نويت اشترى مازدا وعندى شوية اسئلة

[momsam]

ازيكوا يا مازدوية
كنت ناوى بمشيئة الله اشترى سيارة مازدا323 سيدان وهى اول سيارة لى فى حياتى وعندى شوية اسئلة عنها ياريت حد يفيدنى

1- انا دايما اسمع عن مو 81 و 82 هل ويعد كده مو88 (شكله عاجبنى قوى) وما هو احسن موديل فيهم من حيث قطع الغيار والاسعار وكده (السيدان فقط)

2- انا سمعت واحد شارى مازدا مو88 ايه رايكم فى الموديل ده وهل الموديل ده متوفر ورنجه كام وهل قطع غياره متوفرة ورخيصة ولا غاليةعشان مش بشوفه فى الشارع خالص

3- ما الفرق بين اليابانى والكورى عند المعاينة عشان اعرفهم يعنى وابص عليهم وهل الكفائة بتفرق كتير؟

4- هل اليابانى والكورى الاتنين فى منهم بينزل بتكيف ولا حاجة منهم مفيهاش تكييف اصلاً؟

5- انا عايز عربية كويسة محطش فيها مسمار زى ما بيقولوا وياريت لو ومكيفة وياريت لو بها كماليات سنتر وزجاج كهربائى وكوتشات تيوبلس
على المواصفات دى اعمل حسابى فى كام ولو من غير جميع المواصفات ممكن يكون رنجها كام(يعنى من الاخر اجهز كام للعربية)

6- هل فى محافظات ممكن الاقى العربية فيها ارخص من القاهرة ولا مش هتفرق واجيبها من سوق الجمعة وخلاص

7- انا كنت هاروح عند نبيل مازدا اسأله على الحاجات دى بس فى ناس حذرتنى وقالتلى ان الصنايعية هيشتغلونى لو عرفوا انى عايز اشترى عربية وبلبل نفسه مش فاضى يرد على حد

سامحونى يا اخوانى على الاسئلة الكتيرة بس بصراحةانا دورت كتير فى النت وتعبت عن اجابات للاسئلة دى

شكرا للى هيرد مقدما وربنا يحافظله على عربيته ويباركله فيها

[bika_2006]

+++++++++++1

[mazagngi2010]

للاسف معلوماتى قليله لانى لسه جديد مع المازدا بس فعلا شكل ال88 احلى لكن ميكانيكا وقطع غيار معرفش
قريت قبل كده فى مشاركه ان مفيش حاجه اسمها مازدا كورى
عموما انا جيبت عربيتى من شهرين م 83 راشه بره ومتعمره من 6 شهور -فابريكا دواخل ومتجنطه ومش مكيفه وعايزه 4 فرد كاوتش جداد ب 19500 من واحد زميلى
بالنسبه للتكييف قريت برضه انه فى الخليجى اللى نزل هنا
وحضرتك شوف الاسعار اللى هنا
ظپط§ط¨ط±ظٹظƒط§ - ظ†طھط§ط¦ط¬ ط¨ط.ط« ط§ظ„ط³ظٹط§ط±ط§طھ ط§ظ„ظ…ط³طھط¹ظ…ظ„ط©
كان نفسي اخدمك اكتر من كده بس ده اللى اعرفه

[ahosny]

دي خبرتي

السلام عليكم..
انا عندي موديل 82 من سنه و حفيدك بقدر خبرتي برضه..

اولا بخصوص انك عايز موديل 88..المازدا بصفه عامه قطع غيارها مش متوفره بكثره و بالتالي تعتبر غاليه نسبيا بالنسبه لموديلها القديم و ايا قطع الغيار المستعمله قليله ودي بتحتجلها في احيان كثيره.. فحضرتك موديلات من 81-83 بيسموها موديلات الجيش لان ابو غزاله كان بيجيبها للجيش اساسا و بالتالي بالرغم من اللي قلته فوق فلسه ليها قطع غيار بكميه معقوله وموجوده في الشارع بكثافه جيدهولو اتنزنقت ممكن تدخلها ورش الجيش.. اما الموديلات الاحدث فاعتقد ان حضرتك حتعاني بشده مع قطع الغيار ن حيث الوفره و السعر..

ثانيا بخصوص ان حضرتك عايز عربيه ميتصرفش عليها.. العقل و المنطق يرفضوا الطلب ده و اي حد بيبيع حيقولك كده بيكدب عليك.. انا اشتريت عربيني اغلي من السوق بالفين جنيه علشان كنت جديد و فهموني اني مش حصرف و العربيه نضيفه و طبعا محصلش خالص.. ليييه؟؟ انت شاري عربيه عمرها من 20 ل 30 سنه في الشارع .. لما حاجه بتبوظ في الغالب بتيجي استيراد مستعمله و طبعا بفعل الزمن انت معرض بسهوله ان كل يووم حاجه تبوظ و مفيش اي ضمانات لغير كده حتي لو صاحب العربيه نضيف العربيه فيها اكتر الالاف القطع هل هوه غيرها كلها حديثا؟
من الاخر العربيه دي نضيفه بالنسبه لكل فئتها لكن لازم تعمل حسابك انك حتصرف برضه علشان متتخنقش بسرعه.. اللي ممكن اقولهولك ان اللي حتصلحه لو مستخسرتش حيعيش معاك لانه ياباني لكن احتمال كل شهر تغيرلك و تصلح حاله...

من الاخر لو مش عايز تصرف يا تجيب زيرو يا ما موديل 2000 فيما اعلي حتجيب تمانينات يبقي حتصرف و اللي اوله شرط

[mazagngi2010]

من الاخر لو مش عايز تصرف يا تجيب زيرو يا ما موديل 2000 فيما اعلي حتجيب تمانينات يبقي حتصرف و اللي اوله شرط

متفق معاك انا لسه ماسوره الفرامل اتخرمت عندى بسبب عامل الزمن لكن كماتور وعفشه العربيه تعتبر احسن المستعمل من عربيات تانيه كتير

[momsam]

الف شك ر للاخوة الذين جاوبوا على وخصوصاً استاذ مزجانجى
وشكرا لاستاذ حسنى لكن انا اقصد يعنى عايز سيارة حالتها كويسة وعايز حد يقولى السعر هيبقى فى حدود كام
طبعا انا عارف انها هتحتاج صيانة لكن انا اقصد انى عايز عربية بعد كده مكتفش ان فيها عفشة مثلاًولا مصيبة كبيرة
انا بقول كده شان اعرف رنج سعر السيارة توصل لحد كام فى السعر

[bika_2006]

الف شك ر للاخوة الذين جاوبوا على وخصوصاً استاذ مزجانجى
وشكرا لاستاذ حسنى لكن انا اقصد يعنى عايز سيارة حالتها كويسة وعايز حد يقولى السعر هيبقى فى حدود كام
طبعا انا عارف انها هتحتاج صيانة لكن انا اقصد انى عايز عربية بعد كده مكتفش ان فيها عفشة مثلاًولا مصيبة كبيرة
انا بقول كده شان اعرف رنج سعر السيارة توصل لحد كام فى السعر

+1111111111111111

[doudy1480]

هات مازدا 99 أو 2000 (فاميلي) مش هتندم والله ... سعر النضيف منها 40000 وممكن أقل كمان 1600 كاملة عربية محترمة وقطع غيارها متوفرة أستيراد وفي غبور لو عاوز جديد ...

[momsam]

للاسف والله كان نفسى بس مش ينفع خالص عشان الميزانية