أشتري ولا استني الSyactiv؟

[mazda3mazda]

بالنسبة للأوكتين، يوجد بعض المؤشرات أن النسخة التي تم تجربتها في أمريكا ينفع تعمل علي 92 "When it’s burning regular 87-octane gasoline, though, torque decreases by about five percent." ده بالاضافة إلي معلومة تانية إن النسخة في استراليا ستكون بنسبة انضغاط 13.0:1 ... استنتاجي انهم بيقدروا يلعبوا في نسبة الانضغط علي حسب متطلبات السوق و اشتراطاته البيئية...

أنا بميل إني استني كدة شوية و اشوف ايه النظام و المواصفات... واستقبال الموديلات الجديده في اليابان و استراليا الخ... علي الاقل لحد معرض الأخبار أوتوماك 2011 (آخر سبتمبر) احتمال يبقي فيه عروض جديدة على الموديل الحالي أو حتي احتمال يبقي فيه موديل 2012 سادة (نص Skyactiv ، مثلا نظام التعليق أو الشاسيه الجديد و يا سلام لو الجيربوكس)... باختصار، هيبقي فيه اختيارات أكتر!

[Mahmode]

صبرنا يارب بصبر المتصبرين

[mazda3mazda]

الصبر جميل

[Frozen_Pain]

شباب المنتدي ... السلام عليكم

أنا بفكر اشتري المازدا 3 الهاي لاين 2011 و بقالي فترة متابع المنتدي هنا و معتز جدا بخبرتكم و عشان كدة عندي سؤال محدش هيجاوبه غيركم... تفتكروا اشتري دلوقتي ولا استنى موديل 2012 skyactiv مع العلم إني مش مستعجل قوي، المشكلة إن عشان أحد القرار محتاج إجابات أسئلة كتيرة:
1-هل يوحد skyactiv 1.6 أصلا؟ (أعتقد الاجابة نعم بس محتاج تأكيد)

أكيد ان شاء الله فيه

2-و هل طرحه هيكون في نفس توقيت ال2.0 اللي مبينزلش مصر ولا هايتاخر؟
ممكن تسال غبور

3-حد يعرف متوقع 2012 ينزل أمتي في مصر؟ أو علي الأقل مازدا/غبور متعوده تنزل الموديلات الحديدة في شهر كام؟
اللى اعرفه ان معظم الشركات بتنزل فى شهر 9

4-هل تفتكروا ممكن يكون فيه 2012 skyactiv و 2012 عادي و في الحالة ديه غبور ممكن ميجبش غير العادي و يبقي انتظاري علي فشوش؟
ما ظنش انه هيعمل كده خاصة أن السوق المصرى ابتدى يستوعب المازدا كسيارة محترمة

5-هل تتوقعوا إن في حالة نزوله غبور يعمل تخفيض علي موديل 2011 زي ما عمل مع موديل 2010؟
أكيد هيعمل كده علشان يخلص الاستوك اللى عنده

6-هل يوجد تحسينات غير الموتور و الفتيس لأن الأكيد إن هيبقي فيه توفير بنزين - لكن هل هيحسن السحب مثلا بصورة ملحوظة؟ و هل الموتور الحالي صوته عالي (علي اعتبار إنه تكنولوجيا قديمة من سنة 2003) و ممكن يتحسن؟ http://www.rototestinstitute.org/fun...efinedStatus=0
أنا معايا موديل 2008 صوتها مش عالى زى ما انت متوقع بالعكس الكيك داون بتاعها هيحسسك بقوة العربية
عيب 2008 ان البنزين فيها حريقة،،، 2010 يتهيالى موفرة للبنزين
واكيد كل سنة مع اليابانين بتفرق معاهم فى التكنولوجيا وخاصة فى وسط المنافسة بينه وبين الهوندا والسوبارو والتويوتا،،، ويتهيألى المازدا اثبتت كفاءة من 2005 لحد دلوقتى

اتمني إن محدش يكون حس أني بتفذلك أو بطلع القطط الفطصانه في العربية الموضوع إني باعتز بخبرتكم و أتمني رؤية ردودكم
ياباشا مفيش فذلكة ولا حاجة انت تسأل ونحن نجيب
و شكرا

[mazda3mazda]

شكرا للاهتمام frozen_pain

[MazdaFan]

ده فيديو على يوتيوب للمازدا سكاي اكتيف، الفيديو مافيهوش حاجة مهمة تتشاف غير بس ممكن تلاحظ فيه اللمسات البسيطة اللي اتعدلت في اكصدام العربية من قدام وشكل فتحة التهوية من قدام ، لكن اهم حاجة كنت عايز اسأل عليها في الفيديو هو اول 4 ثواني فيه ، العربية وهي بتطلع من السكون ، للناس اللي معاها مازدا 2010 او 2011 انتوا أكيد جربتوا وشوفتوا لكن انا ماعرفش هل الطلعة دي طبيعية وبتحصل في موديلات 2010 و2011 ولا الطلعة دي عادية ومش سريعة بزيادة عن الطبيعي ؟ ولو سريعة عن الطبيعي هل دي شطارة سواق ولا المحرك مساعده ؟؟ انا عارف ان دي ممكن تكون أسئلة ماينفعش الرد عليها غير بالتجريب وأن الواحد يكون سايق بنفسه عشان يعرف يحكم، بس قلت أسألكم برضو ، وبصراحة انا شايف ان الطلعة دي عادية ، بس عشان انا ماشفتش المازدا قبل كده فبسألكم يمكن تكون مش عادية:

YouTube - ‪â–؛ 2012 Mazda3 Sedan on the road‬‏

وشكرا مقدما

[dr.amr]

