مازدا 3 بتكنولوجيا سكاي أكتيف ، هل ستنزل في مصر قريبا ؟

[MazdaFan]

سلام عليكم يا مازداوية انا بصراحة بعشق العربية دي جدا ، بس لسه ماشترتهاش ، لكن مستني لما اشوف واسمع خبرات الناس في التعامل مع التوكيل عاملة ازاي عشان الظاهر ان لسه ما فيش خبرات كتيره حصلت او انا مسمعتش عن أخبار تشجع لسه ، ده غير اني مش عارف استنى لما ينزلوا موديلات 2012 بالتكنولوجيا الجديدة في المحرك و صندوق التروس اللي سموها سكاي أكتيف ولا التكنولوجيا دي مش هاتنزل عندنا مصر ؟ لسه متردد انا مش مستعجل على شراء عربية دلوقتي بس في خلال كام شهر هابقى عازم اشتري فعلا ان شاء الله ، بس لما شفت موقع مازدا والتكنولوجيا الجديدة بتاعتهم ... بصراحة ... حاجة تستاهل الانتظار ، توفير في استهلاك الوقود ممكن يوصل ل 30 % وصدنوق ترووس 6 سرعات بتكنولوجا جديدة تجمع كل مميزات الأوتوماتيك العادي وال سي في تي و الدبل كلاتش ، ده غير انهم هايظبطو أداء العفشة والمساعدين ، وهايزودا من صلابة جسم العربية وهيكلها لمقاومة الصدمات اكتر ، ... يعني من الآخر .. هاتكون عربية بأداء افضل بكتيررررررر ( مش معنى كده ان الموجودة دلوقتي مش ممتازة بالعكس ممتازة جدا ، لكن الفترة من دلوقتي لأول 2012 مش كتير في مقابل الفرق في التكنولوجيا والأداء ) ، لكن لو كل الكلام ده مش هاينزل عندنا في مصر في خلال سنة من دلوقتي ، يبقى مش هاستنى وها توكل على الله واشتري الموديل الموجود دلوقتي

MAZDA:SKYACTIV-G


MAZDA:SKYACTIV-Drive

[dr.amr]

والله العربيه الموجوده دلوقتي روعه لوحدها

انا معايا عامل بيها الفين ونص

اتقد لو فيها الزيادات ده العربيه هتزيد 10 الاف ع الاقل ده عمو غبور

الوكيل كويس لحد دلقتي عملت الالف بس

[levelpower]

بجد رهيب اوى الموضوع ده يارب ينزل

[MazdaFan]

تحديث الروابط


موقع مازدا غير عنوان الصفحات اللي فيها معلومات عن المضوع ده ، والروابط الجديدة هنا :

MAZDA: SKYACTIV TECHNOLOGY | Mazda Spirit

[Mahmode]

موضوع جامد. أنصح أي حد ناوي يشتري مازدا بالأنتظار لحد ما موديل 2012 ينزل. بالذات إن موديل 2011 مافيهوش ولا ميللي زيادة عن 2010 وزايد حوالي 8 آلاف جنية.

[MazdaFan]

يا جماعة أنا لما شفت الفيديوهات دي ... انا احترامي لمازدا زاد اكتر ... مشاءا لله العربية دي بجد تحفة تحفة تحفة !!!
من كتر انشغالي بالموضوع دورت على النت لحد ملاقيت فيديوهات بتشرح تكنولوجيا سكاي اكتيف وبتوضح ايه الفكرة ورا كل تعديل وتطوير هايدخلوه على مازدا 3 في موديل 2012 ، الناس دي ماسابوش فسفوسة في العربية ماظبطوهاش اكتر ماهي أصلا مظبوطة ، ولا تقولي فلوانس ولا كورولا وللا لانسر ، مع احترامي للجميع ، الناس دي محترمين انهم مسكوا العربية كأنهم بيبنوها من أول و جديد وظبطوها أحلى تظبيط، هاتوا فيشار و طفوا النور ... وركزوا مع كل فيديو :

1- محرك بنزين بأعلى نسبة انضغاط في سوق السيارات في العالم (14:1) يعني كفاءة واستهلاك وقود افضل:

YouTube - SKYACTIV-G (Gasoline Engine) —A Technical Explanation by one of Mazda's Engineers—

