مشكله في مازدا 3

[WalidAdel]

صديق لي عنده مازدا 3 2008 المهم الراجل دا بيعمل كل الصيانات و اخر صيانه عملها 20 الف و العربيه دلوقتي عامله 28 الف و شويه المهم المشكله ان العربيه وانت بتسحب علي النقله مخنوقه و مافيش صعب او بطئ اوي لكن لما تقرص او تحرق العربيه بتجمع حلو اوي اوي بمعني اخر انت ماشي علي التاني فبتدوس دواسة البنزين تدريجيا علشان تسحب و مش تسقط نقله فالعربيه مش بتسحب بقي في الحركه دي و الموتور صوته مكتوم جدا
المشكله دي من قبل صيانة ال 20 الف و غيرنا بوجيهات ngk ايريديوم وارد امريكا علي حسب كلام الراجل مافيش نتيجه او بمعني تاني هيا هيا نفس الخنقه اللي فيها علي ال 25 الف مع فلتر بنزين و هوا
و العربيه بتاكل بنزين بتعمل في التانك 320 كيلوا بالعافيه داخل البلد من غير تكييف و مطلعه دخنه سوده من ورا لما تيجي تحرق
روحنا لكذا ميكانيكي الكل يقولك العربيه كويسه زي الفل و الكمبيوتر مش مطلع اي ايرور في العربيه خالص
ماذا نفعل يامزداويه

[محمد عز]

اظن فيه مشكله فى جهاز حقن الوقود وضغطه

ومحتاج يتعاير او حد يكشف على رشاشات البنزين

والله اعلم

[Eng.Sameh]

روح سمارت كار هم اكتر ناس فاهمة في المازدا

[WalidAdel]

امممممممممممممممممممم

مش عارف موضوع سمارت كار دا بس عموما هم مش بيعمل حاجه في اتوكيل علي ماظن و بيقولوا في واحد اسمه نبيل دا كويس ولا ايه و في ناس يتشكر فيه هنا ياريت لو اعرف عنوانه بالظبط او اروحله ازاي انا في مصر الجديده
وشكرا للردود

[Atrees]

جرب ترجع البوجيهات الاصلية تاني - في مشاكل بتحصل من تغيير البوجيهات - جرب بس وقولنا عملت اية

[WalidAdel]

المشكله بتاعة العربيه دي من قبل صيانة ال20 الف و لما ركبنا الايرديوم العربيه بقيت عادي في الكبس علي الموتور لكن في المشي العادي زي ماهيا يعني في تحسن اهو بسبب البوجيها مش العكس

[himaz]

امممممممممممممممممممم

مش عارف موضوع سمارت كار دا بس عموما هم مش بيعمل حاجه في اتوكيل علي ماظن و بيقولوا في واحد اسمه نبيل دا كويس ولا ايه و في ناس يتشكر فيه هنا ياريت لو اعرف عنوانه بالظبط او اروحله ازاي انا في مصر الجديده
وشكرا للردود

نبيل تمام اوى بس ده فى المازدا 323 القديمة

انصحك بالتالى :

الكشف فى سمارت كار فى المعادى دول اكتر ناس ايديهم فيها فى الوقت الحالى -
على فكرة هما عاملين دلوقتى حملة مجانية اغاية 15 مارس للكشغ على العربية بجهاز ال vcm الللى بيتطلع تقرير عن حالة العربية

التاكد من ظبط ضغط الهواء او النيتروجين فى جميع الاطارات الاربعة -

كفاءة و نظافة البنزين المستخدم فى الموتور انصحك ب موبيل او شيل 92 -
انصحك بتفويل العربية فى الليل

كفاءة و نضافة الزيت المستخدم فى الموتور انصح باستخدام شل الترا يليه موبيل 1 -

اتاكد ان البوجيهات تمام و يستحسن تكون زى اللى كانت جاية مع العربية -
و تاكد من سلامة اسلاك البوجيهات

مع احترامى طبعا , طريقة السواقة بتفرق و تقل دوسة البنزين
الاوتوماتيك عايز دوسة مختلفة عن المانوال العادى
فيه ناس كتير بتتخيل انو يرشق وبدوس فجأة للاخر على دواسة البنزين و مستنى العربية تسحب وطبعا مش هتسحب
كل االى بيعمله فى الحالة دى انو بيرمى شوية بنزين فى الارض بدون مقابل
لازم يبقى فيه احساس بمدى استجابة العربية و يكون متابع عداد ال rpm

[WalidAdel]

مع احترامى طبعا , طريقة السواقة بتفرق و تقل دوسة البنزين
الاوتوماتيك عايز دوسة مختلفة عن المانوال العادى
فيه ناس كتير بتتخيل انو يرشق وبدوس فجأة للاخر على دواسة البنزين و مستنى العربية تسحب وطبعا مش هتسحب
كل االى بيعمله فى الحالة دى انو بيرمى شوية بنزين فى الارض بدون مقابل
لازم يبقى فيه احساس بمدى استجابة العربية و يكون متابع عداد ال rpm

شكرا للرد ياباشا بس بالنسبه لاخر نقطه سيستم السواقه واحده من ساعة ماشترا العربيه لكن الاختلاف ظهر من قبل صيانة العشرين و دا اللي خلانا نبتدي نشوف المشكله فين

[mohhmekk]

انا على فكرة حصلت معايا تقريبا نفس المشكلة على 25 الف بردو قولتلهم فى الصيانة غيرولى فلتر البنز ين بس بعد كدة عرفت انهم حطةلى فلتر بنزين بتاع الجيتز بس محصلش اى تغيير
المهم على ال 30 كدة العربية تقريبا رجعت لحالتها الطبيعية لوحدها
بس معرفش بصراحة كانت اية المشكلة حتى فلتر البنزين لسة هوهو بتاع الجيتز بس انا ناوى اركب الاصلى انشاء الله

بص انا رأيى تروح سمارت كار لان انا اساسا سونستا ورحت حملة الكشف المجانى بتاعت سمارت بصراحة كانو ممتازين وادونى تقرير مفصل عن خالة العربية وكل قطع الغيار اللى محتاجة تغيير.