هي طلعتها قويه فعلا

بس هو بيفتري فيها برضو

بس برضو ممكن يكون الموتور اكبر من 1600

[MazdaFan]

هي طلعتها قويه فعلا

بس هو بيفتري فيها برضو

بس برضو ممكن يكون الموتور اكبر من 1600

حضرتك معاك حق يا دكتور في موضوع انها ممكن تكون اكتر من 1600 سي سي (و غالبا هي أكتر من كده فعلا)
فعلا مفيش حل غير اننا نستنى ونصبر لحد ما تنزل عندنا و أمرنا لله

[newcastle]

انا بس كنت عايز اوضح معلومة عن ال skyactiv ، مازدا هاتنزل موتور جديد عبارة عن حقن مباشر ونظام ضخ غازات العادم بره المحرك مختلف عن الأنظمة التقليدية وده خلاهم قدرو يوصولوا لنسبة انضغاط 14 الى 1 وهي أعلى نسبة انضغاط في محركات بنزين حصلت في تاريخ السيارات اللي بتنزل تجاريا في العالم ، ده معناه كفاءة استهلاك وقود أفضل بكتير وبيفتخروا ان محركهم ال 2000 سي سي بيقدر يوصل ل 40 ميل في الجالون يعني حوالي 17 كيلومتر في اللتر الواحد ، فتخيل لو محرك 1600 سي سي اللتر الواحد فيه ممكن يمشيك كام كيلو ؟؟ مش عايز اتفائل واقول 30 كم في الليتر بس لو وصل ل 20 كيلو في اللتر يبقى انجااااز غير طبيعي ، بس المعلومة اللي مش متأكد منها ، هل المحرك ده هيحتاج انه يشتغل على بنزين 95 بس ؟ ولا ممكن يشتغل على 92 بنفس الكفاءة ؟؟

صندوق الترووس هايبقى 6 سرعات سواء اوتوماتيك او مانيوال ، والصندوق الاوتوماتيك عملولوا تصميم بيجمع كل مميزات نقل الحركة الاوتوماتيك cvt & dual clutch ، وخلوا مدى lock-up يوصل ل 80% !!! وهو اصلا قبل كده كان 50% ، يعني هاتحس تقريبا بنفس احساس النقل في المانيوال وهتحسها بتجمع أسرع ماهي بتجمع اساسا !!! بجد وهم !!

مش كده وبس ، كمان تحسين وتطوير في هيكل العربية وزيادة خامات الحديد عالي الشد high-tensile steel ، وتصميم العربية بحيث تقدر تمتص الصدمات بشل احسن وهي اصلا قبل كده كانت واخده 5 نجوم في اختبارات السلامة ، فتخيل دلوقتي كمان هاتبقى عاملة ازاي

وكمان تطوير في العفشة والمساعدين عشان تبقى ثابته أكتر ما هي ثابتة اساسا و تديك احساس رياضي افضل

وحضرتك مش بتتفزلك ولا حاجة يا فنم ، بالعكس معاك حق وانا رأيي زيك وعندي نفس تساؤلاتك ومستنيها لما تنزل عشان بجد عرية تستحق الآنتظار

بجد مازدا مسكت العربية وظبطتها من اولها لآخرها وهي مش محتاجة أصلا !!!! انا بجد مش قادر استنى عامل زي الأطفال عايزها تنزل عشان اسوقها واشوف هاتبقى عاملة ازاي ياجدعان !!!

و الروابط دي فيها كل حاجة عن ال skyactiv ، ياريت كلنا نقراها ونشوف الفيديوهات الي فيها ونتخيل العربية هاتبقى عاملة ازاي :



youtube - ‪skyactiv-g (gasoline engine) —a technical explanation by one of mazda's engineers—‬‏

youtube - ‪skyactiv-drive (automatic transmission) —a technical explanation by one of mazda's engineers—‬‏

youtube - ‪skyactiv-chassis —a technical explanation by one of mazda's engineers—‬‏

youtube - ‪skyactiv-body —a technical explanation by one of mazda's engineers—‬‏

mazda: Skyactiv technology | mazda spirit


المشكلة بقى لو سي غبور باشا مارضيش ينزلها ! :s :s بجد يبقى توكيل اي كلام !! ده ممكن يكتسح بيها السوق بس لو محركها ينفع يشتغل على بنزين 92 !!! ياخوفي لا ماينفعش ! :))) , وكمان مايفتريش في سعرها !
ده هو عارض ال 2011 هاي لاين ب 162 الف ، يبقى دي هايعرضها بكام ؟؟ ربنا يستر !! :)))

بس بعد ده كله ، برجع وافكر واقول ان اي حاجة بتكون لسه جديدة طبيعي ان يظهر فيها مشاكل ، ممكن تلاقيها بعد سرعات معينة بتحصل فيها رجة غريبة ، ممكن المحرك في بلدنا الحر لما يسخن اوي يبقى أدائه مش قد كده ، ممكن و ممكن وممكن ، وتبقى عايزة شوية تظبيط او design tuning ، فبقعد افكر طيب اشتري عربية تانية عبال لما مازدا تظبط العربية الجديدة دي وابيع اللي هاتكون معايا واشتريها ساعتها؟؟ ولا استناها واشوف ادائها ولا اعمل ايه بس :)))
بجد محتار ومخي بياكلني وعايزهم يشدوا حيلهم ويخلصوا وينزلوها بقى بدل التحنيس ده يا جدعان !! انا مستنيها من يجي 4 شهور وهاتهبل عليها :))))

لو الانضغاط يتاعها 1:14 يبقى مستحيل تمشي ب92 لاااااازم 95