استفسار عن زيت الفتيس

[MIDO2950]

السلام عليكم يا شباب يارب جميعا تكونوا بخير
اشتريت مازدا 3 مو 2008 اوتوماتيك المشكله عندي ان كان زيت الفتيس ناقص وروحت لميكانيكي حطلي سليكون مكان الجوان لان العربيه مفيش فيها جوان اصلا وغيري الزيت انا حطيط زيت باور موبيل ياتري هو ده زيتها ولا بتحتاج زيت معين اصل انا سمعت ان للفتيس بتاعها زيت مخصوص وخايف ليكون زيت الموبيل حيعملي مشكله في الفتيس وكمان في حاجه الفتيس بينقل ال4 نقلات بسرعه ولما ينزلهم بينزلهم بالراحه يعني بيفضل قاري ال 3 لحد سرعه 20 مثلا وبعد كده ينزل ل 1 مش 2 وشكرا جزيلا علي الرد مسبقا

[MIDO2950]

ايه يا جماعه محدش غير زيت فتيس قبل كده ؟

[MIDO2950]

الرجاء يا جماعه لو حد عنده المعلومه ميبخلش بيها

[levelpower]

هو فى زيت فتيس اوتوماتيك و اعتقد انه شيل بس مش عارف رقمه
و اعتقد ان غلط انك تحط زيت باور اصلا مكان زيت الفتيس

[Frozen_Pain]

زيت باور مكان زيت الفتيس؟؟؟؟؟؟؟؟؟ ازاى؟؟؟؟؟؟

انا كنت فى مركز صيانة قالى ان زيت الفتيس عامل 600 جنيه لو هتغيره كله ... قولتله كاااااااااااااااااام؟ قالى 600 جنيه والله

رحت زودته زيت شيل عادى وزى الفل الحمدلله

[MIDO2950]

انا محطتش زيت باور انا حطيط موبيل الي مرسوم عليه فتيس اوتوماتيك وبيتحط برده للباور ياتري الموبيل ده صح ولا ايه نظامه

[Frozen_Pain]

انا محطتش زيت باور انا حطيط موبيل الي مرسوم عليه فتيس اوتوماتيك وبيتحط برده للباور ياتري الموبيل ده صح ولا ايه نظامه

هو مكتوب عليه atf?

لو مكتوب عليه يبقى شغال وزى الفل

لو مش مكتوب يبقى الحق غيره

[mahmoudselim]

يا جماعة حرام عليكم خضيتوا الراجل

ياباشا زيت الفتيس هو زيت الباور مفيش مشكلة
بس الفكرة انت اشتريت atf 3 ولا 2

المفروض 3 العلبة عاملة 40 جنية تقريبا ودا المفرض تحطها في الفتيس

اما بالنسبة ان التوكيل طلب 600 جنية دا علشان الزيت كلة بيتغير
والفتيس بياخد 8 ليتر زيت لو هتغيرة كلة لازم تفك الفتيس نفسة علشان الزيت كلة يتغير
علشان كدا بيطلب منك 600 جنية.

بس انت ممكن تنزل 4 ليتر من غير فك الفتيس وتغيرهم ودا غالبا ال بيحصل

[MIDO2950]

الاخ الفاضل </B>mahmoudselim شكرا جدا ليك بجد طمنطني انا حطيط موبيل بس العلبه عامله 28 جنيه وخد 5 علب ياتري ده كويس ولا محتاج يتغير ؟ وينفع بعد محطيطه علي الزيت الي جوا الفتيس اني اغيره ؟ وياتري المفوض كل اد ايه زيت الفتيس يتغير ؟ ومعلش سؤال كمان . هو احسن زيت ماتور ليها ايه ؟

[mahmoudselim]

الاخ الفاضل </B>mahmoudselim شكرا جدا ليك بجد طمنطني انا حطيط موبيل بس العلبه عامله 28 جنيه وخد 5 علب ياتري ده كويس ولا محتاج يتغير ؟ وينفع بعد محطيطه علي الزيت الي جوا الفتيس اني اغيره ؟ وياتري المفوض كل اد ايه زيت الفتيس يتغير ؟ ومعلش سؤال كمان . هو احسن زيت ماتور ليها ايه ؟

