دة بجد !!

[punto759]

حصل معايا حاجة النهاردة مش عارف افسرها ازاى !!
كنت راجع من اسكندرية على الصحراوى وكنت بصراحة بجرى شوية المهم واحد بهيونداى فيرنا سخن معايا كنا بنطلع مع بعض من 100 لحد 160 بجد مش عارف اجيبة بعد كدا بعدية واخر عربيتى 190 مش بعيب فى الفيرنا او بستقل بيها انا عارف انها جراية بس بجد زعلت اوى من المازدا النهاردة مع انى مدلعها ولسة عاملها الصيانة قبل ما اسافر يعنى زيت وفلتر زيت وفلتر هواء وفلتر بنزين !!!
اصل لو هيا كدة الواحد يفكر يغيرها بجد مش بقول اننا فى ريس واصلا انا ما بحبش اجرى كتير بس كفاية ان ثقة الواحد تتهز فى عربيتة اللى بيحبها واللى ما بيحرمهاش من حاجة حد فاهمنى ولا اية !!!!!

[msafa]

الفيرنا موتورها قوي و جسم خفيف يبقى تسارع ممتاز
ثبات و فرامل مش قد كده

انا معايا بروتون التاكسي سبقنى و كان محمل نا وانا في الويرا لوحدي

عادي يا باشا، في الاخر انت معاك مازدا 3 ربنا يباركلك فيها، مش لازم شد مع حد عشان تحب عربيتك، كفاية انها شايلاك و عمرها ماقالتلك لأ

[punto759]

كالمك جميل بس لما تبقى مستنى من عربيتك حاجة وما تلاقيهاش بجد تزعل

[ahmedbibo]

بص يا باشا كل عربيه فيها ميزه وعيب اولا اى عربيه هيونداى ايا كان نوعها فهى سريعه على الطرق المستقيمه والخاليه من السيارات

ياعنى عربيت حضرتك جابت ال 190 لو لاقيت عربيه قدامك هتعرف تفاديها كويس اوى وتبقى فى امان

امال الفيرنا هتقفل العداد يا حلاوتك هتنفعنى بأيه انى اقفل العداد انى لو فى عربيه قدامى

فى حل من الاتنين يا أما تحاول تفاديها وهتتقلب وهتلاقى العربيه متفرقه يا تخبط فيها ولو دوست فرامل هطير فى الهوا وهتلف 360 درجه بسرعه البرق ( يلى بينا على دريم برك هتطلع وتنزل وتروح يمين وشمال مع الفيرنا ليه تتقلب مره لما ممكن تتقلب مليون مره ) فا فى الحالتين الى معاه الفيرنا او هيونداى يا ميت يا ميت و يروح يأمن على حياته لاغيت لما يبيع العربيه ولاسف هيونداى عمرها معملت عربيه ثباتها عدل وشكل وخلاص

الاكسيل ...... الاكسنت............ الفيرنا.......... الماتريكس............النترا.........i10

وهوا ده العادى من بنك مصر( سورى وهو ده العادى من هيونداى )

عربيتك بسم الله مشاء الله كويسه جدا

[shooter123]

اوعي تهتز ثقتك بعربيتك
اولا دي مازدا 3
ثانيا لا مجال لمقارنتها بالفيرنا ( مع احترامي لملاكها )
ثالثا انت قلتها بنفسك احنا مش في ريس
رابعها اية 190 اللي انت ماشي عليها دي ؟ انت دخلت دنيا ولا لسه لو دخلت دنيا يبقي خلي بالك من عيالك حتي المرور بيقولك اولادك في انتظارك وانت منفضلهم وماشي 190 ولو لسه مدخلتش دنيا يبقي احسنلك تقفل الامبير وتمشي 220 لان كدا الموت حيبقي احلي - انا بهزر طبعا
لاخر مرة بحذرك اوعي اي حد يهز ثقتك في عربيتك ولعلمك انا معايا لانسر مش مازدا بس بفكر اغير

[verynuclear]

بص هقولك على حاجه
انا كنت ماشى مع واحد صاحبى عالطريق السريع هو كان معاه تيدا وانا بالمازدا ومع الطريق جمعت لحد 170 وهو ورايا بقوله اجرى عربيتك تجيب قاللى عارف انها تجيب بس بحس انها هتتقلب لو عدت جنب مقطوره عشان كده مش بحب اجرى بيها

يا سيدى ميهمكش المهم انك وانت ماشى مسافه كبيره والسرعه ثابته على 160 مثلا مش قلقان لكن الفيرنا ميقدرش يمشى 160 لمده طويله شويه وتلاقيه يريح

[msafa]

والله الشباب قالو المفيد و زيادة
انا عارف ان فصدك ايه و حاسس بيك، انهاردة واحد ضايقني بسوزوكي و سبقني، كنت بحرق بس مش قادر احصله (تخيل) كلها 2 كيلو و ريح و جبته و قلتله اللي في النصيب

