سوال عن المازده فاملى 323 موديل 2000

[nedved]

السلام عليكم انا عاوز اسال عن المازده فاملى موديل 2000 هى العربيه ديه كويسه انا عاوز راي الاعضاء وياريت تقلولى ايه عبها وبكام وشكرااااااا .وعاوز اعرف هى احسن ولا البيجو 45 ياريت حد يفدنى.

[aboomr]

محترمة بمعنى الكلمة ومفيش اكتر من قطع الغيار فى الحرفيين وبور سعيد

[mada121977]

السلام عليكم انا عاوز اسال عن المازده فاملى موديل 2000 هى العربيه ديه كويسه انا عاوز راي الاعضاء وياريت تقلولى ايه عبها وبكام وشكرااااااا .وعاوز اعرف هى احسن ولا البيجو 45 ياريت حد يفدنى.

شوف يا اخى الكريم ... العربيه دى من اروع واحلى واجمل العربيات اللى ممكن تركبها .. سحب ممتاز وتكييف رائع وامكانيات ممتازه وقطع غيار رخيصه وصيانه سهله بس .... عيبها الوحيد سعر اعاده البيع مع ان سعرها الحقيقى المفروض يكون ازيد من سعرها اللى بتتباع بيه فى السوق بس تقول ايه بقى على سوق المستعمل المصرى اللى بيتحكم فيه شويه تجار جهله ومرتزقه .. نصيحه لو قدامك واحده حالتها كويسه واساسياتها سليمه لاتتردد ابدا انك تشتريها وان شاء الله هتعجبك وهاتتبسط منها

[nedved]

شكرا ليكو على الردود بس انا عاوز اعرف هى احسن ولا البيجو 405 بكل امانه وهى كم سعرها وشكرا

[mada121977]

شكرا ليكو على الردود بس انا عاوز اعرف هى احسن ولا البيجو 405 بكل امانه وهى كم سعرها وشكرا

هيا طبعا احسن من ال 405 وتقريبا سعرها حاليا فى اوائل ال 40 يعنى 40 الى 43 تقريبا واسأل برضه الاستاذ شريف على السعر فى موضوعه فى قسم البيع والشراء

[elassar2010]

محترمة بمعنى الكلمة ومفيش اكتر من قطع الغيار فى الحرفيين وبور سعيد

+99999999999
كل الى جابها شكر فيها

[kh_sadek]

مازدا 323 2000/2001 كان المفروض تبقى اسطورة بس غبور من لله قطع الغيار صعبة شوية بس موجوده فى بورسعيد و الحرفيين

[kerooo7]

السلام عليكم
اخى الفاضل العربيه دى ممتازه جدا انا معايا واحده وفعلا قطع غيارها موجوده فى الحرفيين وسعرها يتراوح من 38 الى 48 حسب الحاله طبعا ولو مانيوال ولا اتوماتيك

[harizy]

أستاذى العزيز بعد كل سنة وحضرتك طيب

أنا كان معايا مازدا 323 مو 2002 قعدت معايا أربع سنين وكنت شاريها مستعملة كمان، بصراحة عربية كويسة جددددددداااااااااً، أولاً شكل مميز من الخارج يعنى رياضى وعائلى واجتماعى زى ما انت عايز.

ثانياً: موتور 1400 سى سى، يعنى أرخص فى مصاريف تجديد الترخيص فى المرور + استهلاك بنزين قليل جدداااااً مش معقول وبس لا قليل جدااااااااااً.

ثالثاً: الصالون من جوه واسع جداً وتقارن بعربيات حديثة وتتفوق عليهم بس أنا مش عايز أزعل حد من أصحاب العربيات الجديدة فى الأقسام المجاورة لنا.

رابعاً: الشنطة الخلفية فوق الممتازة وووووووووووااااااااسسسسسسسسسسسسسععععععععة أأأأأوووووووى.

خامساً: العربية عالية فى المطبات ومش بتحك حتى لو محمل فى الصالون وفى الشنطة الخلفية.

سادساً: الصيانة بتاعتها سهلة جداً وعند أى ميكانيكى لأن موتورها مش معقد وممكن متحتاجش تروح التوكيل ودى ميزة كبيرة جداً.

سابعاً: أنا حاسس أنى طولت عليك بس بجد الحديث عن العربية دى بالنسبة حديث ذو شجون فعلاً من أحسن المازادات اللى نزلت مصر.

أخيراً البيجو 405 موديل قديم جداً جداً وشكلها مش مريح وفى النهاية دى أذواق بس واجب النصيحة يحتم على أنى أرد عليك، وربنا يوفقك فى اللى هتشتريه ويعطيك خيرها إن شاء الله.

[mazdaprotege]

يا باشا توكل على اللة و هات المازدا عربية فوق فوق الممتازة و لا تقول بيجو
و على فكرة انا ما باركبش غير المازدا بس المهم تكون حالتها نضيفة قوى قوى قوى

[ahmedehab128128]

مازدا 323 موديل 2001 كاملة اتوماتيك للبيع

السلام عليكم
انا معايا مازدا 323 موديل 2001 كاملة اتوماتيك للبيع والعربية بحالة ممتازة وهية رشة من برة نظافة ودواخل فابريكة بالكامل وماشية 170000 الف كيلو ولونها زيتى والرخصة حتى 6/2011 والعربية تكيفها ممتاز والاتوماتيك ممتاز والزرار بتاع الهولد فوق السرعة ال100 شغال وبها كاسيت كينوود شرائد + سى دى ممتاز وهى ثانى يد من الزيرو والعفشة ممتازة ومش محتاجة اى مصاريف خارجيية وا داخلية والبيع لظروف طارئة لان الى جرب العربية دى مش يفرط فيها الى للشديد القوى للاتصال المهندس / احمد 0100516660

[ahmedehab128128]

مازدا 323 موديل 2001 كاملة اتوماتيك للبيع

السلام عليكم
انا معايا مازدا 323 موديل 2001 كاملة اتوماتيك للبيع والعربية بحالة ممتازة وهية رشة من برة نظافة ودواخل فابريكة بالكامل وماشية 170000 الف كيلو ولونها زيتى والرخصة حتى 6/2011 والعربية تكيفها ممتاز والاتوماتيك ممتاز والزرار بتاع الهولد فوق السرعة ال100 شغال وبها كاسيت كينوود شرائد + سى دى ممتاز وهى ثانى يد من الزيرو والعفشة ممتازة ومش محتاجة اى مصاريف خارجيية وا داخلية والبيع لظروف طارئة لان الى جرب العربية دى مش يفرط فيها الى للشديد القوى للاتصال المهندس / احمد 0100516660

[mazda323]

الأخوة ردوا وكفوا مازدا وبس توكل على الله وهات المازدا ومش هتندم سيارة ليك وللزمن بس اكشف عليها كويش وانشاءالله مش هتخيب ظنك ابدا تقبل مرورى تامر عاشق المازدا