مازدا 3 و تيل الفرامل

[kikoaelnagar]

السلام عليكم
حد يا جماعة عنده فكرة تيل الفرامل بتاع المازدا بيتغير كل اد ايه؟؟ و انا سمعت ان لازم تغير الطمبورة بتاع العجلة كمان!!! الكلام ده بجد ولا ايه

انا عرفت ان واحد شار العربية و بعد 16000 كيلو اضطر يغير التيل و هناك كمان قالوا له انه لازم يغير الطمبورة كمان و قالوا ان ده عيب مشهور فى المازذ...الكلام ده مزبوط ولا ايه؟؟

ارجو الرد سريعا علشان انا كنت خلاص هأخلص فى العربية على اول الاسبوع اللى جاى

شكرا

[Sharky]

أنا كل إللى أعرفه إن تيل الفرامل فى المازدا 3 عند غبور بـ 900 جم

[kikoaelnagar]

معندكش فكرة بيتغير كل اد ايه؟؟

[Sharky]

حسب إستعمالك لكن الطبيعى بتاعه كل 20 إلى 30 الف

[ASD peugeot]

ممكن اعرف بعد اذنك حضرتك هتشتريها منين وهتكون خليجي ولاا من غبور و يا تري حضرتك موجود مانوال ولاا كله اتوماتك و لو تعرف الاسعار يا ريت تكتبها
و لك كل الشكر و مبروك مقدما

[kikoaelnagar]

هو فى مكانين ممكن تشترى منهم...سونستا و سمارت كار...بالنسبة اللأسعار فأنا ناوى اجيب العادية مش الأيرو يعنى اوتوماتيك ديه سعرها 126 عند سونستا...بس يا جماعة موضوع تيل الفرامل ده و تغير الطمبورة معه ممكن يخلينى اكنسل اصلا فكرة المازدا...ياريت لو حد معاه مازدا بقالها فترة معه يقولنا رأيه

شكرا

[medo_cars]

كلام غير صحيح تماما سالت صديق ليا معاه الماذدا 3 قالى غيره على 26الف كيلو ومش بغير طنابير ولا حاجه

[medo_cars]

مع العلم انى غيرت تيل اللانسر على 21 الف كيلو

[حماده المصري]

هو اتنين من صحابي معاهم المازدا

بصراحه العربيتين جايبين طنابير

بس في وحده فيهم جابت طنابير وهي عامله تقريبا 35 الف او 40 مش فاكر واتغيرت الطنابير على الضمان والواد ده جايب العربيه من سمارت تقريبا

اما العربيه التانيه ميغروش طنابير بس هو عربيته قديمه موديل 2006 وكان جايبها اساسا من قبل ما سونستا وسمارت يفتحوا كان جايبها من واحد اسمه حاجه ثابت وساعتها كان تيل الفرامل ب 700
دلوقتي التيل وصل ل 450 بعد الخصم بس منين معرفش

[حماده المصري]

غبور ده مينفعش تتعامل معاه اذا كان قطع غيار الهيونداي ناااار فما بالك بالمازدا
وعامه المازدا الي كانت عندوا دي تقفيل صيني واعتقد انه مش بيبي المازدا دلوقتي خالص

مع ملاحظه صحابي الي معاهم المازدا استعمالهم زي الزفت وعلطول جري وفرامل

رقم 16 الف على انه يغير تيل فرامل ده معناه انه استعماله للفرامل تقيل شويه

تيل الفرامل عامه بيتغير في المعدل الطبيعي 25 الف ولو واحد استعماله خفيف اوي على العربيه تيل الفرامل ده ممكن يقعد 30 الف كيلو

[mohamed ibiza]

يغير طنابير مع التيل ده مش لازم طبعا الطنابير لو حصل فيها حاجة ساعتها تتجه لتغييرها انما التيل بيتغير لوحده عادي انا بقالي 15 سنة في الابيزا بغير تيل فرامل و مغيرتش طنابير اصلا :)

[mohamed Gamal]

تم الحذف للكتابه بحروف الفرانكو عرب
الإداره

[ellibey]

مش مهم تغير طنابير لانها على حسب الاستخدام بتاعها معاك وبعدين تيل الفرامل بـ 450 جنيه عند سونستا موتورز

[Ahmed Samy]

يغير طنابير مع التيل ده مش لازم طبعا الطنابير لو حصل فيها حاجة ساعتها تتجه لتغييرها انما التيل بيتغير لوحده عادي انا بقالي 15 سنة في الابيزا بغير تيل فرامل و مغيرتش طنابير اصلا :)

ماشي ياعم :)

العربية اللي ماغيرتش مساعدين و لا طنبير و ماشية 400 الف (اللهم لا حسد)

كويس انها بتغير تيل وزيت و كده زينا

[msathesoldier]

التيل دلوقتي عند غبور وصل 1000 جنيه غير المصنعية و ال10%ضريبة مبيعات...