مشكله مجننانى فى المازدا فاميلى

[mkout000]

عندى عربيه مازدا فاميلى 1999 اتوماتيك فيها عيب مطلع عينى هو ان العربيه بتبطل منى فى الاماكن المزدحمه وعند المطبات يعنى لما بهدى السرعه والمشكله انها مش بتدور تانى الا لما بتبرد يعنى من خمس الى عشر دقائق روحت لاكتر من ميكانيكى وكهربائى وكل واحد يلعب فيها شويه ومافيش فايده غيرت رداخ طرمبه البنزين وغيرت المبوينا زى ماقالوا ومافيش فايده ياريت اللى عنده اى حل يدلنى عليه لانى صرفت عليها كتير ومافيش اى فايده

[FunnyMickey]

هوا حضرتك لما بتيجي تهدي او تطلع مطب وتمور
الار بي ام بينزل لتحت خالص كده وساعات يعلي لوحده وساعات ميعلاش وتروح العربيه مبطله صح؟؟

[rompo10]

كانت عندي ياباشا المشكله دي ولقيت في جلده صغيره طالعه من فلتر الهواء مقطوعه

[rompo10]

بس كانت في الاسكودا مش مازدا

[FunnyMickey]

والمازدا بتاعتنا كانت كده بردو
قطعه في فلتر الهوا مقطوعه

[mkout000]

الاخ الفاضل فانى ميكى ايوه زى ماحضرتك قلت بالنسبه لعداد الار بى ام

[FunnyMickey]

تمام يبقي زي ما قلتلك
الحركه دي حصلت في المازدا بتاعت والدي مرتين
والمرتين بسبب خرطوم الهوا ده
بيبقي مقطوع ولزقناه مفيش فايده
حتنزل الحرفيين حتلاقيه عند بتوع قطع الغيار غالي شويه
حيعمل 450 جنيه
استيراد واهم حاجه تجيبه سليم يعني ميكونش مشقق
والله جبناه من بورسعيد انا وبابا ب250 جنيه
:)
بس بالصدفه كده لقيناه
وان شاء الله الموضوع يظبط معاك

[FunnyMickey]

[mkout000]

ربنا يبارك فيك وباذن الله هنزل اشوفه فى بورسعيد الاقرب ليا

[FunnyMickey]

انتا كمان معاك لانسر كريستاله :)
اوعي تكون ابويا وبتشتغلني :)

[mkout000]

ههههههههه ياراجل لو انت من المنصوره يبقى تشك انى والدك وبشتغلك انما لما تكون من مدينه نصر تبقى صعبه شويه ويارب تكون نفس العيب اللى فى عربيه بابا واغيره بقى وارتاح انا عودت باستعمل التاكسى وبخاف امشى بيها