ملاك الbk و مالك الbl صباح القشدة!

[MazdaFan]

اسعار قطع غيار هوندا سيفيك من الفطيم

فانوس امامى 1485
فانوس خلفى 1100جنيه
تيل فرامل امامى 380 جنيه
تيل فرامل خلفى 320 جنية
اكصدام امامى 1403جنيه
اكصدام خلفى 1382جنيه
مرايه 792 جنيه
رفرف خلفى 2222 جنيه
رفرف امامى 1022 جنيه
عتب جانبى 729 جنيه
كبود 1628 جنيه
زجاج امامى 2350 جنيه
زجاج خلفى 2453 جنيه
سير كاتينه (يتم تغيره بعد 200000 كيلو عشان جنزير) 381 جنيه
طقم بوجيهات (يتم تغييره بعد 100000 كيلو عشان اريديوم) 400 جنيه

دية الحاجات الاساسية لو كنت نسيت حاجة قولولى عليها و اجيبهالكو فريرررررةة

تسلم ايدك يا باشا

بس هما الفطيم قالولك الأسعار دي شاملة الضريبة ولا من غير ضريبة ؟؟

[pioneerahmed]

شاملة الضريبة يا باشا

[levelpower]

يا جماعة ربنا يكرمكم ويعزكم انا ماعملتش حاجة استاهل عليها تنفخوا فيا النفخ ده كله ، ده شغل اي حديقدر يعمله يعني وبعدين شباب ايه اللي يفرح ده اللي يفضل شغال كل يوم من 9 الصبح ل 10 بالليل ياعم محمود ؟؟؟ يفرح بإمارة ايه ؟؟ ده حتى مش هتلاقي فيه صحة ولا دماغ (وأظن كان واضح عليا موضوع الصحة ده )

والله هي بس فترة مؤقتة لمدة شهر تقريبا بس مش اكتر ان شاء الله وهارجع للمعاملة الآدمية تاني ان شاء الله ، هانقول ايه هو ده نظام القطاع الخاص وكلكو عارفينه يعني ما فيش عنده تفاهم

المهم انا شغال في التقرير دلوقتي ، هاحطه في شكل جدول برضه لأن ده هايكون اسهل لمازدا اليابان انهم يقروه ويستوعبو كل مشكلة ، هايكون أحسن من لو كتبناه كلام و دش.

الجدول عبارة عن اسئلتنا وشكوانا وقصادها ردود غبور عليها ، وبعد كده هاحط قصاد كل رد من غبور ارقام ورسومات بيانية تبين اذا كان رد غبور منطقي ولا اي كلام ( الأرقام هي الفاصل الوحيد وبتنهي اي كلام مطاطي )

طبعا كلنا كنا متوقعين مبررات و ردود خلاصتها هي (انسوا) ، بس ده مش معناه ان القصة انتهت عشان في زملاء اعزاء بحس في كلامهم بشكل غير مباشر انهم محبطين او ان الحكاية كده خلصت

طبيعي جدا اللي حصل ، والخطوات اللي هاتحصل ان شاء الله هي :

1- تقرير المقابلة هانبعته لمازدا
2- مازدا هاتدرس التقرير وتسأل غبور عن اللي فيه ، غبور طبعا هايحاول يبرر او يضرب ارقام ويشكك في مصداقية معلوماتنا ويلعب على نقطة ان السوق المصري معقد ومش سهل الوصول للأسعار اللي احنا بنتوقعها

3- مازدا هايردوا علينا ان غبور معذور وظروف السوق عندكم كده بس هانوعدكم بمعاملة كويسة وعروض وحملات صيانة او ايا كانت الوعود اللي بغرض تهدأة الوضع وتحسين صورة العربية في السوق برضه (ماهو أكيد عايز يحسن صورته في السوق لأن الرسالة كده واضحة العربية سوقها واقف ولازم تتصرف ياغبور أنا كمازدا اليابان عايز فلووس ومش ناقصاك تعطلي فلوس ممكن تجيلي في عز الأزمة اللي انا فيها)

4- مش هايعجبنا الرد ، ساعتها نرد نقول لليابان انهم خيبوا ظننا فيهم ومكناش نتوقع كده من اسم زي مازدا اليابان ، وكده انتوا نهيتوا سوق مازدا في مصر لأننا مش هانستمر في امتلاك سيارة مش لاقي ليها خدمة كويسة ( اللي هو لو انتوا هاتريحوا دماغكم براحتكم كده هاتخسروا سوق كان ممكن يكون واعد ومربح لو اهتميتو بيه اكتر)