لما فجأه تلاقي اللي قدامك خد يمين حاد و تفاجأ ان في واحد مزاجه يريح شمال الطريق السريع او الدائري عشان دماغه واجعاه و تقدر تفاديه او تفرمل و فراملك تسعفك

لما فجأه تلاقي عيل صغير طلع يجري قصادك عرفت تفاديه او تفرمل عشان عربيتك كويسة

لما و لما و لما
الموضوع مش تسارع، الموضوع انك تركب عربية تحبها و تبق عارفك انها شايلاك و بتحافظ عليك، يعني يا رب محدش يتحط في المواقف دي بس دس امثلة قليلة جدا على الحاجات اللي ممكن تخليك تحب العربية غير النسارع

بجد عربيتك حلوة و كويس انها وافقت و اختارتك (كلام اعلانات) و ربنا يباركلك فيها

[shooter123]

والله الشباب قالو المفيد و زيادة
انا عارف ان فصدك ايه و حاسس بيك، انهاردة واحد ضايقني بسوزوكي و سبقني، كنت بحرق بس مش قادر احصله (تخيل) كلها 2 كيلو و ريح و جبته و قلتله اللي في النصيب

لما فجأه تلاقي اللي قدامك خد يمين حاد و تفاجأ ان في واحد مزاجه يريح شمال الطريق السريع او الدائري عشان دماغه واجعاه و تقدر تفاديه او تفرمل و فراملك تسعفك

لما فجأه تلاقي عيل صغير طلع يجري قصادك عرفت تفاديه او تفرمل عشان عربيتك كويسة

لما و لما و لما
الموضوع مش تسارع، الموضوع انك تركب عربية تحبها و تبق عارفك انها شايلاك و بتحافظ عليك، يعني يا رب محدش يتحط في المواقف دي بس دس امثلة قليلة جدا على الحاجات اللي ممكن تخليك تحب العربية غير النسارع

بجد عربيتك حلوة و كويس انها وافقت و اختارتك (كلام اعلانات) و ربنا يباركلك فيها

والله الراجل ده بيقول كلام زي الفل

[himaz]

ربنا يكرمكوا كلكوا الشباب قالوا كل المفيد


وبعدين معلشى لازم المقارنة تبقى بين عربيتين بنفس الفتيس يا اما اوتوماتيك يا اما مانوال



و انا شخصيا شايف السحب بتاع المازدا عالى اوى بالنسبة ان ناقل الحركة اوتوماتيك
ما بالك بقى لو ستيبترونيك

[punto759]

تمام يا رجالة وبجد شكرا جدا على الردود ومش عارف بجد ازاى كنت ناسى انى حتى لما كنت ماشى على 190 ما كنتش مقلق خالص او حاسس ان فية حاجة غلط و معلومة المدام وبنتى كانو معايا و اللى شجعنى كملن انهم ما كانوش حاسين بحاجة او خايفين و اللحظة الوحيدة اللى خافو فيها لما واحد ببيتلز قديمة رما مرة واحدة من اليمين للشمال وما كنش ليا سكة تانية غير الحارة دى كنت ماشى على 170 وبجد ما قفشتش فرامل انا هديت لحد سرعتة كل دة فى اقل من ثانية البرنس كان ماشى على 80 ومالوش دعوة بحد ساعتها بجد قولت ما شاء الله عليها معلش هوا كان شيطان والحمد لله راح لحاله وانا لسة بحب مازدتى....

[Ahmed Samy]

لو زعلان من المازدا علشان فيرنا طلعت منها شد


وعايز تغير .....

مهما غيرت ...هاتلاقي الي يطلع منك

......

..........

........

وغالبا بتكون فيرنا برضه

هههههههههه

[punto759]

هههههههههههه انتى معاك فيرنا ولا ايه

[Ahmed Samy]

لا معايا سيراتو

بس عارف الفيرنا و الجيتز بيعملو ايه في أجدع عربيات

سرهم باتع

غير ان غالبية راكبي الفيرنا من الشباب بيكون عندهم نزعه شوماخرية شديدة

[bedo13]

حرام عليك لما تقارن عربيتك بفيرنا
شوفه بيبصلك ازاي الاول
بعدين ياباشا اركب الفيرنا او الجيتز الاوتو هتعرف ان مالهاش لازمة بشلن
علي فكرة لو ف منزل هتعدي ال٢٠٠ عادي وده بسبب الفتيس يعني أنا عديت بيها ٢٠٥ واعتقد لو مانيوال تجيب ٢٢٠
ده غير فرق الثبات الرهيب
وربنا يباركلك في مازدتك ويحافظلك عليها.

[ahmad--ezzat]

على فكره الجيتز عربيه جميله جدا...