هل المازدا فشلت في مصر ولا لا

[rompo6]

مع احترامي طبعا لكل ملاك الوحش الياباني واحترامي للعربيه نفسها لكن انا عاوز اعرف هل المازدا فشلت في مصر ولا هي عربيه ليها ناس معينه خصوصا ان العربيه قطع غيارها غاليه ومفيش مركز صيانه وبعض الاخوه هنا قالو انهم جابوا بيها 180 بس اخر سرعه يعني وانا عارف ان انا فتحت علي نفسي باب نار وكل سنه وانتوا طيبين

[tameraast]

لا طبعا مفشلتش العربيه ليها ناسها و ليها سوقها الاوتو بس الى اخره 180 يا مان و فى ناس جابو اكتر
بس ربنا يستر على مازدا من غبور و الاعلان الى بيفقعنا بيه كل اسبوع فى الجرنال قطع غيار ب 10 مليون مخزون استراتجى كل ما اشوف الاعلان بتششششششششششششششششل

[MaZaGAngeE]

مش فاهم هوه بيعاير الناس انه جايب قطع غيار ب 10 مليون و لا فاكر ان مفيش توكيل غيره يقدر يجيب مخزون ب 10 مليون ؟
فعلا اعلان يشل

[rompo6]

ازاي قطع غيار بالمبلغ ده والناس كلها بتشتكي من عدم توافر قطع الغيار

[mmffor]

ده قصده 10 مليون قطعة غيار مخزون استراتيجي مش قطع غيار بعشره مليون

[medo_hammad]

المازدا من أحسن العربيات اللي موجودة بس للأسف الشديد أسعار قطع غيارها الغالية أثرت عليها في مصر

[nightmare_9595]

انا رايي انها عربيه شاب في المقام الاول,
يعني مينفعش تكون متجوز و ربنا كرمك باولاد و تفضل العربيه معاك و تشتكي انها ضيقه,عشان هي صغيره اصلا مقارنه بباقي العربيات من نفس الفئه,زي السيفيك او الانترا او سيراتو ....

و هي فعلا ليها فئه معينه من الناس الي بتشتريها,يعني ناس معندهاش مشكله ان قطع الغيار غاليه شويه بس يركب عربيه نضيفه,او التوكيل سيء او يعتبر مش موجود بس في المقابل العربيه ما شاء الله مش بتشتكي من اي حاجه ولا بتعطل ولا فيها الحمد لله اي مشكله,و ربنا يخليلنا سمارت كار ....
و بلنسبه لقطع الغيار انها مش موجوده اعتقد ده كان زمان,دلوقتي بقت كل حاجه موجوده و ممكن نعمل موضوع باسامي محلات قطع الغيار,و اسعارها مش غاليه قوي يعني,بس في حاجات معينه غاليه زي الفوانيس و خصوصا الزينون و كده يعني,

و بلنسبه للموتور انه مش بيجيب اكتر من 180 ده بقي بيرجع للسواق,
و حاله العربيه و نوع الزيت المستخدم و نضافه الفلاتر و الطريق و كذا عامل مهم,
بس عن تجربه شخصيه انا عربيتي اوتو و بجيب بيها 200 بس لو عملت ايه مش بتزيد الا في المنازل و بتوصل ل 205 و ترجع تاني,
و انا في رايي موتورها اقوي من موتور السيراتو بنسبه بسيطه اوي مع احترامي لمالكي السيراتو.انا مش بقول كلام في الهوا او بالف او بقول سمعت من فلان,
لا انا جربت مع صاحبي و هو معاه سيراتو كوب,
و عملنا دراج ريس لمسافه 150 متر ابتداء من التوقف و الحمد لله انا الي خلصت قبله و هوه كان اكصدامه في نفس مستوي الرفرف الامامي بتاعي(يعني تفوقت عليه بمسافه 50 سم )
بس للاسف الناس بتبص بس لل 122 حصان بتوع السيراتو و الناس خايفه تجرب معاها مش اكتر,و برده حسب السواق,
بس الاكيد ان التوب سبيد بتاع السيراتو اعلي من 200 و ممكن يوصل ل 205 الي 210 .
يعني انا اسد معاه لحد 200 و بعديها هو يعدي

انما و عن تجربه ايضا الالنترا اسرع من المازدا و السيراتو و تعتبر المنافس الشرس للسيفيك.

الكلام يا جماعه عشان انا عارف اننا هنتخانق عن تجارب شخصيه و اتحمل مسؤليته و كامل عواقبه,


الخلاصه ان الام 3 عربيه شاب او متجوز جديد مثلا انما متنفعش خالص عربيه عائليه بسبب حجمها الصغير نسبيا,و حتي 99% من الناس اللي راكبينها شباب,