5- هانحاول نفكر في اي فكرة او تصرف (إيجابي) مش سلبي (لأني بعتبر خطوة الفيس بوك تصرف سلبي ، تصرف عدائي فيه احتمال ولو ضعيف أنه ممكن يعود على ملاك المازدا في مصر بالسوء في انخفاض سعر إعادة البيع ) ومش بحب أريح دماغي واستسهل واخش في تصرف عدائي او خناقة قبل ما استنفذ كل السبل السلمية او الإيجابية (غالبا بتكون موجودة بس عادة الإنسان بيكسل يفكر فيها او يتعب شوية عشان يعملها لأنه بيحب يريح دماغه و بيستسهل الخناق أكتر من انه يفكر و يتفاهم بهدوء )

ايه هو الحل الإيجابي ساعتها ، لسه مش عارف ، ممكن حد تاني يكون عنده فكرة او لما يبقى يجي وقتها الأول

6- تيجي هنا خطوة الفيس بوك ( والبس ياغبور )، وغالبا هانلاقي ان فجأة سبحان الله الأسعار نزلت والعروض اتحسنت ازاي متعرفش (بس مش قبل سنة على الأقل عبال مالمشكلة تسمع بجد ويبتدي غبور يحس بيها لأن غبور متغطرس شوية ومش ييتحرك نتيجة كلام او اخبار بتتنشر حتى لو حقيقة ، هو بيتحرك بلغة الفلوس وبس و هايفضل معاند لحد مايلاقي الفلوس والأرقام بتتكلم )

وبعد كل ده ، الله أعلم ايه السيناريوا اللي ممكن يحصل ؟ ممكن يحصل ردة فعل كويسة على عكس ماحنا متوقعين

انا بس عايز الناس اللي راحت مركز الصيانة وشافوا اي مشاكل او معاملة مش كويسة او اي سلبيات يقولوها هنا عشان تتحط في التقرير وتتظبط عشان ماعدناش نلاقيها تاني لما نروح نعمل صيانة عندهم

اشوفكم على خير ان شاء الله

تصبحوا على خيررررررر

تمام اوى ياعمرو الكلام ده بس طبعا لازم يحسوا اننا جد جدا و مش بنهزار و ممكن مازدا تخسر كتير اوى بسبب كده

[MazdaFan]

شاملة الضريبة يا باشا

أستاااااااااااااااااااااذ 11111+++++

لما نشوف غبور هايقول ايه قصاد الأسعار دي !! متهيألي الفروقات واضحة !

بس كنت عايز أسأل على الفانوس الخلفي للسيفيك اللي ب 1100 جنيه ، ده الجزء الواحد ؟ ولا الجزئين مع بعض ؟؟

والمرايا كهربا ولا عادية ؟

عايزين برضه أسعار القطع اللي استهلاكها كتير زي :

فلتر زيت ، فلتر هواء ، فلتر تكييف ، فلتر بنزين.

برضه سعر الفانوس الزينون لو عندهم ، سعر الكبالن الأمامية

ولسه ان شاء الله لما أجيب أسعار السوبارو !! غبور هايتنفخ ان شاء الله !!

[Frozen_Pain]

ايه الكلام الجامد ده يا بشمهندس عمرو

كلام 10/10 وانا معاك فى الكلام ده

بس انا مختلف معاك فى نقطة التهديد على الفيس بوك

ماهو انت ممكن تقولهم ان نتائج الجروب هى:
1- عدم شراء المازدا
2- صعوبة اعادة البيع
3- قلة الطلب على المازدا من طرف الموزعين
4- العملاء ستتجه للنظر الى الموديلات اليابانية مثلا الهوندا والتويوتا وذلك للاسباب الاتية:
أ- كفاءة الوكيل
ب- اسعار قطع غيار متوفرة ومنافسة
ج - تسويق جيد للسيارة
د- اسعار السيارة مناسبة ( الهوندا غالية طبعا)

[MazdaFan]

تمام اوى ياعمرو الكلام ده بس طبعا لازم يحسوا اننا جد جدا و مش بنهزار و ممكن مازدا تخسر كتير اوى بسبب كده

أكيد طبعا هانحاول يكون الرد في توضيح انهم هايخسروا بجد ( بس بيني وبينك السوق المصري كله لو ماتباعتش فيه ولا عربية واحدة لمازدا .. مش هايفرق مع مازدا عالميا ... نسبة المبيعات في مصر أعتقد إنها تعتبر مهملة مقارنة بمبيعات العربية في اليابان وأوروبا وأمريكا وكندا )

