أرجو الافادة بخصوص مازدا 2

[yankee_zulu]

أرجو ان يفيدني أحد بخصوص mazda 2 model 2008 من حيث تقييم السيارة من حيث الاداء و السعر ،و أسعار قطع الغيار و مدي توافرها ،و لكم جزيل الشكر.

[himaz]

باشا
العربية مش منتشرة وبصراحة معرفشى اى حاجة عن الاداء ولكنى اتوقع انه اداء كويس لمتور 1500 على الحجم ده

ممكن تشوف تقييمات على العربية فى منتديات اجنبية تكون العربية متوفرة برة

بالنسبة للاسعار لقطع الغيار
ممكن تكلم العالمية تسال عن مدى توافرها و اسعارها كمان :
العالمية فى شارع دمشق


22560511
0108886667
0164444486


ربنا يوفقك

[pioneerahmed]

اية يا عم الى عاجبك فى المازدا 2 دية
انا فى حياتى شفتها مرتين فى الشارع و كل مرة كنت بفتكرها مازدا 3 هاتش باك

و اساسا على كونتاكت اسعارها زى اسعار المازدا 3
متخليك فى ال3 و خلاص

[himaz]

اية يا عم الى عاجبك فى المازدا 2 دية
انا فى حياتى شفتها مرتين فى الشارع و كل مرة كنت بفتكرها مازدا 3 هاتش باك

و اساسا على كونتاكت اسعارها زى اسعار المازدا 3
متخليك فى ال3 و خلاص

+111111

كلامك مظبوط ياكبير
بس فى المستعمل سعرها بيبقى قليل قوى
سوقها واقع بالعربى

[yankee_zulu]

ألف شكر علي الافادة يا جماعة ، والله أنا كنت بفكر جديا في المازدا 3 أول فئة اتوماتيك ،و لكن اقل سعر واحدة بتعمل في حدود 65000 و عاملة مش أقل من 120000 كيلومتر ،و موديل 2006:2007،و لازم تكون رشة خوارج ،فوانا بدور لقيت ان في مازدا 2 فابريكة بالكامل مفيهاش خدش موديل 2008 اتوماتيك و عاملة 25000 كيلومتر و سعرها اعتقد ممكن ييجي في 55000 ،و بصراحة السعر ده في حدود امكانياتي الحالية ،فالموضوع لفت نظري ليه الناس كلها عارضة نفس العربية باسعار من 70000:75000 و محدش بيبيع و الاعلان بتلاقيه قاعد بالشهور و العربية لسة قاعدة ،و ايه اللي يخاللي واحد عارض ب 75000 ينزل لحد ال 55000 و لسة مش عارف يبيع! ،قلت اشوف حد كان راكبها و باعها و اعرف السبب ايه ،فاتوفقت في اعلانين لناس باعوا و سألتهم مشاكل العربية دي ايه ؟! ،فكان الرد كعادة الشعب المصري لاطلاق الاشاعات علي كل ما هو ليس بمألوف لهم ان ناس كتير خوفتهم منها و قالولهم انها فيها مشاكل ميكانيكية عظيمة سوف تظهر بعد فترة ليست ببعيدة (بناء علي علم الفلك) فحاولوا بسرعة التخلص منها ،و مع ثقل حركة بيعها في السوق جعلهم يتخلصوا منها باي طريقة كانت ، حتي لو كان قيمتها الفعلية في السوق هي من 70000:75000 ،و هو فعلا ما يعادل قيمه السيارة المازدا 3 نفس الموديل طبعا و فارق الفئة و الحجم ، وجهت لهم سؤال : هل واجهتم اي نوع من المشاكل خلال قيادتها خلال 3 اعوام حتي اليوم ،فكان الرد السريع لا و لكن الحمد لله خلصت قبل ما (تفتحلي بقها ) ، فسألت (و بقها ده ايه بالظبط؟؟؟؟؟) ،فلا اسمع رد واحد مفهوم أو مقنع ،ففهمت أن سمعة السيارة تلوثت كمثيلات كثيرة لها في السوق المصري من السيارات أمثال الفرنساوي الحديث (رينو و بيجو) و غيرهم من كل ما هو غير مألوف ،فأخذت بنصيحة الأخ HIMAZ و أخذت أجوب المواقع العالمية بحثا عن هذه السيارة لأنها أعجبتني جدا من حيث التصميم و الامكانيات و الحجم و السعر الواقع (اللي شكله مصلحة لية) ،فكانت المفاجاة : ان السيارة المازدا 2 و الفورد فييستا موديلات 2008 أخذوا جائزة أحسن سيارتان في فئتهما(فئة السيارات الميني) ،و اليكم رابط من الروابط Mazda2 : ط£ظپط¶ظ„ ط³ظٹط§ط±ط© ظپظٹ ط§ظ„ط¹ط§ظ„ظ…



فاستفساري الان هل تلك السيارة الموجودة بمصر معيوبة فعلا (بفعل فاعل ) كعادة المستوردين المصريين الذين يتفننون في كيفية عمل مواصفات للسيارة باقل التكاليف؟

[pioneerahmed]

ريبورتاج هايل بصراحة :d:d:d

بهزر طبعا

بص انزل نزلة كدة شارع دمشق و اسال على قطع غيار ليها
و فكك من قصص العيوب دية عشان مفيهاش حاجة
قطع الغيار هى الفيصل