نصائح عامة لاى حد شارى عربية جديدة

[himaz]

بالنسبة لل ار بى ام :
--------------------
ياريت متعديش سرعة 80 كم
متسارعشى وتجرى بالعربية
دوستك على البنزين تدريجى الار بى ام ما يزيدشى عن 2 و نص


92 بالنسبة لتفويل العربية بنزين
------------------------------------
نصيحة فول فى اخر الليل مش فى حرارة الشمس
فول لاول فصلة متملاش التانك لاخر عنق الخزان كعادة عمال المحطة
تطفى العبية قبلها

لتوفير البنزين دايما تزود السرعة بالتدريج
بمعنى ان ال ار بى ام يزيد تدريجى 1
1.2
1.5
1.8
2
وهككذا ....

دايما بشوف الناس تدوس جامد فى الهوا و يتغير بسرعة 1
2.5
و ساعات 3 فجائى
وده طبعا بحرق بنزين بدون اى فائدة


بالنسبة لتدوير العربية
---------------------
زى ما باسم باشا الكلام الجامد ده . انك تفتح الكونتاكت شوية ثوانى لغاية ما لمد الاختبار تطفى و بعدين تبتدى تدور
لو اى لمبة اختبار فضلت منورة ده معناها ان فى مشكلة فى العلامة دى
ولازم ساعتها تشوف ايه المشكلة وتحلها ان شاء الله



فى حالة ركن العربية
--------------------
ظريف لو سبت مسافة اكبر قدام العربية عشان لو حد قدامك يبقى عنده براح وهو بيركن قدامك

تاكد من غلق الازاز لو مش عندك روافع ازاز
وفتحة السقف لو موجودة
وتاكد من غلق التكييف و الكاسيت لو شغال
عشان متحملشى على البطارية وانت بتشغل الموتور

ممكن تدوس فرامل الرجل الاول
وبعدين تجيب ال باركينج
وبعدين تشد الهاند بريك
وبعدين تسيب دواسة الفرامل الرجل و بعدين تطفى العربية


فى حالة تغيير اتجاه العربية
------------------------------
من الامام للخلف او العكس
ضرورى جدا تتاكد ان العربية وقفت تماما
اوعى تدى ناقلى و العربية لسة واخدة سرعة ده ممكن يدمر الجير بوكس

فى حالة الدوران بالعربية
-------------------------
فى الملفات او ال يو تيرن بالنسبة للاوتوماتيك
بلاش تفتكر انها زى المانوال تتمور فى الدورانات
سيب العربية على نقلتها عادى كل المطلوب منك انك تهدى عشان تدخل الملف بشويش ومتاثرشى على الكبالن

فى حالة السواقة عامة
---------------------
حاول تلاحظ كل حاجة بتحصل حوالين العربية بالنظر السريع فى جميع المرايات
وتستخدم الاشارات على قد ما تقدر فى حالة انحراف العربية حتى لو كان ميللى
الميللى ده ساعات بيبقى سبب فى حوادث و ربنا يسترها معانا جميعا

بالنسبة للتليين
---------------
انا رائى 5000-10000 كم من غير تكييف ولا ار بى ام عالى ولا تسارع بالعربية


بالنسبة للزيت والفلتر
---------------------
شل الترا ال عشر الاف
وتغييره عند الالف او 5 فى الاول
بعد كدة تغييره بمعدل من 8000 الى 10000
و غير الفلتر مع كل مرة بالفلتر الاصلى طبعا
و نضف فلتر الهواء فى نفس الوقت ده معاهم
وطبعا اتبع جداول الصيانة اللى جاية مع العربية

بالنسبة لغسيل العربية
---------------------
حاول تغسلها فى الليل او على الاقل مش تحت الشمس
الغسيل اليدوى احسن و امن على البوية اكتر
وماتكترشى المعدل قوى الا عند الحاجة

وطبعا انصح تعملها واكس كويس ممكن سوناكس المانى
انا ان شاء الله هجربه قريب و ياريت كنت عملتها اول ما جبت العربية
وده هيحافظ على البوية و هيمنع تراكم التراب
و يستحسن تستخدم الفوطة المايكروفايبر

وطبعا جيبلها غطاء محترم
ممكن توب كفر ايجيبت ده كويس و بيصدر فى توكيلات كتير فى مصر
عيبه انه خفيف مش هيحميها من طوب يتحدف عليها
ميزته انه بتفصل بموديل ونوع العربية وخفيف فمش بياخد مساحة كبيرة فى الشنطة

ربنا يسترها معانا جميعا

[Ahmed Eldreny]

ممتاز ياباشا ونصايح مهمه فعلا

[Ayman_A1]

وطبعا انصح تعملها واكس كويس ممكن سوناكس المانى
انا ان شاء الله هجربه قريب و ياريت كنت عملتها اول ما جبت العربية
وده هيحافظ على البوية و هيمنع تراكم التراب
و يستحسن تستخدم الفوطة المايكروفايبر

هو المفروض الواكس دة يتعمل كل اد اية؟
لازم تعمل بوليش قبله ولا مافيش داعى (فى حالة ان العربية لسة جديدة) ؟
ويفضل يتعمل عند حد متخصص ؟ ولا عادى أعمله أنا ؟
هل السونكس دة أفضل نوع ؟ فى نوع اسمه formula 1 تقريباً، انهى احسن؟
ايه الفوطة المايكروفايبر دى ؟ وموجودة فين؟

[himaz]

هو المفروض الواكس دة يتعمل كل اد اية؟
لازم تعمل بوليش قبله ولا مافيش داعى (فى حالة ان العربية لسة جديدة) ؟
ويفضل يتعمل عند حد متخصص ؟ ولا عادى أعمله أنا ؟
هل السونكس دة أفضل نوع ؟ فى نوع اسمه formula 1 تقريباً، انهى احسن؟
ايه الفوطة المايكروفايبر دى ؟ وموجودة فين؟

الواكس بيحمى البوية بطبقة شفافة بتدى لمعة
مش لازم بوليش لو العربية تمام قوى وفيهاش اى حاجة
ممكن تعمله انت سواء يدوى او بصاروخ وان كان هيبقى متعب شوية
السوناكس نوع كويس وفيه انواع تانية جامدة
الفوطة من كارفور او سبينيس او الماركت الكبير

وفيه برضه توكيل سوناكس فى مدينة نصر
دى فوطة ناعمة قوى مش بتاكل فى البوية وهى بتنضف

[mailo]

كلام جميل بس بصراحة مش مقتنع بموضوع 10000 تلين
ولا موضوع معديش 2.5 rpm

على فكرة المواتير المفروض متجربة فالمصنع قبل ماتتحط فالعربية ومتلينه

[himaz]

كلام جميل بس بصراحة مش مقتنع بموضوع 10000 تلين
ولا موضوع معديش 2.5 rpm

على فكرة المواتير المفروض متجربة فالمصنع قبل ماتتحط فالعربية ومتلينه

يا باشا الاحتياط واجب مش هتفرق الشوية دول

[mailo]

تمام لازم يكون فيه احتياط طبعا

بس يكون في محله السليم

يعني بدل مزودش عن 80
ممكن أجيب 200 لو العربية بتجيبها بس مش مرة واحدة
يعني مثلا ابتدي اعود العربية على النقل على 3
وبعدين 4 و5 وهكذا
وكده بظبط العربية بتاعتي
واللي أنا أعرفه إن العربية لما بتتشد من الأول بتبقى احسن