مشكلة المفتاح المشفر للمازاد

[waelabdualla]

سلام عليكم ...
حصل امبارح شىء غريب يا جماعة بس ما حدش يضحك أوك
امبارح بعد ما ركنت العربية
كان معاية شنطة صغير عايز ارميها قلت اخدها معايا وانا نازل ارميها فى اى باسكت...
المهم حوالين البيت كذا جنينة ..خرج عليا كلب ...بصراحة اتخضيت قلت ارميه بالشنطة اللى في ايدى يمسى...
وانا برميه الشنطة اترمت قدام ....والمفتاح كان فى نفس الايد اترمى ورايا ...المهم الشنطة حتى كمان مجتش على الكلب
طبعا قعدت ادور على المفتاح المهم ملقتهوش وده المفتاح الاصلى الريموت المشفر...
جبت كشاف بقى وفضلت ادور برضه ماوصلتش والصبح لما نزلت برضه ملقيتهوش...
طبعا انا خايف ان اى حد يلاقى المفتاح وطبعا واضح انه بتاع مازدا ومافيش مادا غيرها فى البارك ياخدها ويتوكل على الله :) المهم فاضل معايا المفتاح الاضافى العادى بتاع العربية
اتصلت بالتوكيل سمارت قالى قدامك حلين
1- تيجى هنا نعملك مفتاح جديد ونكودلك العربية من تانى ...ولو حد لقى المفتاح بالكتيير يفتح بيه العربية والكونتاكت ...وبس يعنى ممكن يجرها او يرفعها على ونش لكن مش هيدورها وده يتكلف 2000 جنيه :)
2- نغيرلك كل طقم كالونات العربي ةوده الحل الافضل لو حد لقى المفتاح بالكتيير يهرش بيه فى ودنه لانه مش هيفتح العربية
وده يتكلف 5000 جنيه....
فكر ورد علينا يا محترم
بس يا جماعة...
ايه رأيكم اعمل ايه حد عنده حل تالت؟؟؟

[levelpower]

مقدرش اقول غير ربنا معاك و معانا فى الاسعار دى:(

[nightmare_9595]

قدر الله و ما شاء فعل , معلش ده نصيب .. الحمد لله , و ربنا يعينك و يعينا علي الاسعار جي فعلا ... بس انا رايي غير الكوالين فورا . مش عشان مستغلس كوالين ب 5000 جنبه لا قدر الله تضيع العربيه ب 130 الف ... و ربنا يسترها علينا و عليك يا رب .

[mazda3mazda]

بص يا باشا، أنا هفتيلك فتية كدة بس معرفش صح ولا غلط، بس ممكن إنت تمشي وراها و تتأكد...

أنا في عربيتي القديمة مرة اضطريت أغير غطاء التنك عشان كان باظ، و بما انها كانت عربية قديمة كان التنك بيتفتح بالمفتاح بتاع الكونتاكت من برة مش من داخل العربية. المهم في التوكيل ركب قلب جديد و طبعه علي المفتاح اللي عندي. بمعني أصح الكالون كان كالون عادي جي من غير مفتاح، لكن الكالون فيه من جوة زي أقراص كدة بتتحرك عشان تاخد شكل المفتاح.

أنا معرفش نظام الكولين بتاعت المازدا ايه، فحاول تسأل و تشوف. الخلاصة أنها لو طلع الموضوع إنك تطبع الكولين اللي عندك مش إنك تغير الكوالين (بواب واحد و شنطة و كونتاكت) يبقي معني كدة انهم عايزين منك تمن مفتاحين معرفش ثمنهم كام و باقي ال5000 جنيه مصنعية... ايه السرقة ديه!!! أصلا برمجة الimmobilizer أنا أشفتها في الworkshop manual ماهياش اختراع يعني!!!

عموما أنا لو مكانك كنت هغير فورا خصوصا ان المفتاح ضاع جنب البيت... يعني عارف لو كان ضاع منك في اسكندرية مثلا كنت قلت لك مش ضروري قوي. عموما هي حتي لو جت علي 5000 جنيه مش كتير علي راحة بالك هي كدة كدة العربية صعب انها تتسرق هيلا بيلا لكن أي حاجة ممكن تتقلب من التابلوه نظاره مثلا الخ، المشكلة اللي كانت هتضايقني هي مشكلة الفك و التركيب... و إنت عارف طبعا مهارة الصنيعية بتاعتنا اللي لازم تبقي واقف علي دماغهم عشان ميبهدلوش الدنيا.

و كدة كدة حاول تفاصل في المبلغ و شوف أسعار غبور و الحرفيين حتي و لو بالتليفون. و يا ريت تبلغنا بالنتيجة عشان نستفيد من تجربة حضرتك.

[mazda3mazda]

و جتلي فكرة تانية لو مستغلي المبلغ ممكن تقللك الشغل كتير. إنت ممكن تجيب مفتاح جديد و تبرمجه و بعدين "تبوظ"! كالون الباب و الشنطة، (علي أساس أنهم أصلا بيتفتحوا بالريموت) و تسيب الكونتاكت زي ما هو و كدة كدة الimmobilizer هيقوم بالشغل.

كدة هيبقي أمان 100% تقريبا. الخوف بس إن العربية أو بطارية الريموت يعملوها معاك و إنت مسافر مثلا و متعرفش تفتح العربية!

