ممكن تساعدوني يامازدويه

[ahmed-moga]

انا زميل ليكم من قسم متسوبيشي ومعايا لانسر بومه 1300 اتوماتك 2008 وحاليا حابب أغير للمازدا 3

ومعروض عليا حاليا من واحد صاحبي صاحب معرض سيارات مستعمله انه ياخد اللانسر بتاعتي

وهيدني مازدا 3 2009 أيرو بفتيس ستربتونك بسمارت كي وفتحة سقف وجنوط 16 والشكل

الصالون هو هو نفس شكل صالون 2010 وعامله 25 الف كيلو بتاعة واحده وهاجرت بره

بس بعتهاله بتوكيل وهو عايز يبعهالي بتوكيل وياخد فوق عربيتي 30 الف جنيه مع العلم ان عربيتي

لسه زيرو وعامله 17 الف كيلو وصارف عليها حوالي 7000 جنيه تظبيط من جنوط وكاوتش وكاسيت وخلافه

بس قلقان من موضوع التوكيل ومن فرق السعر فممكن تدلوني علي الصح جزاكم الله خيراعني خير الجزاء وجعله في ميزان حسناتكم

وشكرا جزيلا لحضراتكم

[ahmed-moga]

دار يادار يادار راحوا فين أصحاب الدار راحو فين فين فين أصحاب الدار هههههههههه

[ahmed-moga]

من نسر لانسر الي صقور مازدا هلي تسمعوني حول

[mamido83]

السلام عليكم، معلش يا باشا لو كنا متاخرين عليك فى الرد
لو العربية المازدا الى انت بتقول عليها فابريكة بالكامل تعمل فى حدود 117 الى 120 الف
العربية المازدا بسم الله الله اكبر تحفة و اوبشن كتيرة اوى و ثبات و شكل افخم و موتور 1600 يعنى اكيد اكيد هتحس بفرق جامد
موضوع ان الراجل هياخد منك 30 الف زيادة مش هعرف افيدك اوى فى النقطة دى عشان انا مش عارف سعر عربيه حضرتك يعمل كام
فى بس نقطة حاسس ان لازم اوضحها ليك، قطع الغيار فى المازدا اكيد اغلى من الانسر و استهلاك البنزين برده اعلى
المهم بعد ما تشوف السعر و تظبته صلى استخاره و ربنا ان شاء الله يوفقك للخير
اخوك محمد و تحت امرك فى اى سؤال تانى

[himaz]

انت لو عرضت عربيتك الاانسر تجيب كام ؟ وهى بكام جديدة بنفس الامكانيات ؟
كمان حالة العربيتين عاملة ايه ؟
العربية فابريكة اوك بس برضة شوف حالة العربية من صالون و بطن العربية و التيل و الصيانة .... الخ


موضوع المصاريف بتعتك فى العربية انا رايى الكلام ده برة الموضوع


مستنين ردك يا باشا

[ahmed-moga]

السلام عليكم، معلش يا باشا لو كنا متاخرين عليك فى الرد
لو العربية المازدا الى انت بتقول عليها فابريكة بالكامل تعمل فى حدود 117 الى 120 الف
العربية المازدا بسم الله الله اكبر تحفة و اوبشن كتيرة اوى و ثبات و شكل افخم و موتور 1600 يعنى اكيد اكيد هتحس بفرق جامد
موضوع ان الراجل هياخد منك 30 الف زيادة مش هعرف افيدك اوى فى النقطة دى عشان انا مش عارف سعر عربيه حضرتك يعمل كام
فى بس نقطة حاسس ان لازم اوضحها ليك، قطع الغيار فى المازدا اكيد اغلى من الانسر و استهلاك البنزين برده اعلى
المهم بعد ما تشوف السعر و تظبته صلى استخاره و ربنا ان شاء الله يوفقك للخير
اخوك محمد و تحت امرك فى اى سؤال تانى

