مطلوب خدمة من أصحاب المازدا 3 هاي لاين 2011

[romar]

السلام عليكم،

إن شاء الله أنا حاستلم العربية المازدا 3 الهاي لاين إنهاردة إن شاء الله، كنت بس عايز من أي حد لسة مستلم العربية دي جديد يجاوبني على شوية أسئلة، وجزاكم الله خيرا كلكم:

1. العربية بتنزل بطقم دواسات ولا لأ؟ عشان الكاتالوج بتاع العربية الأمريكاني بيقول إنها فيها دواسات (https://www.mymazda.com/MusaWeb/pdf/..._Mazda3_OM.pdf)

2. العدة اللي مع العربية عبارة عن إيه بالظبط؟

3. العربية ليها كام مفتاح؟

4. العربية بييجي معاها طفاية حريق ولا لأ؟

5. زراير فتحة السقف فين؟

6. المفتاح بييجي معاه رقم الشفرة بتاعه على حتة حديدة صغيرة؟ ولا إيه؟

7. العربية بييجي معاها المسمار اللي بيركب في المكان اللي بتتقطر منه؟ اسمه بالإنجليزي تاي داون آي لت، بس مش عارف ترجمته بالعربي

tiedown eyelet

8. مية الرادياتير لونها إيه؟

9. البطارية ماركتها إيه؟

وألف شكر مقدما يا رجالة

[Thebutcherr]

مبروك يا حبيبى ربنا يباركلك فيها
البيز لاين بكامبعد الخصم؟

[levelpower]

الف مبروك ياباشا

[romar]

مبروك يا حبيبى ربنا يباركلك فيها
البيز لاين بكامبعد الخصم؟

الف مبروك ياباشا

الله يبارك فيكو يا شباب

شادي باشا البيز لاين بـ 134900 من الوكيل.

[fahmy]

well high line bekam delw2ty ?

[romar]

well high line bekam delw2ty ?

157900 عند الوكيل.... على فكرة الأسعار دي بقالها أسبوعين بس بعد ما غبور نزل السعر 4000 جنيه

[himaz]

1. لا اعتقد بس ممكن صاحب المعرض يجبلك واحدة هديه
عامة نصيحة كدة كدة جيب دواسات سودة كاوتش الطبق فى حدود 120 جنيه

2. العدة اللي مع العربية لل 2009 واعتقد لاى عربية برضه مبتفرقشى الموديل
هى مفك اسود صليبة وعادة فى نفس الوقت
مفتحين 8\10 و واحد اكبر شوية
كوريك والمفتاح بتاعه
مفك ربط صواميل العجل
شداد لقطر العربية فى الطوارق


3. ليها مفتاحين
لو فيه بصمة بيبقى كارتين كل كارت فيه مفتاح عادى جواه
واتاكد من كدة

4. لأ؟

5.فى السقف فى الوسط فى 2009 فوق
اعتقد برضه فى الجديدة كدة

6. المفتاح بييجي معاه رقم الشفرة بتاعه على حتة حديدة صغيرة؟ ولا إيه؟
تمام الكى كود

7. العربية بييجي معاها المسمار اللي بيركب في المكان اللي بتتقطر منه؟ اسمه بالإنجليزي تاي داون آي لت، بس مش عارف ترجمته بالعربي
بيجى اه
tiedown eyelet

8. مية الرادياتير لونها إيه؟
اخضر

9. البطارية ماركتها إيه؟
مش عارف صراحة

[moro14]

. العربية بتنزل بطقم دواسات ولا لأ؟ عشان الكاتالوج بتاع العربية الأمريكاني بيقول إنها فيها دواسات (Not exist https://www.mymazda.com/MusaWeb/pdf/..._Mazda3_OM.pdf)

2. العدة اللي مع العربية عبارة عن إيه بالظبط؟

3. العربية ليها كام مفتاح؟ 2keys

4. العربية بييجي معاها طفاية حريق ولا لأ؟no

5. زراير فتحة السقف فين؟ up, beside the front car light

6. المفتاح بييجي معاه رقم الشفرة بتاعه على حتة حديدة صغيرة؟ ولا إيه؟ no

7. العربية بييجي معاها المسمار اللي بيركب في المكان اللي بتتقطر منه؟ اسمه بالإنجليزي تاي داون آي لت، بس مش عارف ترجمته بالعربي yes

tiedown eyelet

8. مية الرادياتير لونها إيه؟ i will check

9. البطارية ماركتها إيه؟ i will check

وألف شكر مقدما يا رجالة

[moro14]

Take care
There are a big different in options and car design between car in the PDF and existing car in the Egyptian market
like front mirror as a example

[romar]

ألف شكر يا شباب..... واضح إني مكانش لازم أقرأ المانوال الأمريكاني، عشان ماتصدمش وأنا باستلم العربية.... آل بسأل على طفاية الحريق آل

[M.Alaa92]

لية تعقد نفسك و تقرا الكتالوج الامريكانى خليك ف المصرى و بالنسبة للطفاية من المرور بتشتريها ب 120 ج

[elgamil]

الف مبروك على العربية و ربنا يديك خيرها و يكفيك شرها

انا بس ممكن اضيف للاجابات اللي فوق، وده طبقا للي في عربيتي:
مياه الردياتير لونها اخضر ونوعها fl 22 وهتلاقيه مكتوب على القربة

البطارية عندي كان نوعها سامسونج 50 امبير سائلة

[Frozen_Pain]

ألف شكر يا شباب..... واضح إني مكانش لازم أقرأ المانوال الأمريكاني، عشان ماتصدمش وأنا باستلم العربية.... آل بسأل على طفاية الحريق آل

العربيات السعودى بيكون جاى فيها يا رامى طفاية

الف مبرررووووووووووووووووووووووووووووووووووووووووووووو وووووووووووووووووووووووووووووووك

كده يبقى هنشوفك فى رمضان فى فطار او سحور المازداوية

[Frozen_Pain]

الف مبروك على العربية و ربنا يديك خيرها و يكفيك شرها

انا بس ممكن اضيف للاجابات اللي فوق، وده طبقا للي في عربيتي:
مياه الردياتير لونها اخضر ونوعها fl 22 وهتلاقيه مكتوب على القربة

البطارية عندي كان نوعها سامسونج 50 امبير سائلة

الكود ده بتاع ايه يا لؤى؟

[elgamil]

محمود باشا،

الكود ده هو نوع مياه الردياتير الخاصة بشركة مازدا، و ده اللي ممكن تفكر تغيره بعد 100000 كلم

حتى في المانيوال بتاع العربية ينصح بعدم استخدام انواع اخرى من مياه التبريد غير هذا النوع

للأسف لم ولن تجد هذا النوع في مصر،