2- صندوق نقل الحركة\السرعات الأوتوماتيك (6 سرعات مع تقليل تأثير نقل الحركة بالزبت لإضفاء احساس واستجابة نقل مماثلة لناقل الحركة اليدوي):

YouTube - SKYACTIV-DRIVE (Automatic Transmission) —A Technical Explanation by one of Mazda's Engineers—

3- نظام التعليق والشاسية والحفاظ على عامل المنافسة لدى مازدا أمام مثيلاتها في السوق وهو المتعة في القيادة (agility , handling and driving characteristics to be fun to drive zoom-zoom):

YouTube - SKYACTIV-CHASSIS —A Technical Explanation by one of Mazda's Engineers—

4- تعديلات مدروسة في جسم العربية لزيادة مقاومتها للصدمات مع تخفيض وزنها في نفس الوقت :

YouTube - SKYACTIV-BODY —A Technical Explanation by one of Mazda's Engineers—

ياترى الكلام ده كله هاينزل عندنا مصر في أول 2012 زي بقيت العالم ولا لأ ؟؟؟

[dr.amr]

المازدا من اكثر العربيات المظلومه في مصر للاسف
معتقدش هنزل عندنا
انت كده خليتني اندم اني جبت اللي معايا وماستنيتش ده :)

[Mahmode]

تسلم إيدك يا MazdaFan على الفيديوهات التوضيحية الجامدة دي. أكيد حتنزل ف 2012. دي أساسيات عربية مش كماليات. بس الخوف إن غبور يرفع سعر العربية جامد.

[MazdaFan]

المازدا من اكثر العربيات المظلومه في مصر للاسف
معتقدش هنزل عندنا
انت كده خليتني اندم اني جبت اللي معايا وماستنيتش ده :)

انا بعت ايميلات لتوكيلات مازدا في دول الخليج ( السعودية و الكويت) من على موقعهم على الإنترنت ، وبعت برضوا لغبور عندنا في مصر اسألهم على التكنولوجيا دي هتنزل عندهم او عندنا في مصر وامتى؟ غبور لسه ماردش عليا (معرفش ممكن يرد أصلا ولا لأ :) ) ، لكن توكيلات السعودية والكويت ردوا عليا وقالولي انها هاتنزل وكانت الخطة إنها تنزل في حدود شهر 6 او 7 في 2012 ، لكن بعد أحداث الزلازل في اليابان قالولي ان احتمال "كبيـــر" الموضوع يتأخر عن كده كمان ويتأجل لآخر 2012 او حتى 2013.

يبقى مافيش ندم ولا حاجة ، ماحدش اشترى العربية دي ايا كان موديلهاوسمعت انه ندم أبدا ، وماكانش ينفع تستنى اصلا :) انا والله لولا اني كانت الفلوس مش مظبطة معايا ( ولسه مش مظبطة لحد دلوقتي ) والله كنت اشترتها وششششششششششششش ، ربنا يباركلك فيها ويسعدك بيها ويرزقك خيرها ويكفيك شرها :)

انا أصلا شكلي مش هاستحمل استنى المدة دي كلها وهاشتريها قريب ان شاء الله ...لأن بردو كل تكنولوجيا جديدة بتنزل بيكون طبعا في احتمالات وجود أخطاء وعيوب عبال ماتتصلح وتتظبط تاخدلها كمان سنة او اتنين يعني على 2014 او 2015 كده تكون اتظبطت ، مافتكرش ان حد "محتاج" عربية هايستنى كل ده ، بالإضافة كمان ان تمنها ممكن يكون غالي جدا ساعتها ...

بس برضوا عايزها تنزل عشان اشوف حد اشتراها واخدها منه لفه

[dr.amr]

انا بعت ايميلات لتوكيلات مازدا في دول الخليج ( السعودية و الكويت) من على موقعهم على الإنترنت ، وبعت برضوا لغبور عندنا في مصر اسألهم على التكنولوجيا دي هتنزل عندهم او عندنا في مصر وامتى؟ غبور لسه ماردش عليا (معرفش ممكن يرد أصلا ولا لأ :) ) ، لكن توكيلات السعودية والكويت ردوا عليا وقالولي انها هاتنزل وكانت الخطة إنها تنزل في حدود شهر 6 او 7 في 2012 ، لكن بعد أحداث الزلازل في اليابان قالولي ان احتمال "كبيـــر" الموضوع يتأخر عن كده كمان ويتأجل لآخر 2012 او حتى 2013.

