ايه الفرق في مواصفات المازدا 3 الشكل الجديد بين الخليجي والمصري؟

[mazda3mazda]

هو الفرق اللي بين المصري والخليجي في الكروز مقابل بتدور من غير مفتاح(توتش) والكاسيت 6 cd والجنط الخامس ومراية التعتيم (الحاجات المؤثرة القوية يعني )
بيتهيالي لو مصر كانت فيها الحجات دي وشالوا الكروز كان هيبقي افضل لان مصر نادرا لما بتحتاج الكروز
:(

مفتاح البصمة هو اللي مقصر في نفسيتي قوي قوي قوي الحقيقة
و كمان حساس الركنة فعلا مش بشوف العربية اللي ورايه و أنا بركن
الجنط الخامس مش مشكلة قوي يعني... الواحد ما بيحتاجش يغيره غير كل فين و فين، و لو حصل و احتاج يغير يبقي هيحتاج يدفع فلوس بس مش أكتر، الواحد مش هيبقي خسران قوي يعني... و ال cd changer أصلا راحت عليه، الواحد دلوقتي بيبقي ماشي بالموبايل عليه كل حاجة و بالبلوتوث علي FM أو حتي الAUX... و بالنسبة للمراية برضه كانت هتبقي لطيفة بصراحة، لكن أرجع و أقول إن المشكلة في مصر إن الناس بتمشي و هي طافية النور مش انها بتبقي ماشية بالنور العالي... عموما لو حد ضايقك بالنور فوته و اديله الزينون العالي هيعرف غلطته!!! هاها
بس الكروز مهم و مريح برضه في السفر أو مثلا لو ماشي باليل علي المحور و مش عايز تجري... له استخداماته المهمة برضه.

وعلي فكره انا جربت موضوع ان العربية تتفتح من جوه والريموت مش فيهاالانزار بيشتغل علطول .
:(

كدة زي المصري بالضبط... الخاصية التانية ديه هي إنك تدوس علي زرار الlock مرتين خلال ثلاث ثواني فيتربس الباب... و الحرامي اللي عايز يكسر الزجاج و يدخل هيضطر يقضيها شعبطة و هو داخل و خارج!

بس العربية عاملة معاك ايه وعامل ايه مع التوكيل انا سامع عنه سمع خير :(

العربية زي الفل الحمد لله... راضي عنها جداااا
أنا امبارح الصبح كنت بنضف العربية من جوة لأول مرة و اكتشفت إن فيها عتب المونيوم أمامي مش بلاستيك... مكنتش شايفه عشان لاصق الحماية عليه.
فيه تكاية خلفية بحامل كوبايات و مثبتات مقاعد الأطفال.
طي الجزئين الخلفيين 40 أو 60 أو الاتنين معا.
اشارة تغيير الحارة و ده بقي اختراع مذهل بالنسبة لي (أنا عارف إن مفيش حارات في شوارع مصر، بس بتفيد والله... فيه ناس بتفهم لما بتشوف الاشارة و توسع)... تلمس الاشارة من غير ما تحركها للاخر فتنور ثلاث مرات و تقف من نفسها بعد ما تكون غيرت الحارة، و ده بيخليك تستسهل استعمال الاشارة طول ما إنت ماشي... هو أكيد موجود في الخليجي كمان، بس في الموديلات القديمة كان بيحتاج يتظبط في الكمبيوتر علي ما أعتقد.

التوكيل معرفش والله... هو سمعته وحشة... بس عموما أنا فيه حاجات معينة هي اللي بتدايقني في التوكيل غير الاسعار و كدة... أنا هجربه في حاجة كدة و هبقى أقول لكم... هطلب منه يظبط النور الاوتوماتيك علي الدرجة القليلة... عشان هو دلوقتي بينور بدري عن ما الواحد متعود في مصر، فساعات باضطر أطفيه يدوي... لو عرفوا يعملوها يبقي مؤشر أني مش هيبقي عندي أي مشكلة معاهم في المستقبل... لو قالوا ماينفعش أو مش عارفين إزاي أو معندناش الكمبيوتر أو طلبوا مبلغ مبالغ فيه هيبقي نهارهم مش فايت و هسيحلهم! :)

[mazda3mazda]

