ارجو المساعدة - زجاج المرايا مازدا 3

[mamido83]

السلام عليكم يا مازداوية،

انا لسه خابط جنب العربية و كسرت زجاج المرايا اليمين و الحمد لله على كل شىء، الزجاج اتكسر جوه العربية و جيه فى ايدى و وشى بس جت بسيطه الحمد لله و الحمد لله الحمد لله ان الزجاج كان عليه لصق من وره و ده مخلاهوش يتكسر كله، الحمد لله على كل شىء

هو كف المرايا ده كله لاقيته جوه العربية ، و ركبته تانى كبس كده، المهم هو الزجاج اتكسر و كنت عاوز اجيب زجاج بس غير الى اتكسر ده
المكنة بيتهيألى سليمة

لو ممكن حد يقولى فين مكان حد كويس يتعمل عنده الزجاج المقعر زى الى كان راكب ده، انا قريب من شارع دمشق و بعدى من هناك كل يوم لو حد يعرف حد هناك يبقى جزاه الله خير لو يوصفلى مكانه

و برضه لو حد عارف محل بيبيع المرايا كاملة بسعر معقول عشان لو المكنةبايظة اجيب واحده جديدة و خلاص


الف شكر

[levelpower]

الحمد لله انك بخير و ربنا يعوضك خير

انا اعتقد انك ممكن تلقى المرايا جديدة عند العالميه فى شارع دمشق بس معرفس سعرها كام ؟
ممكن تسألهم فى التليفون
العنوان 32 ش دمشق - مصر الجديدة
22560511-0108886667-0164444486

و ممكن تشوف محمد جابر الانصارى تشوف الاسعار عنده كام
55 ش دمشق - ميدان الجامع - مصر الجديدة
ت 22582995-24552703-0124782008

[janjon1978]

مادام غلاف الزجاج البلاستيك ماكسرش --> فى واحد فى اول دمشق بتاع مرايات عملى الزجاج المقعر ب 40 جينه وهو عندة الاصطنبة

[mamido83]

الف شكر يا رجالة على ردودكم و انشاء الله النهارده و انا نازل من الشغل هعدى على شارع دمشق و اركب الزجاج بتاع المرايا، بس يا باشا لو تقدر تقولى هو فين بالظبط فى اول دمشق و اسم المحل ايه؟

و الله جزاكم الله كل خير على ردودكم

[janjon1978]

معرفش اسمة الحقيقة لكن هو بعد احمد جابر و محل الشافعى بكذا محل و الناس هناك عارفة فى اول دمشق و انت جاى من ميدان الجامع

[mamido83]

معرفش اسمة الحقيقة لكن هو بعد احمد جابر و محل الشافعى بكذا محل و الناس هناك عارفة فى اول دمشق و انت جاى من ميدان الجامع

الف شكر لحضرتك

[mamido83]

السلام عليكم يا رجالة المازدا،

الف شكر على مشاركتكم امبارح، انا روحت ركبت المرايا بعد الشغل فى شارع دمشق و دفعت 50 جنيه ، المرايا بالتركيب و ظبط المرايا الشمال و الحمد لله جت سليمة المرادى ;)
و بجد جزاكم الله كل خير على ردكم امبارح :)

[waelabdualla]

الف سلامة وان شاء الله ربنا يعوضك خير والحمد لله جت على قد كده

[almeya]

الف سلامة على سلامتك يا مان

[mamido83]

يا رجالة كنت راكن عند ماركتو امبارح فى اول عباس العقاد و بعد ما خلصت الشغل نزلت لاقيت المرايات بالكف مسروقين!!!! آه و الله العظيم مسروقين و الحتة دى مابتهداش ابدا
انا شاكك فى العيال الى بتكون واقفة هناك، فخدوا بالكم و ربنا يسترها علينا انشاء الله و الحمد لله على كل شىء

المهم، ايه افضل حل دلوقتى؟!!! هل المرايات بالكف بتاعها بيتباع؟ و بكام و انهى افضل مكان اشترى منه؟

جزاكم الله كل خير

[himaz]

لا حول ولا قوة الا بالله

هيروح من ربنا فين


بص يا باشا انا رايى انك تعمل ازازة عند اى حد بتاع ازاز المقعرة بتكلفة حوالى 40 - 50 جنيه
وعلى ما اتذكر كان احد المازداوية قال ان فيه حد فى ش دمشق وعندة الاسطمبة بتاعت المازدا

بمناسبة المرايت
انا من يومين كنت فى الحرفيين وشوفت محلات كتير قوى بتيع حاجات للمازدا 3
و عندهم المرايات اللى بتضم كهرباء
ممكن برضه لو قريب منك تشوف لو بيبيعوا الكفين دول اصلى استيراد
بس المشكلة انك تعرف انهم اصلى اصلا

