فتيس مازدا 3

[omarkhaled55]

السلام عليكم ورحمة الله وبركاتة
هو انا كان عندى سوال
انا معايا عربية مازدا 3 2008 مانيوال وكنت هركبلها فتيس اوتوماتك بس الفتيس الاوتوماتك بتاع 2008 4 سرعات بس فانا بفكر اركب بتاع 2011 الى هو 5 سرعات هل دة ينفع ولا انا بقول كلام خيالى
وهل الاحسن اجيب ماتور بفتيسة ؟؟؟؟ ولا الفتيس بس ولو حد يعرف يعمل كام يا ريت يقولى
شكرا

[mazda3mazda]

الفتيس الأوتوماتيك بتاع 2011 ال1.6أربع سرعات بس مش خمسة

[hamata]

الفتيس اللى فى المازدا 2011 من غبور 4 نقلات بس و على ما اسمع هو نفس الفتيس القديم

[medo_msmsa]

الـ 2011 فتيسها 4 سرعات واعتقد انك تشتري فتيس بس عربيتك لسه جديدة والماتور اللي هتشترية مش هيبقي احسن من اللي عندك.
لازم تسأل كويس قبل ما تشتري عشان في عربيات كتير بتحتاج تغير حاجات كتير غير الفتيس زي طقم الدبرياج وكمان الكبالن غير تغييرات الكنسول الداخلية
ربنا يوفقك

[himaz]

السلام عليكم ورحمة الله وبركاتة
هو انا كان عندى سوال
انا معايا عربية مازدا 3 2008 مانيوال وكنت هركبلها فتيس اوتوماتك بس الفتيس الاوتوماتك بتاع 2008 4 سرعات بس فانا بفكر اركب بتاع 2011 الى هو 5 سرعات هل دة ينفع ولا انا بقول كلام خيالى
وهل الاحسن اجيب ماتور بفتيسة ؟؟؟؟ ولا الفتيس بس ولو حد يعرف يعمل كام يا ريت يقولى
شكرا

نصيحة الكلام ده مش مضمون ومجازفة كبيرة انك تعملو فى عربية جديدة
وبالذات فى مصر

[mohamed456]

انا معاك يا هيمز و وحشنى جدا
المهم
نصيحه اذا كنت انتا فعلا محتاج اوى اوى تغير الفتيس من مانويل الى اوتومتك فا تركب الفتيس بتاعها ال اربع سرعات لان الميكانيكى ممكن يشتغلك و يقولك ان ممكن يركبلها فتيس خمس سرعات و يركب فعلا بس تلاقى بعد كده عمل لك مشاكل فى الموتر
و طبعا اسأل الوكيل قبل اى حاجه

[pioneerahmed]

مينفعش تغير فتيس مانوال بفتيس ستبترونيك

لازم تغير الموتورو ضفيرة الكهربا و الكنترول يونيت كمان معاة

و نصيحة بلاش الموضوع دة عشان عمرة ما هيتعمل صح فى مصر ولا حتى التوكيل