لاصحاب مازدا 1982 323

[emad6610]

ليا كام استفسار للاخوة:

1. ياتري انسب مكان للكاسيت فين انا جايب علبة 28 و مثبتها تحت الطفاية بس للاسف بتتهز كتير و قرفاني, فكرت اشيل الراديو بتاع العربية و احط الكايت مكانة ياتري دة صح و فكرت كمان افصل كونسول بس مش عارف فين..لو حد عنده اي فكرة ياريت يفيدنا

2. بسمع صوت تزييق من ورا الميكانيكي قالي السوست و دول يعملوا 120 جنية و العفشجي قالي جلب الشداد بتاعة العجل الوراني مش عارف امشي ورا مين..

3. ديما عندي زنة مع الراديو لما العربية تكون دايرة و كهربائي قالي هات سلك بوجيهات حراري ياتري يفرق ايه عن العادي و ممكن فعلا يعمل فرق


ارجوا الافادة من الاخوة اعضاء رابطة المازدا

[Piowood]

هاجاوب حضرتك على النقطه رقم 3 .. السلك الحراري فعلا بيعمل فرق ولكن خد بالك لو الكاسيت عندك صيني الزنه دي هاتفضل موجوده .. هو الكاسيت نوعه ايه ؟؟

[HOSSAM99]

السلام عليكم
بالنسبه لأنسب مكان للكاسيت هو مكان الراديو لو المكان يسمح أما لو الكاسيت أبعاده مختلفه وده غالبا يبقي خليك في الكونسول
ولو عايز تفك الكونسول هو بمسمارين باينيت جدا في اليمين والشمال
أما بخصوص الزنه كانت أكتر حاجه بتخليني ما أركبش العربيه أصلا و أحتارو فيها الأطبه

[emad6610]

شكرا للرد يا جماعة
-الكاسيت نوعه ميسوبيشي صيني طبعا و ياتري لو غيرت الكاسيت خالص و السماعات تروح الزنة و ايه انسب نوع كاسيت يكون مش غالي و معقول و ايه السماعات الكويسة اللي تشغله بفكر اجيب حاجة رخيصة فلاشة و راديو بس خايف ال يو اس بي يبوظ و مش هيكون قدامي الا الراديو؟!!!!!!!!!

- ياتري اجيب كونسول منين و فيه جاهز و لاتفصيل و اعمله عند مين و في حدود كام و الاهم هينفع التسجيل و لا هيكون مكانة اكبر و التسجيل مش هيتسبت كويس و هحس اني معملتش حاجة ...

شكرا لتعبكم و ارجوا الرد

[Piowood]

السماعات ملهاش علاقه بالزنه .. انا كان عندي كاسيت صيني وغيرته بكاسيت كينوود والزنه راحت بس اي كاسيت ماركه كويسه مش هايقل عن 550 جنيه وانت طالع .. وخليك في بايونير او كينوود او سوني ..

بالنسبه للكونسول عليك وعلى التوفيقيه ..

[emad6610]

ياتري حضرتك مركب الكاسيت مكان الراديو؟

[ggaamm]

أنا غيرت السلك والنزة خفت لكن مازالت موجودة
قالولى فيه حاجة أسمها صباع زنة قالولى بيتباع عند بتوع الميكرفونات وكده .. بس بصراحة ما دورتش لأنى جيبت جى أم وصب وصوت الزنة مابقاش باين لما تعلى الصوت :))

وبالنسبة لمكان الكاسيت عندك .. أنا لفيت كتير وفى الآخر جبت كونسولة مش عارف بتاعت ايه لكنى ركبتها وطلعت تمام بشوية تظبيط
أنت ممكن تروح لأى حد بتاع إستيراد هيفيدك كتير لو اللى عندك مش مظبوطة
ياأما تحاول تفتكس فى طريقة التثبيت :))

[emad6610]

ياتري حضرتك جبت كونسول منين

[ggaamm]

ياتري حضرتك جبت كونسول منين

لا ماتسألنيش أنا من سوهاج :))
ههههههههههه

[emad6610]

هههههههههه
اجدع ناس

[ggaamm]

الله يكرمك ياريس .. ده من ذوقك والله

بص قفلها خشب أو صاج وأنجز وريح نفسك

[emad6610]

قصدك خشب و اكسيه جلد

[ggaamm]

قصدك خشب و اكسيه جلد

أه تمام .. أوممكن تفتكس بارضو وتعملها بشكل معين كده

بص مش مهم هتعمل ايه المهم النتيجة والشكل النهائى أسمع منى :))