إزاي اوقف رنين صفارة السرعة العالية مازدا 3 2008

[Hossam_Zaky]

السلام عليكم
صديقي الأنتيم معاه مازدا 3 2008 أيرو كاملة عدا البصمة و بصراحة عربية تحفة و ماشاء الله بالمقارنة بعربيات كتيير تتفوق بلا تردد
و معظم الوقت انا مع صديقي علي طرق سفر و العادي بتاعه ( ربنا يهديه و يستر طريقه ) فوق ال120 و متوسط من 160 ل 180 كم
بس المشكلة الوحيدة في رنين صفارة تجاوز السرعة اللي مبتفصلش أبدا
حد عنده طريقة نفصل بها الرنين ده
و شكرا للأهتمام

[Hossam_Zaky]

شكلي بسأل عن حاجة مش طبيعية !!

[levelpower]

هو سمارت كار كانوا عرضوا عليا انهم يفصلوها او يقلل من صورتها بس انا مرديتش بس الصراحه مش عارف الطريقه ممكن تروح هناك و هما يفصلوها لكن انا ارعف ازى تفصل صفاره الحزام و ده عن طريق فك فيشة موجوده تحت كرسى السائق بس انا منصحش بفصل الحجات دى لانها مهمه و لسلامتك ( مجرد رائ)

[Hossam_Zaky]

بالغ الشكر لأهتمامك
و ححاول أروح سمارت كار أشوف علي الأقل خفض الصوت
و معلش أتأخرت في الرد عليك بس كنت أعتقدت أن محدش حيرد و فتحت النهاردة بالصدفة
و بشكرك مرة تانية للأهتمام

[levelpower]

ولا يهمك انت تأمر

[Osama_I]

سبحان الله
اللى معندوش صفارة عايز يركب صفارة
و اللى عندو صفارة عايز يلغيها

[Hossam_Zaky]

هوه حال الدنيا كده
الصفارة مش سيئة لو بتفصل و ترجع تاني لكن دي بتفضل مستمرة و بتعمل ازعاج و توتر للسائق تخليه ( غصب عنه ) يرجع لسرعة معقولة عشان تتوقف , بس أحيانا ( كثيرا ) بتبقي عاوز تجري فالصفارة بتضايقك هو ده كل الموضوع
شكرا للتداخلات

[nice_bird]

انا عندي نفس مشكلة الصفارة في الانسر بس انا بعلي الكاسيت وانا ماشي ومش بسمعها خااالص