[mamido83]

لا حول ولا قوة الا بالله

هيروح من ربنا فين


بص يا باشا انا رايى انك تعمل ازازة عند اى حد بتاع ازاز المقعرة بتكلفة حوالى 40 - 50 جنيه
وعلى ما اتذكر كان احد المازداوية قال ان فيه حد فى ش دمشق وعندة الاسطمبة بتاعت المازدا

بمناسبة المرايت
انا من يومين كنت فى الحرفيين وشوفت محلات كتير قوى بتيع حاجات للمازدا 3
و عندهم المرايات اللى بتضم كهرباء
ممكن برضه لو قريب منك تشوف لو بيبيعوا الكفين دول اصلى استيراد
بس المشكلة انك تعرف انهم اصلى اصلا

يا ابراهيم باشا الف شكر على ردك و رمضان كريم اولا و كل سنه و انتم طيبين كلكم

بص يا باشا، انا الى كنت فهمه ان لو الكف لسه معايا ممكن اروح اعمل المرايا المقعرة و اركبها و كده، بس طبعا الكلام ده مش هينفع من غير الكف

انا انشاء الله هنزل النهارده بعد الشغل و ربنا ييسر كده و اشوف الدنيا فيها ايه

بالمناسبة بقى يا باشا، انت سألت على سعر المرايات الضم دى؟

[himaz]

يا ابراهيم باشا الف شكر على ردك و رمضان كريم اولا و كل سنه و انتم طيبين كلكم

بص يا باشا، انا الى كنت فهمه ان لو الكف لسه معايا ممكن اروح اعمل المرايا المقعرة و اركبها و كده، بس طبعا الكلام ده مش هينفع من غير الكف

انا انشاء الله هنزل النهارده بعد الشغل و ربنا ييسر كده و اشوف الدنيا فيها ايه

بالمناسبة بقى يا باشا، انت سألت على سعر المرايات الضم دى؟

كل سنة وانت طيب يا محمد باشا
ربنا يخليك ودايما نسمع كل خير عنك وع كل الاعضاء


بالنسبة للمراية الضم بالكهرباء ومعاهم المفتاح
انا مسالتش كتير بس حد قاللى فى حدود 1500
ومع خبرتى و بعد الفصال اعتقد تيجى على 700 800 بالكتير

لان عندك مثلا شوفت الكاسيت كامل 6 اسطوانات ب 700 من غير فصال بس مش متاكد اوديو ولا ام بى سرى

اهم حاجة تلف كويس وتسال وطبعا الفصال ده شىء اساسى
وهناك الحمد لله فيه محلات كتير قوى فى المازدا

وربنا ييسر الحال لاحسن اختيار ان شا الله
ومش هوصيك تطمنا طبعا عملت ايه

[nightmare_9595]

بص يا باشا..

كف المرايه اصلي جديد بحوالي 150 جنيه(مش متاكد قوي بس ينقص او يزيد حاجه بسيطه)

كف الملاايه استيراد بحوالي 90 ال 110 حسب الحاله,,و ده بقي اللي انا اتخميت فيه قبل كده و هقولك ازاي عشان تاخد بالك.
انا من فتره كف المرايه الشمال اتكسر و نزلت الحرفيين عند الشهير ابو زيزو و اشتريت كف استيراد,و قالي ركبه بمعرفتك عشان معنديش حد دلوتي يركبه.قلت مش مشكله هو اصلا كبس و انا ركبته قبل كده لوحدي و الحمد لله محصلش حاجه,,و انا يادوب بظغط عليه عشان اركبه في المكنه راح الكف مشروخ كذا شرخ !!!! و الله لسه ما قرصت عليه و لسه بقول بسم الله و بركب لقيته اتشرخ في ايدي,,المهم رجعتله تاني و قولتله انت مديني كف بايظ و قعدت اتخانق و زعقت و المهم اداني كف تاني و ركبته برده لوحدي و الحند لله مفيش مشاكل..

يتهيالي دول الحلين اللي قدام حضرتك عشان انت بتقول ان الكف كله اتسرق..

و للمعلوميه برده المرايه كلها كامله تايواني ب 300 جنيه.

و ربنا معاك يا رب

تقبل تحياتي.

[nightmare_9595]

ابراهيم باشا,

بلنسبه للمرايات الضم انا كنت فاكر اني لقيتهم عند ابو زيزو استيراد ب 500 جنيه..و اتاكد برده تاني عشان يتهيالي كده 700 كتير شويه..

و سوال بعد اذنك..حضرتك لقيت الكاسيت ال 6 اسطوانات فين ؟؟؟

تقبل تحياتي.