يبقى نلعب على الناحية التانية انهم كانوا ممكن يزودا النسبة المهملة دي لنسبة تكون معتبرة ومش قليلة لو كانوا اهتموا بيها أكتر ومش هايتكلفوا كتير كل المطلوب أسعار معقولة وخدمة عملاء أفضل وتوكيل محترف بجد ( يمكن ساعتها نقترح عليهم يغيروا غبور بتوكيل تاني زي توكيل سيفيك او توكيل كيا ، بصراحة توكيل كيا محترمين جدددداااا على حسب كلام صحابي اللي معاهم كيا بس ده لما غبور ينشف دماغه ويعند ، لما يبقى ييجي وقتها بقى)

احنا بنعمل اللي علينا ومع كل خطوة بنتقدم فيها هانفكر سوا ساعتها نتصرف ازاي ان شاء الله

[MazdaFan]

ايه الكلام الجامد ده يا بشمهندس عمرو

كلام 10/10 وانا معاك فى الكلام ده

بس انا مختلف معاك فى نقطة التهديد على الفيس بوك

ماهو انت ممكن تقولهم ان نتائج الجروب هى:
1- عدم شراء المازدا
2- صعوبة اعادة البيع
3- قلة الطلب على المازدا من طرف الموزعين
4- العملاء ستتجه للنظر الى الموديلات اليابانية مثلا الهوندا والتويوتا وذلك للاسباب الاتية:
أ- كفاءة الوكيل
ب- اسعار قطع غيار متوفرة ومنافسة
ج - تسويق جيد للسيارة
د- اسعار السيارة مناسبة ( الهوندا غالية طبعا)

كلامك مظبوط يا محمود بالنسبة لموضوع الفيس بوك ، بس زي ماقولتلك غبور متغطرس وبيلاقي ناس تشتري حتى مع استهبال الأسعار بتاعته وعندك الانترا الجديدة اللي منزلها ب 154 الف وبيلاقي ناس تشتريها !

بس تعرف .. لو هاناخد خطوة الفيس بوك دي ، يبقى لازم تكون يا إما دلوقتي في عز ماهو مشدود كده ومقلق ان مازدا اليابان يسحبوا التوكيل منه ، فبالتالي مش هايكون ناقص شوشرة ... ولا هايفضل مكابر ومعاند برضه ؟؟

يا إما نتقل شوية لما نشوف رد اليابان الأول ؟؟؟ ايه رأيكم يا جماعة ؟؟ انا برضو مش عايز الناس اللي معاها مازدا وناوية تبيع العربية تخسر في تمنها نتيجة الحركة دي

[Frozen_Pain]

شاملة الضريبة يا باشا

موديل كام يا احمد

[Frozen_Pain]

كلامك مظبوط يا محمود بالنسبة لموضوع الفيس بوك ، بس زي ماقولتلك غبور متغطرس وبيلاقي ناس تشتري حتى مع استهبال الأسعار بتاعته وعندك الانترا الجديدة اللي منزلها ب 154 الف وبيلاقي ناس تشتريها !

بس تعرف .. لو هاناخد خطوة الفيس بوك دي ، يبقى لازم تكون يا إما دلوقتي في عز ماهو مشدود كده ومقلق ان مازدا اليابان يسحبوا التوكيل منه ، فبالتالي مش هايكون ناقص شوشرة :u_thin1[1]: ... ولا هايفضل مكابر ومعاند برضه ؟؟

يا إما نتقل شوية لما نشوف رد اليابان الأول ؟؟؟ ايه رأيكم يا جماعة ؟؟ انا برضو مش عايز الناس اللي معاها مازدا وناوية تبيع العربية تخسر في تمنها نتيجة الحركة دي

انا شايف اننا نستنى رد اليابان

بس نقوله فى الايميل اننا فكرنا فى موضوع جروب الفيس بوك

[MazdaFan]

موديل كام يا احمد

السؤال ده مهم فعلا عشان غبور مايتحججش ويقولك ده مودل قديم

النقطة التانية ، انا كنت بستأذنكم اني كنت قلت اني هابعت التقرير يوم الجمعة اللي هو النهارده يعني ، بس كنت عايز أأجله لبكره السبت عشان انا اتصلت بأبو غالي عشان اسألوا على قطع غيار السوبارو امبريزا فقالي انهم أجازة خميس وجمعة وهايفتح يوم السبت ، انا عموما هاكمل شغل كده كده في التقرير النهاردة ان شاء الله ويوم السبت هاضيف اسعار السوباروا واحط الرسومات البايانية واقفل التقرير ، عشان انا حاسس ان أسعار سوباروا هاتكون مؤثرة جدا في شكل الأرقام النهائية وهاتخلي مازدا تتأكد ان غبور بيستعبط جدا

