ايه رأيكم في الفكره دي ؟

[farfora20082008]

السلام عليكم

يا ريت لو فكرتي مش تنفع محدش يقول علي ساذج وكده

انا بقول لنفسي ازاي يكون سعر المازدا هنا عامل 145 الف وهي اصلا في السعوديه ب 52 الف ريال !!!
وكمان موديل 2010 نزل هناك وعامل بين 60 الف و70 الف ريال حسب الفئه

انا فكرت وقولت يا واد يا خالد لو انت روحت السعوديه واشتريت مازدا 2010 ونزلتها ودفعت الجمرك بتاعها اكيد هكون موفر تقريبا 20 الف جنيه

بس دي مجرد فكره مش عارف تنفع او لا

انا معرفشي حاجه عن الجمارك وقوانينها وقد ايه بتكون نسبه الجمرك علي العربيه دي

فممكن تدوني رأيكم وتعرفوني اللي ممكن اكون مش اعرفه

ومتشكر ليكم

[mohamed777]

البركة فى الجمارك
هتتجمرك جمركة محترمة وهيكون السعر هو هو!!!

[farfora20082008]

طيب هي نسبه الجمارك علي 1600 cc كام ؟

والفكره نفسها تنفع ؟ يعني لو عملت كده ينفع انزل بيها واخلص جمركها ؟

وتفرق في الجمرك لو جبت عربيه زيرو موديل 2009 او 2010 ؟

اصل ممكن اغير رأيي واجيب 2009 الي اكيد هتكون ارخص بكتير في السعوديه

[mohamed777]

معرفش الجمارك كام على ال1600 سى سى
بس كل اللي اعرفة انك لازم يكون موديل السنة اللي احنا فيها بمعنى احنا دخلنا فى 2010 يبقى موديلات 2009 وماقبلها ماتنفعش تجمركها
إلا إذا كنت اول مالك ليها حتى ولو كانت موديل 2000 او قبلها

[farfora20082008]

متشكر يا اخ محمد
معني كده اني ملتزم بموديل 2010

طيب انا ليه صديق سعودي عايش في جده ممكن هوه يشتريها ويبعتها لي وانا استلمها هنا ؟ ان بتكلم من منطلق ان اي حد ممكن يبعت شيء المهم عندنا في مصر انه يتجمرك :)
بس اكيد لازم تكون باسمي . عشان اقدر اجمركها . صح ؟

[farfora20082008]

قواعد إدخال السيارات إلي مصر

أولاً : سيارات الصالون :

بالنسبة للإدخال النهائى للسيارات التى يستوردها المصريين المقيمون بالخارج :-

1- بقاء المواطن بالخارج مدة لا تقل عن تسعة أشهر .
2- أن يتم تملك وتسجيل السيارة فى ذات سنة الموديل .
3- أن يكون المشترى هو المالك الأول للسيارة .
4- استخراج شهادة " لمن يهمه الأمر " من إدارة المرور المسجلة لديها السيارة تتضمن تاريخ التسجيل وبيانات السيارة تفصيلاً ثم توثيقها من وزارة الخارجية الإماراتية ثم السفارة أو القنصلية المصرية .
قواعد عامة :
1- لا توجد قيود على شراء السيارات وتملكها وتسجيلها فى أول السنة أو فى آخر السنة طالما أن الشراء والتسجيل تم فى ذات سنة الموديل .
2- للتمتع بالتخفيض الجمركى الخاص بالسنة الأولى (10%) يجب أن يتم الشراء والتسجيل قبل تاريخ 1/10 من نفس سنة الموديل .
3- لا يتم ترخيص السيارات التى مضى على تاريخ صنعها عشر سنوات بما فيها سنة الموديل .
التعريفة الجمركية :
سعة المحرك رسم الوارد ض. مبيعات رسم التنمية الإجمالى
حتى 1600 CC 40% من سعر السيارة 15% من سعر السيارة + الجمرك 5% من سعر السيارة + الجمرك + ضريبة المبيعات 69%
من 1601-2000 CC 135% 30% 5% 220%
أكثر من 2000 CC 135% 45% 5% 250%

التخفيضات :
- 10% خصم من القيمة الجمركية عن السنة الأولى .
- 5% خصم من القيمة الجمركية عن كل سنة بعد السنة الأولى .
- بحد أقصى 50% ( تسع سنوات ) .
قطع غيار السيارات : 12%

لمزيد من المعلومات يمكن الإطلاع على موقع مصلحة الجمارك المصرية على شبكة الإنترنت التالى : ط§ظ„ظ…ظˆظ‚ط¹ ط§ظ„ط±ط³ظ…ظٹ ظ„ظ…طµظ„طط© ط§ظ„ط¬ظ…ط§ط±ظƒ ط§ظ„ظ…طµط±ظٹط©