل ما العربية الواحد مش عارف المفروض صياناتها تتعمل فين او قطع غيارها تتجاب منين بالظبط!

فاكرين؟:

http://www.nilemotors.net/Nile/97708-a.html

[A.Saad]

هوة بيقول انه هيديها اهتمام المرحلة الجاية

تابع غبور قائلا ان الشركة قد اوقفت توزيع سيارات مازدا منذ 2001 بسبب انظمة الجمارك غير المواتية ولكن تبسيط الرسوم الجمركية فى الوقت الحالى يجعل منه وقتا مناسب هذه الماركة الرائجة الى السوق .

[Usama Nagi]

يا ريت يهتم شوية بالمازدا عشان تحمي المنافسة بين الياباني في مصر

[M.Mostafa80]

غبور من زمان معاه التوكيل بس كان مهمله شويه المازدا عربيه محترمه واتمنى اعادة انتشارها بس يكون حنين فى اسعار صيانتها

[mohamedhamam]

شكراً يا باشا على المعلومة و أنا أول مرة أعرف أن غبور هو وكيل مازدا فى مصر

[mostafa741]

السلام عليكم
شكرا و جزاك الله كل خير علي الخبر
ممكن ذكر المصدر بعد إذنك

[A.Saad]

موقع اسمه ميست
بيهتم بالاخبار الاقتصادية

[ahmed_khalil]

و اتقالت برضه على كونتكت كار