كمان كنا عايزن نسأل مازدا اليابان اذا كان غبور بيستلم منهم العربية فيها bose sound system ولا لأ ؟ بيستلمها كاسيت 6 سي دي ولا لأ؟ العجلة الاستبن بيستلمها بجنط ونوعها ايه ؟

عشان في كلام ان غبور بيشيل الكاسيت والسماعات وبيشيل العجل وبيحط اللي على مزاجه ويستفيد من الحاجات دي و يرجع يبيعها تاني ويبقى كده كسب أكتر على حسابنا احنا

وان شاء الله لما هابعت التقرير ليكم كلكم ياريت كل واحد يبص عليه (بتركيز) عشان نتأكد كلنا ونشوف انا في حاجة نسيتها ؟ في نقطة انا اصلا عرضتها غلط او مانقلتش معلومة بشكل صحيح ، او لو حد عايز يضيف اي حاجة او يعدل في اي حاجة بحيث نطلع بأحسن شكل ممكن للتقرير ومايكونش فيه معلومة غلط وغبور يتلكك عليها ويقول اننا بنفتري عليه او بننقل معلومات غلط، ونتوكل على الله ونبعته لمازدا اليابان

والنقطة الأخيرة اللي كل شوية اسأل عليها وماحدش بيجاوب فين الشكاوي اللي قابلت الناس في مركز الصيانة ؟؟؟ ولا كلكم كنتوا مبسوطين منهم جدا ؟؟؟ ولا احنا اخدنا على المعاملة الرديئة وبقينا شايفين ان ده العادي وان كده مافيش مشاكل ؟؟ ولا فعلا مافيش مشاكل في مركز صيانة مازدا والمشاكل كلها في مركز هيونداي ؟؟

الزميل العزيز moro14 ، كنت قلتلنا ان في حاجات قابلتك في صيانة ال 1000 ، يارييييييت لو تقولنا عليها لو سمحت


وكنت عايز أسأل برضه على حاجه ، تفتكروا الأول نبعت التقرير لغبور يبصوا عليه قبل مانبعته لليابان عشان لو عايزين يقولوا حاجة ؟؟ ولا نبعته لليابان علطول ونحط غبور في ال cc ؟؟

[himaz]

انا شايف اننا نستنى رد اليابان

بس نقوله فى الايميل اننا فكرنا فى موضوع جروب الفيس بوك

الله ينور يا عمرو ايه الكلام الجامد ده

انا كمان شايف اننا نستنا الرد من اليابان الاول

[himaz]

السؤال ده مهم فعلا عشان غبور مايتحججش ويقولك ده مودل قديم

النقطة التانية ، انا كنت بستأذنكم اني كنت قلت اني هابعت التقرير يوم الجمعة اللي هو النهارده يعني ، بس كنت عايز أأجله لبكره السبت عشان انا اتصلت بأبو غالي عشان اسألوا على قطع غيار السوبارو امبريزا فقالي انهم أجازة خميس وجمعة وهايفتح يوم السبت ، انا عموما هاكمل شغل كده كده في التقرير النهاردة ان شاء الله ويوم السبت هاضيف اسعار السوباروا واحط الرسومات البايانية واقفل التقرير ، عشان انا حاسس ان أسعار سوباروا هاتكون مؤثرة جدا في شكل الأرقام النهائية وهاتخلي مازدا تتأكد ان غبور بيستعبط جدا

كمان كنا عايزن نسأل مازدا اليابان اذا كان غبور بيستلم منهم العربية فيها bose sound system ولا لأ ؟ بيستلمها كاسيت 6 سي دي ولا لأ؟ العجلة الاستبن بيستلمها بجنط ونوعها ايه ؟

عشان في كلام ان غبور بيشيل الكاسيت والسماعات وبيشيل العجل وبيحط اللي على مزاجه ويستفيد من الحاجات دي و يرجع يبيعها تاني ويبقى كده كسب أكتر على حسابنا احنا