مفتاح ريموت قبل للطي (إمكانية فتح وغلق الاربع نوافذ و فتحه السقف بالريموت. و امكانية فتح الشنطة) ( انا بصراحة مش عارف ازاي اقدر اقفل الزجاج و فتحة السقف من الريموت ممكن لو سمحت تقولي اعملها ازاي ؟)

للفتح دوس دوسة طويلة بدل دوسة واحدة... هتلاقي الأبواب عملت unlock و بعدها بثانيتين الزجاج كله يتفتح أوتوماتيك
و للغلق دوس دوسة طويلة بدل دوسة واحدة... هتلاقي الأبواب عملت lock و بعدها بثانيتين الزجاج كله اتقفل أوتوماتيك

فتح و غلق جميع النوافذ و فتحه السقف بضغطة واحدة من كرسي السائق( فين الزرار اللي بيعمل ده)

هو أنا شكلي لخبطتك ... أنا كان قصدي إن كل زجاج من الاربعة ينفع تقفله بone touch يعني هتحتاج أربع دوسات علي كل مفتاح... تدوس علي كل مفتاح فيهم للاخر (عشان ساعات بيبقي زجاج السواق بس هو اللي ينفع معاه كدة)... و لو مش شغال عندك يبقي احتمال لما البطارية كانت مفصولة بيكون محتاج يتظبط تاني... لو ده حاصل عندك قول لي و أقول لك علي الطريقة

انا آسف اني تقلت عليك بس انا لسه جايب العربية جديد و محتاج مساعدة في استكشافها

يا فندم مفيش أي مشاكل... أنا الحقيقة استفدت من المنتدي ده فبحب أساعد الناس زي ما ساعدوني.

[Ahmed Eldreny]

علي فكره لو عايز تركب حساسات الموضوع سهل اوي افتكر هنا في الرياض بيركبوه بكاميرا وشاشه منفصلة للكاميرا وشوشه تانيه للحساسات تتحط علي التبلوه وكده افتكر ب 1000 ريال يعني مايعادل 1500 جنيه وبيركبوه بنضافه الصراحه
والاحسن من الشاشه دي لو جبنا الكاسيت التاتش ووصلنا الكاميرا عليه بس الكاسيت بتاعنا حلو الصراحه وحرام نغيره
الخاصية التانية ديه هي إنك تدوس علي زرار الlock مرتين خلال ثلاث ثواني فيتربس الباب... و الحرامي اللي عايز يكسر الزجاج و يدخل هيضطر يقضيها شعبطة و هو داخل و خارج!
دي الصراحه مش فاهمها

بالنسبة لموضوع حساس الضوء وانك تعدل في السينسور علشان يشتغل متاخر شوية مفتكرش انهم يعرفوا يظبطوه بس جرب معاهم برده

[Ahmed Eldreny]

للفتح دوس دوسة طويلة بدل دوسة واحدة... هتلاقي الأبواب عملت unlock و بعدها بثانيتين الزجاج كله يتفتح أوتوماتيك
و للغلق دوس دوسة طويلة بدل دوسة واحدة... هتلاقي الأبواب عملت lock و بعدها بثانيتين الزجاج كله اتقفل أوتوماتيك
كان الشباب هنا في المنتدي اكتشفوا انها مش موجوده غير في البيزك مش الهاي لاين
وكان السبب ان بس الزرار بتاع باب السواق بس اللي اوتو مش كل الابواب

[mazda3mazda]

انا آسف اني تقلت عليك بس انا لسه جايب العربية جديد و محتاج مساعدة في استكشافها

علي فكره لو عايز تركب حساسات الموضوع سهل اوي افتكر هنا في الرياض بيركبوه بكاميرا وشاشه منفصلة للكاميرا وشوشه تانيه للحساسات تتحط علي التبلوه وكده افتكر ب 1000 ريال يعني مايعادل 1500 جنيه وبيركبوه بنضافه الصراحه
والاحسن من الشاشه دي لو جبنا الكاسيت التاتش ووصلنا الكاميرا عليه بس الكاسيت بتاعنا حلو الصراحه وحرام نغيره
الخاصية التانية ديه هي إنك تدوس علي زرار الlock مرتين خلال ثلاث ثواني فيتربس الباب... و الحرامي اللي عايز يكسر الزجاج و يدخل هيضطر يقضيها شعبطة و هو داخل و خارج!
دي الصراحه مش فاهمها