انت لو عرضت عربيتك الاانسر تجيب كام ؟ وهى بكام جديدة بنفس الامكانيات ؟
كمان حالة العربيتين عاملة ايه ؟
العربية فابريكة اوك بس برضة شوف حالة العربية من صالون و بطن العربية و التيل و الصيانة .... الخ


موضوع المصاريف بتعتك فى العربية انا رايى الكلام ده برة الموضوع


مستنين ردك يا باشا

الف شكر ياأستاذ محمد mamido83 وياأستاذ himaz علي الرد علي موضوعي جزاكم الله خير

وأكيد هيكون في فرق مابين اللانسر والمازدا بس انا حابب المازدا قوي رغم الفرق اللي هيكون كبير في

قطع الغيار والبنزين وسعر أعاده البيع بس انا مش ناوي أبعها هخليها عربية العمر أن شاء الله لو ليه

نصيب فيها وعربيتي كانت جايبه 78 الف بس معجبنيش السعر لأن العربيه لسه زيرو فعلا ومواظب

علي صيانتها الدوريه اما العربيه المازدا فافيها شويه تطبيقات خفيفه مردوده علي البارد وشوية خدوش

في الأكصدام الأمامي اما عن الصالون فالسه جديد والفرامل تمام لأني عملت بيها تست درايف أما

بطن العربيه وحاله العفشه والمساعدين فأنا أتفقت معاه في حالة التنفيذ أني هاخدها لسمارت كار علشان

أكشف عليها بس كنت عايز أعرف حاجه هو الدريفتات والأمريكاني لو تأثير علي العربيه لأن العربيه

أمبارح كان مأجرها الراجل وبالصدفه شوفتها وعرفتها من رقم اللوحه واللي كان مأجرها كان في فرح

من ضمن الزفه وعمال يخمس ويأمريك وهات يادرفتات هو وعربيه كيا سيراتو وزياده عن ربع ساعه وأنا واقف بعربيتي مستني يخلصوا الهبل ده وقلبي بيتقطع

لدرجة أني قلت هاصرف نظر وأبيع عربيتي وأجيب واحده زيرو كاش بالقسط لأني مش

ضامن ممكن يكون حصلها ايه قبل وبعد كده طالما بدأ في تأجيرها

مره آخري شكرا جزيلا لحضراتكم

[mamido83]

السلام عليكم،

لا شكر على واجب يا استاذ احمد، المفروض كلنا هنا نساعد بعض، ببساطة كده نفيد و نستفيد

على كلام حضرتك كده حاسس و الله اعلم ان العربية اتبهدلت فى المعرض ده، و اكيد طبعا الحاجات دى كلها لازم يكون ليها تاثير على العربية، يعنى على سبيل المثال ،اكيد الكاوتش اتاكل حبة من كتر الفرك عليه، العفشة اكيد برده كان عليها تاثير

بقول لحضرتك، نصيحة لوجه الله تعالى، متستعجلش خالص، و حاول تجب عربية بيتى زى ما بنقول عليها كده، و يكون صاحبها مهتم بيها من ساعيت ما جابها و عامل كل الصيانات و الزيت بيتغير فى معاده و كل الكلام ده، لانه هيفرق معاك جامد فى حاله العربية و كمان انت هتدفع مبلغ كبير مش قليل، و حتى انت دلوقتى حضرتك مش شايف او حاسيس انك ممكن تبعها بس انت متضمنش الظروف، فالصبر اكيد حلو و حاول تجب حاجة نظيفة

و كلام حضرتك ان سمارت هتشفلك كل حاجة فيها، هما فعلا ناس كويسه و فاهمه و انا عملت كده لما جبت عربيتى، بس نصيحة لو قالولك ان العربية سليمة و معملتش اى جوادث، خليهم يبصوا على كل حتة فى العفشة و الصيانات كلها زى حالت المساعدين، المقصات، فلتر الهواء و الزيت و التكييف و تيل الفرامل و الطنابير، بص انا مكنتش واخد بالى و انا بجيب عربيتى من كل الكلام كده، انا كنت عاوز اسمع منهم بس ان العربية سليمة و مركزتش فى اى حاجة تانية، و لقيت نفسى بعد فترة صغيرة لما جبت العربية انها محتاجة مساعدين امامى و مقص و تيل فرامل، و الكلام ده بمبلغ
معلش ان كنت طولت عليك فى الكلام بس مش مستريح للعربية الى حضرتك قولت عليها انها كانت متاجره، دا اكيد كانو حطينلها بنزين 80 و كلوا بيها المطبات كلها