وانشاء الله ناوى اعمل عندهم الصيانة اللى جاية

[himaz]

شكرا للرد ياباشا بس بالنسبه لاخر نقطه سيستم السواقه واحده من ساعة ماشترا العربيه لكن الاختلاف ظهر من قبل صيانة العشرين و دا اللي خلانا نبتدي نشوف المشكله فين

تمام يا باشا برضه خليه يتاكد ان فلتر البنزين اصلى

وربنا يكرمه ان شاء الله وترجع زى الاول و احسن كمان

[WalidAdel]

ياريت بقي ياشباب معلش سؤال مش في محله خالص هو فين اقرب فرع لصيانة سمارت لمصر الجديده اصلي صحبي تقريبا و الله اعلم جاب العربيه دي من مصدر غير معلوم الهويه دانا حتي بقولوا سونستا يقولي يعني ايه بتعمل ايه دي عيال كوركات والله

[ehality]

Dear friend try to clean or replace the idele valve, you an find it at the intake header of the fuel line to the injetors, I have been thru the exact same problem

[WalidAdel]

شكرا ياباشا علي المعلومه دي و يارب تتحل

[powerofhelll]

في مشكله في خلط البنزين مع الهواء

[WalidAdel]

اخر اخبار المازدا

روحنا الحرفيين اول امبارح المهم قعدنا نسال قالك احسن واحد عنده كمبيوتر محمد عسكر الكهربائي روحناله و حطينا العربيه علي الجهاز من الاجهزه اللي بيتقال عليه بتاع كله المهم العربيه تمام ماعدا حساس الشكمان مش قاري اي حاجه خالص و حساس الاير ماس قاري نص نص فكينا حساس الشكمان علشان نجيب واحد زيه كنا بقينا الساعه 10:30 بليل دورنا مالقيناش المهم روحنا مركز صيانه العالميه بتاع ياباني بس الراجل قالنا هو موجود و بيعمل 400 جنيه و شاف القديم قالنا دا ماله قولناله علي الحوار قالك مايبنفعش دا يبوظ و الكمبيوتر سيستم بتاع العربيه مايطلعش لمبه الشيك المهم قالنا هاتوا العربيه من عند محمد عسكر و تعالوا انا هافضل فاتح عشانكوا و بتاع و فعلا رجعنا و قفلنا العربيه و روحناله تاني دخلنا الورشه حطها علي جهاز تاني بتاع كله بردوا بس شكله اكبر من التاني زي اللاب توب و هو مقفول و في شاشه في النص صغيره كده المهم قالنا العربيه سليمه 100% و مافيهاش حاجه قالنا هانعمل حوار كده و نشوف
ايه بقي الحوار اللي عمله دا
دا عباره عن جهاز شفط و طرد الاثنين مع بعض بيحط ماده كده زي الفوم الابيض اللي بنغسل بيه العربيه و فك البوجيهات و حط الخرطوم بتاع الطرد دا مكان البويجه داخل غرفة الاختراق و دخ الماده دي في الاربع بساتم قعدت بقي الماده دي تفور كده و تطلع من مطرح البوجيهات سودا ايه ياعم دا قالك الماده دي بتتفاعل مع الكربون اللي داخل غرفة الاحتراق و ترجعهالك جديده كانك مشتري العربيه المهم سابها 20 دقيقه و بعدين دخل خرطوم الشفط و شفط الماده كلها طالعه في الخرطوم سوده طيييييييييييييييين اه و الومضوع دا بيبتدي فيه و العربيه سخنه كانك جاي من مشوار كده
المهم قفلنا العربيه و دور ياعم العربيه دارت في الاول زي ماتكون متلته كده و بعدين ظبطة لوحديها قعدنا نزود بنزين لمده 10 دقيقه و نحرق علي العربيه و المفاجأه العربيه طلعت ميه من الشكمان
تمام ياعم قفل العربيه و اطلع جرب كاني راكب عربيه تانيه خالص سحب طبيعي جدا العربيه علي ار بي ام واطي مع نقلع عاليه بتسحب حلو التسارع بتاعها بقي كويس جدا النتيجه زي الفل
المهم الراجل مارديش ياخد فلوس الا لما نجرب احنا كنا بنشتكي من اكل البنزين العربيه كانت بتعمل 300 كيلوا في التنك قالنا فولوا التنك تاني و صفروا العداد و لما التفويله تخلص ابقوا تعالوا و بس علي كده
ايه رايكم في الحوار دا حد عنده تعليق عليه انا كنت فاكر ان العربيه فيها حاجه بايظه لكن دا نظف الايرماس و البوجيهات بالتاع دا و البساتم و شكرا علي كده مش عارف بس النتيجه مذهله الصراحه