بالنسبة لموضوع حساس الضوء وانك تعدل في السينسور علشان يشتغل متاخر شوية مفتكرش انهم يعرفوا يظبطوه بس جرب معاهم برده

هو مش تعديل في السنسور ولا حاجة... ده ضبط في اعدادات بس للأسف مش حطينه في الشاشة الMID... لازم يتعمل بوصلة الكمبيوتر OBDII... فيه اختيارين، واحد من 1000-2000 lux يخلي النور ينور متأخر و التاني من 2000-4000 lux و ده ضبط المصنع. برة بيعملوها لكل الناس مجانا و عند الموزع كمان مش التوكيل. و فيه اختيارات تانية كتير بس ديه الوحيدة اللي محتاجة تغيير.

أنا بصراحة مستحرم أغير الكاسيت... و موضوع النظافة و اللعب في الكهربه ده هو اللي قالقني. لكن غالبا شكلي هجرب موضوع الكاميرا و الشاشة ده و هركبه بنفسي!

بالنسبة للباب، أنا أقصد إن لما بتقفل بالطريقة ديه (لو موجودة) ده بيلغي المسوجر الجواني، يعني بدل ما يخلي الحرامي اللي كسر الزجاج و مد ايده جوة و فتح المسوجر و الباب و بعدين الإنذار يضرب، ده بيمنعه إنه يفتح الباب أصلا بدون الريموت!

[ahmad_alim]

للفتح دوس دوسة طويلة بدل دوسة واحدة... هتلاقي الأبواب عملت unlock و بعدها بثانيتين الزجاج كله يتفتح أوتوماتيك
و للغلق دوس دوسة طويلة بدل دوسة واحدة... هتلاقي الأبواب عملت lock و بعدها بثانيتين الزجاج كله اتقفل أوتوماتيك

انا جربت اعمل كده و ماشتغلش ):

هو أنا شكلي لخبطتك ... أنا كان قصدي إن كل زجاج من الاربعة ينفع تقفله بone touch يعني هتحتاج أربع دوسات علي كل مفتاح... تدوس علي كل مفتاح فيهم للاخر (عشان ساعات بيبقي زجاج السواق بس هو اللي ينفع معاه كدة)... و لو مش شغال عندك يبقي احتمال لما البطارية كانت مفصولة بيكون محتاج يتظبط تاني... لو ده حاصل عندك قول لي و أقول لك علي الطريقة
عندي زجاج السائق هو بس اللي تاتش و الباقي عادي ):
انا معايا الهاي لاين و بيقولوا ان الاوبشن ده في البيزك بس ): ): ):

يا فندم مفيش أي مشاكل... أنا الحقيقة استفدت من المنتدي ده فبحب أساعد الناس زي ما ساعدوني.

متشكر جدا لزوقك و جزاك الله خير عن اللي الغلابة اللي بتساعدهم زي حالاتي

[Ahmed Eldreny]

ده اللي سمعته انا كمان ان اوبشن قفل الزجاج بالريموت ده في البيزك بس

[mazda3mazda]

عندي زجاج السائق هو بس اللي تاتش و الباقي عادي ):
انا معايا الهاي لاين و بيقولوا ان الاوبشن ده في البيزك بس ): ): ):

ده اللي سمعته انا كمان ان اوبشن قفل الزجاج بالريموت ده في البيزك بس

ما هو ده اللي أنا كنت قرأته هنا قبل كدة و اشتريت علي كدة... و بعدين فرحت قوي لما لقيت الخاصية ديه شغالة عندي مع إني شاري الهاي لاين!

واضح ان فعلا كذا شحنة كان فيهم و الباقي مفهوش... أنا العربية بتاعتي الافراج الجمركي بتاعها في سبتمبر 2010، يعني أكيد من أول الشحنات اللي وصلت... لدرجة إني شكيت انها موديل 2010... احتمال هو ده الفرق/السبب.

حاجة تانية مريبة هي إني وجدت اختلاف ما بين المانيوال اللي استلمته مع العربية و التاني بتاع أمريكا 2011برضه اللي كنا رافعينه علي المنتدي هنا منذ فترة... في الميول اللي عندي شرحين طريقة الفتح و الغلق زي مشرتحالكم هنا بالضبط، (الحقيقة مش فاكر كان مكتوب انها اوبشن ولا تجهيز أساسي) إنما أنا بصيت دلوقتي علي المانيوال بتاع أمريكا جدته قايل بس إنه زجاج السائق هو اللي اوتوماتيك و مش جايب سيرة الكلام اللي أنا شرحته ده خالص!!!