استخير يا باشا و شوف رد باقى الاعضاء برده و ربنا يوفقك للخير، و نا تحت امر حضرتك فى اى سؤال تانى

اخوك محمد

[ahmed-moga]

السلام عليكم،

لا شكر على واجب يا استاذ احمد، المفروض كلنا هنا نساعد بعض، ببساطة كده نفيد و نستفيد

على كلام حضرتك كده حاسس و الله اعلم ان العربية اتبهدلت فى المعرض ده، و اكيد طبعا الحاجات دى كلها لازم يكون ليها تاثير على العربية، يعنى على سبيل المثال ،اكيد الكاوتش اتاكل حبة من كتر الفرك عليه، العفشة اكيد برده كان عليها تاثير

بقول لحضرتك، نصيحة لوجه الله تعالى، متستعجلش خالص، و حاول تجب عربية بيتى زى ما بنقول عليها كده، و يكون صاحبها مهتم بيها من ساعيت ما جابها و عامل كل الصيانات و الزيت بيتغير فى معاده و كل الكلام ده، لانه هيفرق معاك جامد فى حاله العربية و كمان انت هتدفع مبلغ كبير مش قليل، و حتى انت دلوقتى حضرتك مش شايف او حاسيس انك ممكن تبعها بس انت متضمنش الظروف، فالصبر اكيد حلو و حاول تجب حاجة نظيفة

و كلام حضرتك ان سمارت هتشفلك كل حاجة فيها، هما فعلا ناس كويسه و فاهمه و انا عملت كده لما جبت عربيتى، بس نصيحة لو قالولك ان العربية سليمة و معملتش اى جوادث، خليهم يبصوا على كل حتة فى العفشة و الصيانات كلها زى حالت المساعدين، المقصات، فلتر الهواء و الزيت و التكييف و تيل الفرامل و الطنابير، بص انا مكنتش واخد بالى و انا بجيب عربيتى من كل الكلام كده، انا كنت عاوز اسمع منهم بس ان العربية سليمة و مركزتش فى اى حاجة تانية، و لقيت نفسى بعد فترة صغيرة لما جبت العربية انها محتاجة مساعدين امامى و مقص و تيل فرامل، و الكلام ده بمبلغ
معلش ان كنت طولت عليك فى الكلام بس مش مستريح للعربية الى حضرتك قولت عليها انها كانت متاجره، دا اكيد كانو حطينلها بنزين 80 و كلوا بيها المطبات كلها

استخير يا باشا و شوف رد باقى الاعضاء برده و ربنا يوفقك للخير، و نا تحت امر حضرتك فى اى سؤال تانى

اخوك محمد

شكرا ياأستاذ محمد ربنا يبارك فيك وانا فعلا قلقت من العربيه دية بعد اللي انا شوفته والحمد لله

ان ربنا وقفلي ولاد الحلال اللي ذيكم علشان يدلوني علي الصح وكان الله في عون العبد مادام العبد في عون أخيه وان شاء الله لو فيه نصيب هاعمل اللي

انت قولتلي عليه كله وزياده عليه حاله الماتور عامله ايه وفلتر البنزين وهشوف لو فيه مشاكل في

العفشه او في حاجه من اللي حضرتك قلت عليها هاشوفهاهتتكلف كام وهخصمها من الفلوس وناس

اصحابي قالولي تدفع 23 الف بس لو العربيه مفهاش حاجه بس كنت عايز أعرف سمارت كار بيدي

ريبورت بالمشاكل بعد الفحص وعنوانه فين بالظبط وهل له أفرع تانيه قريبه من شبرا

وشكرا جزيلا لك أخي في الله أستاذ محمد

[himaz]

اخى العزيز احمد
اتمنى تكون بخير

بص يا باشا انا رايى تصرف نظر عن العربية دى اصلا
ازاى عربية ملاكى بتتباع بتتاجر و كمان من غير سواق

نصيحة بجد بلاش دى يا سيدى ودور تانى وان شاء الله تلاقى واحدة بيتى زى ما محمد باشا قالك


بالنسبة لسمارت كار فهما ليهم فرع واحد للصيانة و تقدر تشوف العنوان فى
Wikimapia - Let's describe the whole world!

