الرجاء المساعدة فى مازدا 323 1986 ورأيكم ضرورى

[yaheya852006]

السلام عليكم ورحمة الله وبركاته
انا جديد فى الموقع ودى اول مشاركة ليا واتمنى من المازداوية انهم يساعدونى فى اختيارى
انا بخلص فى عربية مازدا 323 موديل 1986
العربية مرفوعة من سنتين بس هى استعمال حريمى , حالتها فابريكة من جوة وبره ومش مرشوشة قبل كده لا دواخل ولا من بره واول ما رحت جربتها حطيت بطارية وميه ودورت ( مع العلم انها محدش قربلها من سنتين ) دارت وزى الفل والمكنة ناعمة وجابت بس شوية دخنة سودة بسيطة من ورا ومفصلتش ولا اى حاجة بس الدخنة راحت وتمام التمام بس هى عايزة شوية تظبيط من بره ومن جوة التابلوه حالته يعنى بس عشان الشمس بس وطبعا شوية اشارات و الاكصدامات و كده .
انا اسف انى طولت عليكم بس انا عاوز اعرف رأيكم فى العربية دى وهاوريكم صورة للموديل وممكن تعمل كام
على فكرة انا من بورسعيد يعنى اكيد هلاقى قطع الغيار

[himaz]

انا شايف انها عربية حلوة و مميزة كمان بس فعلا الفيصل فى الموضوع ده قطع الغيار

انا بقول قبل ماتشترى تنزل عندك فى بورسعيد وتسال على حاجتها موجودة وبكام ؟؟

مش بس الفوانيس والحاجات دى اسال على باقى قطع الغيار اللى اكيد هتحتاج تغيرها قدام

وربنا معاك و يوفقك

[Ahmed Galal]

عربية جميلة و بدام من بورسعيد يبقا هاتسلك فيها كويس بالنسبة للسعر اعتقد تحت التلاتينات و الله اعلم

[DR.M]

عربية روعــــــــــــــــه
سعرها في بورسعيد هيبقى عسل اوووووووووووي

[mohamed777]

كلام جميل وعربية مش هتندم عليها فى النعومة والراحه
بس فعلا خلى بالك من قطع الغيار
لو فى القاهرة هتلاقيها بسهولة بس لو من محافظة تانى مش عارف بقى انت وحظك

[yaheya852006]

والله انا متشكر اوى انكم رديتم عليا بالاراء الجميلة دى
والله انا كنت محتار بس بعد الكلام ده انا اخدت قرارى بالشراء ان شاء الله
شكرا لاعضاء المنتدى الجميل اللى ردوا عليا

[mohsapagh]

مازدا 323 مو 89 /1300 سي سي/اللون ابيض سن الفيل /ماتور وعفشة بحالة ممتازة-كاوتش تيوبلس-جنوط سبور-مجهزة تكييف/لا تحتاج لاى مصاريف اضافية/الترخيص حتى نهاية 11/2010 مطلوب 25000 على اللينك "http://classifieds.masrawy.com/AdDetails.aspx?AdID=496355"