وان شاء الله لما هابعت التقرير ليكم كلكم ياريت كل واحد يبص عليه (بتركيز) عشان نتأكد كلنا ونشوف انا في حاجة نسيتها ؟ في نقطة انا اصلا عرضتها غلط او مانقلتش معلومة بشكل صحيح ، او لو حد عايز يضيف اي حاجة او يعدل في اي حاجة بحيث نطلع بأحسن شكل ممكن للتقرير ومايكونش فيه معلومة غلط وغبور يتلكك عليها ويقول اننا بنفتري عليه او بننقل معلومات غلط، ونتوكل على الله ونبعته لمازدا اليابان

والنقطة الأخيرة اللي كل شوية اسأل عليها وماحدش بيجاوب فين الشكاوي اللي قابلت الناس في مركز الصيانة ؟؟؟ ولا كلكم كنتوا مبسوطين منهم جدا ؟؟؟ ولا احنا اخدنا على المعاملة الرديئة وبقينا شايفين ان ده العادي وان كده مافيش مشاكل ؟؟ ولا فعلا مافيش مشاكل في مركز صيانة مازدا والمشاكل كلها في مركز هيونداي ؟؟

الزميل العزيز moro14 ، كنت قلتلنا ان في حاجات قابلتك في صيانة ال 1000 ، يارييييييت لو تقولنا عليها لو سمحت :f_eyeb1[1]:


وكنت عايز أسأل برضه على حاجه ، تفتكروا الأول نبعت التقرير لغبور يبصوا عليه قبل مانبعته لليابان عشان لو عايزين يقولوا حاجة ؟؟ ولا نبعته لليابان علطول ونحط غبور في ال cc ؟؟

انا رايى نبعت لمازدا مباشرة و هما فى الايمال
عشان يبقى كل شىئ واضح وصريح والارقام تبقى واضحة لمازدا اليابان اسعار بتوصل للمستهلك بعد الضريبة بكام

[Frozen_Pain]

لا جديد؟

[levelpower]

لا جديد
مفيش غير ان العربيه الحمد لله بعد ستر ربنا طبعا انقذتنى من حادث محقق و كان ممكن يبقى فى اصابات
كونت ماشى 140 او 150 تقريبا و راح واحد كاسر عليا بعربيه افيو و انا هربت منه و رديت الدركسيون تانى بس طبعا العربيه عملت حرف s رايح جاى بسبب السرعه العاليه لكن الحمد لله كونت متحكم فيها بشكل خيالى و الله طبعا غير ان ربنا سترها معايا لو كونت راكب عربيه تانى كان زمانى متشيع فى عربيه نقل او فى الخرسانه بس العربيه الحمد لله تحكمها كان ماشاء الله كويس جدا و الفرامل انقذتنى انا و مراتى و بنتى عندها سنتين بس الحمد لله مفيناش خربوش ولا العربيه الحمد لله و عايز اقولكم ان سبب ان العربيه راحت و جت يمين فى شمال طبعا انى انا كسرت جامد و رجعت رديت تانى لانى كونت هنزل على الرمل .
الحمد لله و ربنا يسترها معانا جميعا

[Frozen_Pain]

لا جديد
مفيش غير ان العربيه الحمد لله بعد ستر ربنا طبعا انقذتنى من حادث محقق و كان ممكن يبقى فى اصابات
كونت ماشى 140 او 150 تقريبا و راح واحد كاسر عليا بعربيه افيو و انا هربت منه و رديت الدركسيون تانى بس طبعا العربيه عملت حرف s رايح جاى بسبب السرعه العاليه لكن الحمد لله كونت متحكم فيها بشكل خيالى و الله طبعا غير ان ربنا سترها معايا لو كونت راكب عربيه تانى كان زمانى متشيع فى عربيه نقل او فى الخرسانه بس العربيه الحمد لله تحكمها كان ماشاء الله كويس جدا و الفرامل انقذتنى انا و مراتى و بنتى عندها سنتين بس الحمد لله مفيناش خربوش ولا العربيه الحمد لله و عايز اقولكم ان سبب ان العربيه راحت و جت يمين فى شمال طبعا انى انا كسرت جامد و رجعت رديت تانى لانى كونت هنزل على الرمل .
الحمد لله و ربنا يسترها معانا جميعا

ياساتر يارب

الحمدلله ياباشا انك بخير انت والمدام وبنوتك ،،، ياباشا نصيحة من اخوك الكبير

طبعا فى الاول والاخر هو ستر من عند ربنا بس ياريت لما يكون معاك المدام وبنتك ما تجريش بالعربية

سؤال شخصى هى بنتك اسمها ايه يابوب؟

طلب شخصى بئا ياريت تجيبها معاك فى المقابلة اللى جاية؟