طرمبة البنزين

[mohamedkaouh]

هو حضرتك بو عرضت موضوعك في قسم كيا افتكر ان هما هايقدروا يفيدوك اكتر مننا

انا عرضته فعلا بس موصلتش لحل لسه

[WalidAdel]

طيب بص
هو عموما ضهف السحب ده ساعات و ساعات دي مش واضحه اوي ... يعني لما ايه بيحصل السحب بيكون ضعيف
ممكن تكون ساعة الجو الحر و لا في العادي ... ممكن يكون عيب بنزين مثلا فيه وساخه ... ممكن يكون فلتر البنزين جايب اخره او فيه فلتر في التنك كده بردوا ساعات لما بيتسد بيعمل كده
كل ده لازم ميكانيكي فاهم يمشي وراها واحده واحده ... في واحد في شارع متحف المطريه بلاقي عنده سبكترا و سيفيا بس و ممكن المهندس احمد بوله فاهم اوي و مجربه في عربيات كتير ماشاء الله
وانت راحتك

[mohamedkaouh]

طيب بص
هو عموما ضهف السحب ده ساعات و ساعات دي مش واضحه اوي ... يعني لما ايه بيحصل السحب بيكون ضعيف
ممكن تكون ساعة الجو الحر و لا في العادي ... ممكن يكون عيب بنزين مثلا فيه وساخه ... ممكن يكون فلتر البنزين جايب اخره او فيه فلتر في التنك كده بردوا ساعات لما بيتسد بيعمل كده
كل ده لازم ميكانيكي فاهم يمشي وراها واحده واحده ... في واحد في شارع متحف المطريه بلاقي عنده سبكترا و سيفيا بس و ممكن المهندس احمد بوله فاهم اوي و مجربه في عربيات كتير ماشاء الله
وانت راحتك

انا متشكر جدا على رد حضرتك هي المشكله فعلا في ميكانيكي يكون فاهم و عنده ضمير علشان انا روحت ل اتنين و اول ما احكي المشكله علطول يقولي طرمبة بنزين مع ان الحمدلله الاعراض اللي قريتها عن طرمبة البنزين مش عندي خالص الحمدلله و غير كده بعد ما اعمل كشف كمبيوتر بلاقي العربيه و انا ماشي اتظبطت فمعنى كده ان لما بيحصل ريست للدايره هو ده اللي بيظب الدنيا و ده اللي خلاني افكر ان في سينوسر مهييس او بيدي ساعات اشاره غلط و الكشف الكمبيوتر مش بيطلعوا ....
سؤالي هو ان روحت للتوكيل هيمشوا ورا العطل بردوا و لا ممكن يقولولي طرمبة بنزين ؟

مين المهندس احمد بوله ؟

شكرا بجد ليك على ردك و اهتمامك

[pioneerahmed]

بص يا باشا العيب عندك اكيد عيب رشاشات وديهم لحد بس يكون عندة جهاز الالترا سونيك و خلية ينضفهملك و يبرمجهم تانى و انت هتلاقى الدنيا ظبتت معاك

[WalidAdel]

مين المهندس احمد بوله ؟

ميكانيكي زي العسل ... تقدر تقول عليه مهندس و فاهم ماشاء الله في كل العربياااااااااااات بمعني كل العربيااااااااااات روحله بس انت و مالكش دعوه هو اكيد هايبقي عنده حل ان شاء الله

[Thebutcherr]

وعنده كمان جهاز الترا سونيك لتنضيف الرشاشات

[mohamedkaouh]

ميكانيكي زي العسل ... تقدر تقول عليه مهندس و فاهم ماشاء الله في كل العربياااااااااااات بمعني كل العربيااااااااااات روحله بس انت و مالكش دعوه هو اكيد هايبقي عنده حل ان شاء الله

يا رب , هعمل اخر محاوله مع ميكانيكي عند واحد صاحبي و ان مكنش كده هبقى اشوفه

[mohamedkaouh]

بص يا باشا العيب عندك اكيد عيب رشاشات وديهم لحد بس يكون عندة جهاز الالترا سونيك و خلية ينضفهملك و يبرمجهم تانى و انت هتلاقى الدنيا ظبتت معاك

يعني ايه برمجة الرشاشات ؟

[pioneerahmed]

بص يا باشا المفروض الرشاشات و عددهم اربعة كلهم يضخوا بنزين بنفس الكمية بالظبط لكن الى بيحصل ان مع الاستعمال الظبت دة بيختلف فبتلاقيهم مختلفين فى معدل الضخ عن بعض فالجهاز بيظبتهم