ياباشا لا شكر علي واجب
بس من الواضح كدا من سعر العلبة انك جبت atf dex 2
ودا انصحك انك تنزلة تاني ومعلش قدر الله وما شاء فعل
وبالنسبة لاحسن نوع زيت فا في ناس بتقول شيل كويس جدا
بس انصحك انك تحط زيت ليكوي مولي لانة ممتاز جدا جدا
وياريت كمان تشتري اضافة الفتيس الاتوماتيك من عندهم
لانة بجد بيريح الفتيس تماما وميخلكش تحس بالنقلات
بالنسبة لمعاد تغيير زيت الفتيس فالمفروض ترجع لكاتلوج العربية
بس هو المتعارف علية في اغلب السيارات ان زيت الفتيس الاتوماتيك بيتغير
كل 40000 كم تقريبا وزيت الفتيس المانيوال كل 60000 كم تقريبا
وتحت امر حضرتك في اي سؤال تاني

[MIDO2950]

الله يباركلك يا محمود انا بجد متشكر ليك جدا بصراحه الموضوع ده كان مدايقني وابتديت احس ان الفتيس مش متظبط معلش حتعبك معايا وتقولي الزيت ده بيتجاب من فين ولو تعرف سعره يبقي تمام والاضافه دي بتتحط مع الزيت ؟ وححتاج كام علبه ؟ وانشاء الله متعبكش في اسئله تاني

[MIDO2950]

الله يباركلك يا محمود انا بجد متشكر ليك جدا بصراحه الموضوع ده كان مدايقني وابتديت احس ان الفتيس مش متظبط معلش حتعبك معايا وتقولي الزيت ده بيتجاب من فين ولو تعرف سعره يبقي تمام والاضافه دي بتتحط مع الزيت ؟ وححتاج كام علبه ؟ والعلبه مكتوب عليها كام ؟ يعني زيت مقاس كام عشان مجبش نوع مختلف وإن شاء الله متعبكش في اسئله تاني

[mahmoudselim]

ولا يهمك يا باشا واسئل براحتك.

شوف اللنك دا ياباشا هتلاقي في كل الاجابات علي اسئلتك

http://www.nilemotors.net/Nile/254684-liqui-moly.html

وانت في الغالب هتحتاج حوال 4 علب
علي العموم راجع اللنك دا وهتعرف كل حاجة بأذن الله

وانا تحت امرك في اس استفسار تاني

[MIDO2950]

مليون شكر ليك يا محمود وبجد استفدت منك كتير جدا ربنا يبارك فيك

[Frozen_Pain]

ياباشا لا شكر علي واجب
بس من الواضح كدا من سعر العلبة انك جبت atf dex 2
ودا انصحك انك تنزلة تاني ومعلش قدر الله وما شاء فعل
وبالنسبة لاحسن نوع زيت فا في ناس بتقول شيل كويس جدا
بس انصحك انك تحط زيت ليكوي مولي لانة ممتاز جدا جدا
وياريت كمان تشتري اضافة الفتيس الاتوماتيك من عندهم
لانة بجد بيريح الفتيس تماما وميخلكش تحس بالنقلات
بالنسبة لمعاد تغيير زيت الفتيس فالمفروض ترجع لكاتلوج العربية
بس هو المتعارف علية في اغلب السيارات ان زيت الفتيس الاتوماتيك بيتغير
كل 40000 كم تقريبا وزيت الفتيس المانيوال كل 60000 كم تقريبا
وتحت امر حضرتك في اي سؤال تاني

ياباشا احنا مخضناش الراجل ولا حاجة

تغيير الزيت السعر اللى بقولك عليه ده مش فى التوكيل اساسا

والزيت بيتغير + ماء الرادياتير كل 100 الف كيلو ولازم تغير فلتر الفتيس معاهم

انما لو عاوز تزود الزيت اى زيت مكتوب عليه atf هيبقى شغال معاك