الموضوع ده مريب و يخليك تشك في إن أي حاجة ممكن تتقلب من العربية و إنت مش واخد بالك!

و كمان بصراحة عيب قوي قوي علي غبور يعمل كدة... مش مشكلة كبيرة أنه يبقي فيه اختلافات بسيطة زي ديه، انما العيب إنه مايقولش عليها و الاكتر إنه يبيع العربيتين بنفس السعر (علي حسب ما أنا فاهم ان أستاذ أحمد لسة شاري هاي لاين من غبور جديدة، و أنا كمان لسة شاري هاي لاين من غبور جديدة... أكيد إحنا الاتنين دفعان نفس الثمن... و ده غلط جدا... المفروض إنه يعمل لحضرتك تخفيض مقابل الخاصية اللي ناقصة ديه... إن شاء حتي تكون مسمار مختلف، كل حاجة ليها تمنها.

و ربنا يستر و ميكونش فيه حاجة ناقصة قصادها من العربية بتاعتي!!

المزايا اللي بتنقص في بعض العربيات ديه ممكن تكون نقطة أي حد يشتري مازدا بعد كدة يفاصل في سعر العربية علي أساسها.

[Ahmed Eldreny]

ما هو ده اللي أنا كنت قرأته هنا قبل كدة و اشتريت علي كدة... و بعدين فرحت قوي لما لقيت الخاصية ديه شغالة عندي مع إني شاري الهاي لاين!

واضح ان فعلا كذا شحنة كان فيهم و الباقي مفهوش... أنا العربية بتاعتي الافراج الجمركي بتاعها في سبتمبر 2010، يعني أكيد من أول الشحنات اللي وصلت... لدرجة إني شكيت انها موديل 2010... احتمال هو ده الفرق/السبب.

حاجة تانية مريبة هي إني وجدت اختلاف ما بين المانيوال اللي استلمته مع العربية و التاني بتاع أمريكا 2011برضه اللي كنا رافعينه علي المنتدي هنا منذ فترة... في الميول اللي عندي شرحين طريقة الفتح و الغلق زي مشرتحالكم هنا بالضبط، (الحقيقة مش فاكر كان مكتوب انها اوبشن ولا تجهيز أساسي) إنما أنا بصيت دلوقتي علي المانيوال بتاع أمريكا جدته قايل بس إنه زجاج السائق هو اللي اوتوماتيك و مش جايب سيرة الكلام اللي أنا شرحته ده خالص!!!

الموضوع ده مريب و يخليك تشك في إن أي حاجة ممكن تتقلب من العربية و إنت مش واخد بالك!

و كمان بصراحة عيب قوي قوي علي غبور يعمل كدة... مش مشكلة كبيرة أنه يبقي فيه اختلافات بسيطة زي ديه، انما العيب إنه مايقولش عليها و الاكتر إنه يبيع العربيتين بنفس السعر (علي حسب ما أنا فاهم ان أستاذ أحمد لسة شاري هاي لاين من غبور جديدة، و أنا كمان لسة شاري هاي لاين من غبور جديدة... أكيد إحنا الاتنين دفعان نفس الثمن... و ده غلط جدا... المفروض إنه يعمل لحضرتك تخفيض مقابل الخاصية اللي ناقصة ديه... إن شاء حتي تكون مسمار مختلف، كل حاجة ليها تمنها.

و ربنا يستر و ميكونش فيه حاجة ناقصة قصادها من العربية بتاعتي!!

المزايا اللي بتنقص في بعض العربيات ديه ممكن تكون نقطة أي حد يشتري مازدا بعد كدة يفاصل في سعر العربية علي أساسها.

