عايز اشتري مازدا 3 ,, أجيبها منين ؟!

[bmw3m007]

عايز اشتري مازدا 3 , سعرها كام انا عايزها كامله ستيبترونيك و فتحة سقف و شبكه اماميه بلون العربيه بس مش عايز الاسبويلر الخلفي علشان هركبلها انا واحد و طبعا الريموت و التكيف التاتش و كل الحجات دي

في سؤال بس ,, هو ايه اخبار الساوند سيستم في العربيه دي
يعني هتحتاع الواحد يعدله انا سمعت السيراتو الكوبيه و مش قادر انسى ,, جامد جدا
اكيد المازدا اجمد ولا ايه ؟ بس حاسس انها هتتطلع مش اجمد مش عارف ليه

طبعا العربيه جميله و ربنا يعمل الي فيه الخير ان شاء اللـه

[himaz]

انت تقصد موديل ايه ( الشكل القديم ولا الجديد ) الساوند تمام جدا ,

[mamido83]

السلام علبكم،
شوف يا باشا، انا لما كنت بدور على مكان اجيب منه المازدا بتعتى، افضل سعر كان عند (2) بس اسمهم انا مش متاكد منه:
1_ ETDco حاجة زى كده، و الله مش فاكر الاسم اوى، بس هو فى شارع الطيران فى مدينة نصر.
2_ "اوتو حمزا" او "رضا حمزة" و بجد انا اسف انى مش فاكر الاسم كويس
المهم، المكانين دول كان عندهم ارخص سعر للمازدا 3 فئه ايرو.

و ربنا ان شاء الله ييسرلك الحال

[levelpower]

اولا ان شاء الله نبركلك قريب على المازدا
ثانيا : انا شايف انك تروح تشتريها من غبور علشان التوكيل و الضمان بس مش عارف اخبار السعر عنده ايه ( بفضل )
ثالثا : لو معجبكش سعر غبور او اى سبب تانى عندك اتنين متروحش بعيد عنهم و هما سونستا و سمارت كار
و السبب لان الاتنين دول بيدوك ضمان على العربية بجانب مراكز الخدمه النضيفه التبعهم علشان تقدر تعمل الصيانه بتاعت العربية
غير كده كل المعارض فيها مازدا بس الفكره فى الضمان و الصيانه

[Eng.Sameh]

الساوند سيستم ممتاز ومش هتحتاج تعمل فيه اي حاجة .. تحفة فعلا ..
شكلك بتتكلم على الشكل اللي معانا مش اللي نزل جديد .. ! وبصراحة مش عشان معايا ، بس انا شايفه احلى بكتير من الجديد.

الأسبويلر بنزل استاندرد في فئة ايرو اللي فيها باقي الحجات اللي انت عاوزها .. وهو بصراحة سيمبل وجيل جدا .. وممكن تغيره لو حبيت ..

بالنسبة للمكان ، سمارت كار كويس ، بس معتقدش هتلاقي عنده الشكل ده دلوقتي ، بس برده اسأل ، يمكن تحتاج تلف شوية لو مش عاوز الشكل الجديد ، ولو الشكل الجديد ـ هتلاقيه اكيد في سمارت .

بالتوفيق وان شاء الله نباركلك قريب

[himaz]

السلام علبكم،
شوف يا باشا، انا لما كنت بدور على مكان اجيب منه المازدا بتعتى، افضل سعر كان عند (2) بس اسمهم انا مش متاكد منه:
1_ ETDco حاجة زى كده، و الله مش فاكر الاسم اوى، بس هو فى شارع الطيران فى مدينة نصر.
2_ "اوتو حمزا" او "رضا حمزة" و بجد انا اسف انى مش فاكر الاسم كويس
المهم، المكانين دول كان عندهم ارخص سعر للمازدا 3 فئه ايرو.

و ربنا ان شاء الله ييسرلك الحال

ETDco اسعارهم تمام بس اتاكد ان العربية تمام عشان استلمتها اكتشفت فيها نقرة بعد كدة
بس اى كلام يعنى صغيرة اوى انا اصلى بحب كل حاجة 200 ال 100

اتمنى تلاقى الشكل القديم عشان بجد مش هيتكرر تانى

المهم بقى شوف اوتو اباظة 16876

http://abaza-auto.com/

ده مستورد كبير بيجيب مازدا و بيوزعها كمان لمعارض كتير

ETDco انا اكتشفت ان المازدا من
اصلا من اوتو اباظة


كمان ممكن تشوف ابو العز فى مدينة نصر متفرع من مكرم عبيد اتجاه عباس العقاد


بالنسبة للضمان متقلقشى العربية مش محتاجة ضمان اصلا
الكلام ده فى العربيات اللى فيها مشاكل

المازدا الحمد لله لا يوجد بها اى مشاكل و ده مش كلامى بس ده كلام كل الناس
الصيانة ممكن تعملها فى سمارت او التوكيل بعد فتح المراكز عادى مش لازم تبقى شاريها من عنده

اغلب ملاك المازدا جايبنها خليجى

سمارت خلصوا الشكل القديم من زمان


ربنا يوفقك
احنا كلنا موجودين لو احتجت اى حاجة

[M_Abdallah]

ياريت حد يقولنا اسعارها دلوقتي كام بعد التخفيضات.

[Eng.Sameh]

ياريت حد يقولنا اسعارها دلوقتي كام بعد التخفيضات.

لو لقيتها يا ريت تلاقيها بالسعر العادي بتاعها ، مش أغلى .. لكن لا اعتقد ان عليها تخفيضات اصلا ، لأن بعد ما الدفعة الأوروبي خلصت ( اصلا كانت موجودة لمدة حوالي شهرين تلاتة ) الأسعار رجعت عادية واغلى كمان في بعض الأماكن .. اهم حاجة بس تلاقي حد لسه عنده الشكل ده ..

بالتوفيق .. واحنا موجودين لو احتجت اي حاجة

[bmw3m007]

كل المازدازيه هنا منورين بجد يا رجاله
و شكرا عالردود الجميله و المازدا 3 بصراحه فعلا تحفه فنيه
بس بصراحه لسه مجبتش حاجه و الموضوع داخل معايا على جولف شكله كده
ربنا يعمل الي فيه الخير ان شاء الله