تقرير مبدائي عن مازدا 3 2010

[AHMAD FAHEEM]

السلام عليكم ورحمه الله وبركاته
هذه اول مشاركه فعليه لي في هذا المنتدي الرائع مع اني من اوائل الاعضاء المسجلين ولكن تمنعني ظروف عملي من المشاركه
ولكن في رحله بحثي عن سياره جديده استفدت كثيرا من اراء المنتدي الجميله
وعرفانا مني بالجميل حبيت انقل لكم تجربه متواضعه من واقع شراء السياره

السياره mazda 3 2010
السعر 68500 ريال سعودي
الموصفات جميع الكماليات فتحه سقف جنوط بدون مفتاح 6cd سماعات عاديه وليست bose
اضواء زينون عالي وواطي .... دا اللي انا فاكره دلوقتي
هقارن العربيه مع عربيتين ركبتهم قبل العربيه دي
كورولا 2010 مسافه 2000 كيلو قياده من الرياض مكه الرياض
نيسان صني 2010 استخدام يوم واحد

كفخامه m3 من الداخل افخم كثيرا من الاتنين والتقفيل رائع
المكيف افضل قليلا في الكورولا ولكنه مرضي جدا في مازدا 3 ( درجه الحراره الان 47 في الرياض ) اما الصني المكيف معقول
الاداء صوت الموتور لا يكاد يكون مسموع(اثناء التوقف ) في ال كورولا والمازدا 3 اما الصني مسموع قليلا
اما عن التسارع المازدا افضل قليلا من الكورولا وافضل كثيرا من الصني
الثبات المازدا افضل كثيرا من الكورولا الكورولا غير ثابته بعد 140 كيلو
عزل الصوت الكورولا افضل من المازدا ولكن بقليل ومستوي العزل مرضي جدا في ال مازدا اما الصني العزل الداخلي سيء جدا
قوه الانطلاق مازدا 3 افضل من الكورولا بقليل اما الصني ضعيفه الي حدا ما
الفرامل المازدا 3 افضل من الكورولا والصني كثيرا

اجمالا لو هقيم السياره كدرجات هيكون كالاتي
مازدا 3 9 من 10
كورولا 7.5 من 10
الصني 6 من 10

ملحوظه
(هذا تقييم شخصي بحت عرضه للخطاء وللصواب)

ارجو ان اكون رديت بعض من جمايلكم عليا واسف ان كان التقرير مكتوب بصوره غير احترافيه انما انا مستعد لاي سؤال اقدر افيد الناس زي ما انا استفدت كثيرا
اسالكم الدعاء
اخوكم د/احمد فهيم - الرياض

[ahmad--ezzat]

اللف مبروك...بس الكلام على انهى صنى وانهى كرولا.؟

[AHMAD FAHEEM]

الله يبارك فيك
كورولا 1.6 ستاندرد ياباني
صني 1.6 ستاندرد

[MaZaGAngeE]

منورنا يا دكتور احمد

الصني هيه اللي عندنا و لا الشكل الجديد
و ايه رايك في شكل المازدا الجديد احلى و القديم ؟

[AHMAD FAHEEM]

دا نورك يا باشا
الشكل دا موجود هنا من اكتر من 4 سنين
انا مش عارف الي في مصر شكلها ايه
بالنسبه للمازدا
الشكل القديم حلو جدا
و الجديد احلي واحلي
رياضي شبابي شيك كل اللي انتا عايزه هتلقيه ( وجهه نظري انا )

[Gabrial]

مبروك لحضرتك ،ربنا يبركلك فيها ،ممكن حضرتك تقولي مواصفات الموتور ،هيا نزلة عندنا ١٦٠٠ سي سي ،١٠٥ حصان.

[AHMAD FAHEEM]

الله يبارك فيك
نفس الموتور هو هو
انا كنت متخوف من حكايه 105 حصان دي ....
بس فيه حاجه الموتور ما شاء الله قوي جدا وصوته رياضي
لا يوجد اي تاثير علي الموتور اثناء تشعيل المكيف

[Gabrial]

الله يبارك فيك
نفس الموتور هو هو
انا كنت متخوف من حكايه 105 حصان دي ....
بس فيه حاجه الموتور ما شاء الله قوي جدا وصوته رياضي
لا يوجد اي تاثير علي الموتور اثناء تشعيل المكيف

ربنا يبركلك فيها أنا سألت عشان لقيت حضرتك كاتب إن التسارع بتاعها أحسن من الكورلا رغم انها ١٠٥ حصان ،ما شاء الله ربنا يحفظها لحضرتك .

[AHMAD FAHEEM]

هي افضل قليلا من الكورولا
انا ركبت الكورولا كانت عامله 1800 كيلو يعني كانت متلينه
المازدا لسه في مرحله التليين بس اللي لاحظته ( وانا مش خبير ) ان استجابه الموتور اسرع تحس انه جاهز في اي وقت

[Gabrial]

هي افضل قليلا من الكورولا
انا ركبت الكورولا كانت عامله 1800 كيلو يعني كانت متلينه
المازدا لسه في مرحله التليين بس اللي لاحظته ( وانا مش خبير ) ان استجابه الموتور اسرع تحس انه جاهز في اي وقت

شكراً لحضرتك ،و ألف مبروك على zoom zoom.

[Moe86]

ربنا يباركلك فيها و متشكرين على التقرير

[محمد عز]

الف مبروك وربنا يباركلك فيها

[medo_hammad]

ربنا يباركلك فيها يا دكتور وأنا متفق معاك ان المازدا أحسن من الكورولا بس أنا شايف ان السيفيك أحسن من الاتنين ولا أيه رأيكوا؟

[AHMAD FAHEEM]

شكرا للجميع واسال الله ان يعطيكم خيرا مما دعوتم لي به
بالنسبه للسيفك هي عربيه محترمه جدا
بس للاسف اللي هنا في السعوديه فقط 1800cc
لذلك محولتش ادخلها في المقارنه انما هوندا من الشركات المشهود لها بالكفاءه هنا في السوق السعودي

[sam_zen_elden]

معقول تكييف الكورولا احسن والصوت اهدى والثبات لصالح المازدا والفرق فى التقييم 15%