انا عملت حادثة بالعربية

[mohhmekk]

اولا الحمد لله جات بسيطة
انا وديت العربية عند بلية اللى فى الحرفيين و كنت عايز اسالكو على احسن مكان اجيب منة قطع الغيار الاصلى
انا غالبا بجيب قطع الغيار من العالمية اللى فى شارع دمشق و متهيألى هو كويس المهم انا عايز اعرف برضو رينج السعر بتاع قطع الغيار دى
1 المساعد الامامى
2 مقص
1 تيش ميزان
1 بارة داخلية
كرتيرة الموتور هو قالى الكرتيرة القديمة ممكن يلحمها انتو اية رايكو
صدر الموتور
1 كرتيرة العجلة
1 رفرف
1 كرتيرة تراب
1 غماز رفرف

و ياريت تردو عليا بسرعة عشان هنزل اشتنرى الحاجة انهاردة و ادعولى

[mohhmekk]

متشكر جدا على الردود انا اشتريت الحاجة خلاص الحمد لله

[AmRElSiSi]

خد عندك يا سيدى

المساعد 950 ج
المقص 700 ج
تيش ميزان 250 ج
البارة مش عارف
الكارتيره الكبيرة ب 450 ج بس الحمها انا بتعتى اتكسرت من مطب و لحمتها و تمام
صدر 1000ج
الكرتيرة 350 ج
الرفرف 550 ج
كارتيرة التراب دى بتبقى فين ,, انت قصدك انوا واحده بالضبط
الغماز 90 ج

العالميه كويس و كل حاجته اصلى بس عيبه السعر مبيرضاش ينزل فيه و لو حتى 10 ج
بس مادام هتاخد منه حاجات كتير ,, فاصل معاه فى الحساب كله على بعضه

[punto759]

يا رجال المازدا هو التيش دة ورا ولا قدام وايه فايدتة ولما يبوظ بيعمل اية !!!!!!
ومعلش الحمد لله انها جت على قد كدة واهم حاجة انك كويس

[Thebutcherr]

ربا يعوضك خير فى مالك و اهلك و صحتك

[Frozen_Pain]

الحمدلله على كل حاجة

المهم انك بخير

[waelabdualla]

قل اللهم اجرنى فى مصيبتى و اخلفنى خيرا

[marwan_147]

ربنا يعوض عليك

[mohhmekk]

شكرا لكم جميعا
الحمد لله العربية استلمتها والحمد لله زى الفل
العربية اتكلفت حوالى 10 الاف
بس بصراحة الحادسة دى اكدتلى انها عربية محترمة جدا
والحمد لله وشكرا مرة تانية

[makavelimorsy]

الحمدلله على كل شي... طب ممكن تحكلنا الحصل ؟؟و ازاي زادت ثقتك فيها؟؟