انا رايى ان العربية ال لانسر كويسة خصوصا انها بتاعتك من الزيرو و انت ماشاء الله محافظ عليها , اما لو انت مصمم انك تبحث عن مازدا نظيفة او تبيع ال لانسر بيعة كويسة وتحط تمنها مقدم لو لسة بيتباع الشكل القديم من المازدا

وربنا يوفقك ويكرمك ان شاء الله

[himaz]

اخى العزيز احمد
اتمنى تكون بخير

بص يا باشا انا رايى تصرف نظر عن العربية دى اصلا
ازاى عربية ملاكى بتتباع بتتاجر و كمان من غير سواق راااااااااااااح فين الضمير والامانة

نصيحة بجد بلاش دى يا سيدى ودور تانى وان شاء الله تلاقى واحدة بيتى زى ما محمد باشا قالك


بالنسبة لسمارت كار فهما ليهم فرع واحد للصيانة و تقدر تشوف العنوان فى
Wikimapia - Let's describe the whole world!

انا رايى ان العربية ال لانسر كويسة خصوصا انها بتاعتك من الزيرو و انت ماشاء الله محافظ عليها , اما لو انت مصمم انك تبحث عن مازدا نظيفة او تبيع ال لانسر بيعة كويسة وتحط تمنها مقدم لو لسة بيتباع الشكل القديم من المازدا

وربنا يوفقك ويكرمك ان شاء الله

[Ahmed Samy]

أنا مش مازداوي

بس ازاي ييجي على بالك تشتري عربية اتأجرت ولو مرة واحدة

نصيحة : اصرف نظر عن العربية دي ...شوف مازدا غيرها

[ahmed-moga]

اخى العزيز احمد
اتمنى تكون بخير

بص يا باشا انا رايى تصرف نظر عن العربية دى اصلا
ازاى عربية ملاكى بتتباع بتتاجر و كمان من غير سواق راااااااااااااح فين الضمير والامانة

نصيحة بجد بلاش دى يا سيدى ودور تانى وان شاء الله تلاقى واحدة بيتى زى ما محمد باشا قالك


بالنسبة لسمارت كار فهما ليهم فرع واحد للصيانة و تقدر تشوف العنوان فى
Wikimapia - Let's describe the whole world!

انا رايى ان العربية ال لانسر كويسة خصوصا انها بتاعتك من الزيرو و انت ماشاء الله محافظ عليها , اما لو انت مصمم انك تبحث عن مازدا نظيفة او تبيع ال لانسر بيعة كويسة وتحط تمنها مقدم لو لسة بيتباع الشكل القديم من المازدا

وربنا يوفقك ويكرمك ان شاء الله

أنا مش مازداوي

بس ازاي ييجي على بالك تشتري عربية اتأجرت ولو مرة واحدة

نصيحة : اصرف نظر عن العربية دي ...شوف مازدا غيرها

ألف شكر أخواني الأعزاء himaz وAhmed Samy علي نصائحكم الغاليه وانا أستخرت

ربنا في صلاة الفجر اليوم والحمد لله صحيت وقد صرفت نظر نهائي عن هذه السياره وان شاء الله

هعمل بنصائحكم الغاليه وهخلي سيارتي معي الي ان يأذن الله عز وجل وأعثر علي سياره مازدا بيتي

لشخص يحافظ علي سيارته مثلي وشكرا جزيلا لحضرتكم بارك الله لكم وفي سيارتكم وجعلكم الله دائما عونا لأخوانكم السائلين