ان شاء الله تكون عربيتك مش ناقصه حاجه وربنا يباركلك فيها
وشكلك كده قريت المانيوال ورقه ورقه مفيش بقي اي خدع او حاجات كده يكون الواحد مش واخد باله منها تانيه تكون موجوده ومش عافها :)

[mazda3mazda]

ده اللي سمعته انا كمان ان اوبشن قفل الزجاج بالريموت ده في البيزك بس

ان شاء الله تكون عربيتك مش ناقصه حاجه وربنا يباركلك فيها
وشكلك كده قريت المانيوال ورقه ورقه مفيش بقي اي خدع او حاجات كده يكون الواحد مش واخد باله منها تانيه تكون موجوده ومش عافها :)

إن شاء الله
بس أنا برضه لما أفضي كدة هبقى أعمل مراجعة تانية كدة و أكمل قراءة المانيوال اللي مع العربية بالكامل عشان كان فيه حتت بنطها علي أساس إني قرأتها قبل كدة، لكن بما إن فيه فروقات يبقي لازم يقرأ من الجلدة للجلدة :)

[Ayman_A1]

ما هو ده اللي أنا كنت قرأته هنا قبل كدة و اشتريت علي كدة... و بعدين فرحت قوي لما لقيت الخاصية ديه شغالة عندي مع إني شاري الهاي لاين!

حضرتك تقصد ان الاربع ابواب فيهم وحدات رفع؟ .. بمعنى ان كل ازرار الزجاج وان تاتش .. ولا قصدك ان التحكم فى الاربعة من جانب السائق بس هو اللى وان تاتش؟

[Kareem.ElAraby]

متابع
و بصراحه المازدا محتاجه توكيل محترم و شكرااا
فاكس أي عربيه كوري تاني في بلدك و هتنافس الياباني حلو أوي
انا بأحبها بس انا معايا هيونداي و بصراحه ناوي أطلع من تحت ايد غبور بعد الضمان ما يخلص !

[Ahmed Eldreny]

متابع
و بصراحه المازدا محتاجه توكيل محترم و شكرااا
فاكس أي عربيه كوري تاني في بلدك و هتنافس الياباني حلو أوي
انا بأحبها بس انا معايا هيونداي و بصراحه ناوي أطلع من تحت ايد غبور بعد الضمان ما يخلص !

انا شايف ان المشكله مش مشكلة غبور لواحده
يعني المفروض ان هيونداي اكتر عربية سوقها ماشي في مصر علشان قطع غيارها متوفرة والكلام الجميل ده كله رغم ان توكيلها نفس توكيل المازدا


مشكلة التوكيلات الجشع ورفع الاسعار وقصاد ده متلاقيش لاصيانه عدلة ولا حتي رخيصة

والكوري هو اللي ماشي علشان قطع غياره رخيصه انما الباقي قطع غياره غالية لان مش بيجي منها غير الياباني والاوروبي وهكذا فدايما تلاقيها غالية وطبعا الناس اللي بري التوكيل مش هيروح يشتري قطع غيار ياباني ولا اوروبي فبيشتري الكوري والصيني (الرخيص واللي سوقه ماشي وعلي قد ايد الناس)

[mazda3mazda]

حضرتك تقصد ان الاربع ابواب فيهم وحدات رفع؟ .. بمعنى ان كل ازرار الزجاج وان تاتش .. ولا قصدك ان التحكم فى الاربعة من جانب السائق بس هو اللى وان تاتش؟

الاربع أبواب فيهم وحدات رفع... كل الازرار وان توش و بتشتغل سواء من جانب السائق، أو من كل باب فيهم، أو من الريموت كونترول عن طريق دوسة طويلة للفتح أو الغلق.

[Ahmed Eldreny]

الاربع أبواب فيهم وحدات رفع... كل الازرار وان توش و بتشتغل سواء من جانب السائق، أو من كل باب فيهم، أو من الريموت كونترول عن طريق دوسة طويلة للفتح أو الغلق.

سؤال ياباشا معلش هتعبك معايا
عايزك تتبصلي علي الحوض بتاع العجل اللي ورا اصل انا لاحظت حاجه مش عارف اذا كانت دي عادي ولا لا.

لقيت ان عند العجلة اليمين فين قطعه بلاستيك زياده مبطنه الحوض ورا العجبة ناحية الاكصدام مش موجوده عند العجلة الشمال ولقيت ان في مكان بيركب فيه مسامير عند المساعد كده وبرده عند التصفيحه اللي تحت العربية ناحية العجلة ودي عند العجلتين اليمين والشمال .

فياريت تبصلي عليها كده وتقولي الكلام ده عندك عادي ولا ايه ..