سؤال للناس اللى راحت التوكيل

[AmRElSiSi]

بسم الله الرحمن الرحيم

انا كنت عايز اسأل الناس اللى راحت التوكيل عن مستواه و طريقه الخدمه

يعنى الناس هناك فاهمه و لا لأ ؟ الواحد يبقى مطمن و هو رايح و لا ايه

علشان العربيه عندى بتطلع رجرجه غريبه بعد ال 80 و تروح عند ال 120 و مش ترصيص ؟

اللى يعرف المشكله دى برضه او جربها يقولى ؟ مع العلم ان العربيه بتحدف يمين بس على الجهاز الزوايا بتبقى مضبوطه

كمان كنت عايز اعرف المكان بالضبط و اروح ازاى علشان انا من اسكندريه مش من القاهرة

و علشان اروح لازم اتصل و احجز و لا اروح على طول

و شكراً

[Thebutcherr]

المشكلة دى ببساطة هىالكبالن الداخلية ممكن كوبلن داخلى كله و ممكن بس الصليبة بتاعته
عاوز تتاكد فى وسط الرجرجة مور الفتيس او ادى n لو اوتوماتيك
الكبالن جديدة و استيراد بتتباع جنب كامل
يعنى اية ؟ انت عندك جنبين كبالن ,يمين و شمال
و كال جنب فيه كبلن خارجى و داخلى و بينهما اكس
الجنب جديد ب 3000 و استيراد 1600
المشكلة دى عندى و للاسف عندى صليبة بس اللى هى جوه الكبلن الداخلى و مش هدفع لا 1600 و لا 3000
علشان صليبة متجبش 100 جنية بس هى مش بتتباع لوحدها لا جديدة و لا استيراد
قوللى هنعمل ايه؟


ممكن الكبا