في هباب اسود على الجنط والعربية مكملتش 2000 كيلو .. ارجو الافادة

[hema1989]

السلام عليكم ورحمة الله وبركاته


انا معايا مازدا 3 البيسك لاين - اوتماتيك

عامل بيها 1850 كيلوا تقريبا

وانا راجع من راس البر امبارح ببص على العجل لقيت على الجنط في هباب اسود كده (على االعجل الامامي بس )

انا عملت صيانة الاف من اسبوع كده ... غيرت زيت وفلتر وربطت عفشة

حد يفدني يا جماعة .. هل ده عادي ولا فيها حاجة

لاني خايف اوديها لعفشجي يبوظها

[heshamzaky]

دة تيل الفرامل الى بينزل الاسود دة . عادى مفيش مشكلة

[hema1989]

دة تيل الفرامل الى بينزل الاسود دة . عادى مفيش مشكلة

طمنتني

بس حتى لو العربية جديدة مكملتش معايا شهر

[heshamzaky]

تيل الفرامل لما بيحك فى الطنابير علشان العربية تفرمل بينزل زى هباب أسود كدة على الجنط دة مش وحش مش أحسن ما التيل يبقى ناشف و بدل ما يتبرى ياكل فى الطنبورة الحديد لا الافضل ان التيل طبعا هو الى يتاكل . و القصة مش عربية جديدة و لا قديمة . و برضو شوف رأى باقى الاعضاء

[hema1989]

شكرا يا باشا على الافادة

[fee]

عادي خالص يا باشا أنا معايا نفس الموديل وسألت قالولي تيل الفرامل..متقلقش وسيبها علي ربنا

[new]

السلام عليكم ورحمة الله وبركاته


انا معايا مازدا 3 البيسك لاين - اوتماتيك

عامل بيها 1850 كيلوا تقريبا

وانا راجع من راس البر امبارح ببص على العجل لقيت على الجنط في هباب اسود كده (على االعجل الامامي بس )

انا عملت صيانة الاف من اسبوع كده ... غيرت زيت وفلتر وربطت عفشة

حد يفدني يا جماعة .. هل ده عادي ولا فيها حاجة

لاني خايف اوديها لعفشجي يبوظها

ممكن تبعتلى تليفونك على الخاص علشان عايز اشترى مازدا 3 و عايز اشوف حد يكون جابها قبلي

[hema1989]

عادي خالص يا باشا أنا معايا نفس الموديل وسألت قالولي تيل الفرامل..متقلقش وسيبها علي ربنا

الف شكر يا باشا على الافادة

طمنتني

[levelpower]

متقلقش ده تيل الفرامل عادى جا و مفيش اى خطوره

[MMamdouh]

MMamdouh

[horas3000]

بالظبط زي ما الرجاله قالوا ده الهباب بتاع التيل او ال brake dust
و شخصيا انا متجنن منه لانه بيبوظ شكل العربية و الجنط و بفكر ادهن الجنط اسود عشان اخلص من قرفه

[heshamzaky]

بالظبط زي ما الرجاله قالوا ده الهباب بتاع التيل او ال brake dust
و شخصيا انا متجنن منه لانه بيبوظ شكل العربية و الجنط و بفكر ادهن الجنط اسود عشان اخلص من قرفه

لو معاك فوطة زفرة و مسحتة حا يتمسح على طول . أو شوية مية و فوطة حا يتمسح بسهولة جدا أو حتى فوطة مبلولة شوية حا يتمسح

[horas3000]

لو معاك فوطة زفرة و مسحتة حا يتمسح على طول . أو شوية مية و فوطة حا يتمسح بسهولة جدا أو حتى فوطة مبلولة شوية حا يتمسح

هههه
يا باشا انت هتقولي انا مبطقش اشوفوا
بس الطرق اللي انت بتقول عليها دي فيها بهدله ما بعدها بهدله
شخصيا بستخدم كل الامكانيات المتوفره للتخلص منه و عندي الحاجات دي مبتفارقش العربيه

اسبراي مخصوص لتنظيف الجنوط و ازاله ال brake dust


ده الفرشه اللي يتستخدم للوصول للمناطق الصعبه زي حوالين الصواميل


و ده اختراع لسه جايبه المفروض بيلم الdust علي الناشف بدون استخدام ميه
بس لسه مجربتوش

[asorour]

زي ما الشباب قالوا...بس بيقلل تبعا لقوه الفرمله يعني دايما حاول تكون مسافه الفرمله كبيره يعني تدي فرامل واحده واحده ..... التيل هيعيش معاك ... لكن عموما ما تقلقش ...وياريت كل صيانه تبقي تكشف علي التيل عشان يقوللك فاضل فيه قد ايه...وتلحقه لانه من الحجات المهمه جدا جدا وخصوصا في الازمااات ...والمواقف الصعبه

وربنا يكفينا شر الطرق

[hema1989]

الف شكر يا جمــــــاعة بجد

طمنتوني