يبقى مافيش ندم ولا حاجة ، ماحدش اشترى العربية دي ايا كان موديلهاوسمعت انه ندم أبدا ، وماكانش ينفع تستنى اصلا :) انا والله لولا اني كانت الفلوس مش مظبطة معايا ( ولسه مش مظبطة لحد دلوقتي ) والله كنت اشترتها وششششششششششششش ، ربنا يباركلك فيها ويسعدك بيها ويرزقك خيرها ويكفيك شرها :)

انا أصلا شكلي مش هاستحمل استنى المدة دي كلها وهاشتريها قريب ان شاء الله ...لأن بردو كل تكنولوجيا جديدة بتنزل بيكون طبعا في احتمالات وجود أخطاء وعيوب عبال ماتتصلح وتتظبط تاخدلها كمان سنة او اتنين يعني على 2014 او 2015 كده تكون اتظبطت ، مافتكرش ان حد "محتاج" عربية هايستنى كل ده ، بالإضافة كمان ان تمنها ممكن يكون غالي جدا ساعتها ...

بس برضوا عايزها تنزل عشان اشوف حد اشتراها واخدها منه لفه

ربنا يكرمك ياباشا وتجيب احلي عربيه في الدنيا يارب
اوعي تستني انا بهزر
بص انا هقولك ني امتلكت من اول الكورولا الشيب القديم والياريس والالنترا والسراتو واللانسر
هقولك ان اي واحده من دول لاتقارن بالمازدا
انا كان نفسي اركب المازدا ده من 2006 بس عدم وجود توكيل بعدني عنها
بص اول ماتمسك الفلوس انمطلق ولن تندم ابد ابد ابدا
ولما تنزل السكاي اكتيف نبقي نشوف حد جابها في المنتدي وناخد لفه غصم واقتدار
بس اا مستغرب هم ازاي بتوع مازدا بيعملوا العربيه ممتعه كده في سواقتها
فعلا العربيه ممتعه في السواقه
انا بركب الفنتازيا كتير قوي بس مش بحس بنفس المتعه في السواقه

[Mahmode]

انا بركب الفنتازيا كتير قوي بس مش بحس بنفس المتعه في السواقه

معقول الكلام ده يا دكتور؟ معقوله المازدا أريح من الفانتازيا؟ أنا لاركبت دي ولا دي بس مستغرب

[dr.amr]

معقول الكلام ده يا دكتور؟ معقوله المازدا أريح من الفانتازيا؟ أنا لاركبت دي ولا دي بس مستغرب

متعة القياده كسائق في المازدا افضل من الفنتازيا
انا مش بقول انها وحشه
انا بقول افضل في متعة القياده

[mmffor]

المازدا بقى ليها وضع تاني خالص بعد ما فورد اشترتها

[MazdaFan]

المازدا بقى ليها وضع تاني خالص بعد ما فورد اشترتها

هو بس توضيح عشان النقطة دي منتشرة عند ناس كتير بشكل غير دقيق:

فورد عمرها ماشترت مازدا ، هما داخلين شراكة فقط ، زي الشراكة اللي بين ماركات كتير زي رينو ونيسان ، بيجو وستروين ، فورد شارية حصة في مازدا ابتدت سنة 1979 بنسبة 7% و مع الوقت زادت ووصلت ل 34 % تقريبا ، ومازدا مؤخرا استردت جزء من اسهمها من فورد فبقت فورد لا تملك فيها سوا 3.5 % فقط

وعلى فكرة فورد استفادت من مازدا تقنيا على مر السنين ومازالت (مش العكس) وخصوصا في العربيات التقيلة والبيك-أب ، الأزمة المالية اللي مرت بيها مازدا في التسعينات هي اللي خلت فورد تشتري جزء اكبر منها في في اوائل الألفينات (2000 - 2001)ن لكن ده مايمنعش حقيقة ان فورد فعلا أضافت لمازدا تقنيا من ساعتها وده ظهر في موديلات مازدا 3 و 6 ، لكن مش صحيح ان فورد اشترت مازدا

دي لينك علة ويكيبيديا مذكور فيه الكلام ده بتفصيل أكتر ، ادخل على اللينك واعمل بحث في الصفحة على كلمة فورد عشان توصل للجزئية المتعلقة بالشراكة مابينهم:

Mazda - Wikipedia, the free encyclopedia