[waelabdualla]

يا جمااااااااعة الحمد لله والفضل للله وحده .....لقيت المفتاح بعد جهد شااااق كان فى مكان رهيب متعلق بين افرع شجر ...سبحان الله...بجد فرحت فرحة مش ممكن وقررت اكافىء كل اللى فى البيت واعزمهم النهارده على كل اللى نفسهم فيه حلاوة ايجاد المفتاح ......الف الف شكر لكل الناس بجد (mazda3mazda-levelpower-nightmare_9595)وربنا ما يوقع حد فى اللموقف ده انا معرفتش انام الليل من القلق...ربنا يسترها والحمد لله الف مليون مرة :)

[ALRAKHAWI]

الحمد لله عالم بالظروووووف........

[khpopo]

مبرووووووووك
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[mazda3mazda]

يا جمااااااااعة الحمد لله والفضل للله وحده .....لقيت المفتاح بعد جهد شااااق كان فى مكان رهيب متعلق بين افرع شجر ...سبحان الله...بجد فرحت فرحة مش ممكن وقررت اكافىء كل اللى فى البيت واعزمهم النهارده على كل اللى نفسهم فيه حلاوة ايجاد المفتاح ......الف الف شكر لكل الناس بجد (mazda3mazda-levelpower-nightmare_9595)وربنا ما يوقع حد فى اللموقف ده انا معرفتش انام الليل من القلق...ربنا يسترها والحمد لله الف مليون مرة :)

الحمد لله

[nightmare_9595]

الحمد لله :)
مبرووووووووك

[topstar]

بص يا باشا روح لسعيد في اخر جسر السويس ... اسأل عليه مشهور وعنده كروت جديده وبيشفرها وسعره احسن من كده بكتيررررررررررررر... انا اتعملت معاه اكتر من مره وعلي فكره انا معايا مازدا برضو وعنده اجهزه حلوه كده وبيكود العربيه وانت واقف مش هتاخد وقت ..وربنا معاك

[levelpower]

بجد الف الف مبروك والله انا فرحت جدا والله و يارب مايورينا حاجه وحشه ابدا و ربنا يعنى على الاستغلال و الغلاء ده

[Mohamed Bander]

يا جمااااااااعة الحمد لله والفضل للله وحده .....لقيت المفتاح بعد جهد شااااق كان فى مكان رهيب متعلق بين افرع شجر ...سبحان الله...بجد فرحت فرحة مش ممكن وقررت اكافىء كل اللى فى البيت واعزمهم النهارده على كل اللى نفسهم فيه حلاوة ايجاد المفتاح ......الف الف شكر لكل الناس بجد (mazda3mazda-levelpower-nightmare_9595)وربنا ما يوقع حد فى اللموقف ده انا معرفتش انام الليل من القلق...ربنا يسترها والحمد لله الف مليون مرة :)

الف مبروك ،، بس نصيحه برضه حاول برضه تغير الشفره احسن يكون حد خده وطبع الشفرة اللى عليه ويكون ناوى على العربيه بعد كده.

معلش اصلنا فى زمن ممكن تحصل فيه اى حاجه

[mazda3mazda]

الف مبروك ،، بس نصيحه برضه حاول برضه تغير الشفره احسن يكون حد خده وطبع الشفرة اللى عليه ويكون ناوى على العربيه بعد كده.

معلش اصلنا فى زمن ممكن تحصل فيه اى حاجه

أعتقد مالوش لازمة. لأن علي ما أعتقد الشفرة بتتسجل جوه كمبيوتر العربية، يعني لازم عشان يعمل مفتاح جديد يفتح العربية و يوصلها بالكمبيوتر و يحط المفتاح الجديد و يعمل إعادة برمجة.

و بعدين لو حرامي فعلا لقي المفتاح و طلع عليه نسخة و رجعه مكانه تاني عشان صاحبها ميحسش لحد ميلاقي اللحظة المناسبة، ده يبقي عقر... و حلال عليه العربية!!!

و بعدين لازم نفرق مابين حرامي الصدفة و الحرامي العقر. الحرامي الصدفة ده اللي تلاقيه ماشي في الشارع كدة يلمح شنطة أو محفظة منسية (أو حتي كيس فاضي يفتكر فيه حاجة) في العربية يقوم يكسر الزجاج و يسرقها، و بالمرة يحاول يفك الكاسيت و بما إنه غشيم ميعرفش يفكه و ماينوبك الا أنه يبوظلك التابلوه.

[Eng_Mostafa_89]

الحمد لله انك لقيت المفتاح
انا كنت مريت بمشكلة شبيهة لمشكلتك احب احكيها علشان لو لقدر الله حد وقع فى الموقف دة يعرف يتصرف
كان فى عربية لانسر 2006 بتاعت جارنا كان سايبها ديرة وبيجيب حاجة من الشنطة ركب الحرامى من هنا واخدها وطار بعد مطاردات الحمد لله لبس بالعربية فى كذا حاجة ووقف ونزل اخد مفتاح العربية الاصلى ونزل ركب عربية تانى كانت معاهم وطاروا الحمد لله العربية اتظبطت وكل حاجة بس المشكلة فى المفتاح اللى مع الحرامى سالنا فى التوكيل قالوا تغيروا الكوالين كلها وكانت حسبة حوالى 5000 جنية طبعا رفضنا الحل دة
روحنا لواحد بتاع مفاتيح حكينالوا على القصة قالنا هيظبطلنا الدنيا ب150 جنية تقربيا وهيطلعلنا مفتاح شبة الاصلى ونفس الشكل بحوالى 100 جنية تقريبا او 150 مش متذكر
كل اللى عملوا انة فك كل كوالين العربية والكونتاك وزود سنة فى المفتاح وركب الكوالين تانى والكونتاك وغير الشفرة بتاعت المفتاح وفعلا جاب نتيجة كويسة جربنا المفتاح القديم دخل فى الكونتاك بس مرضيش يلف معانا شمال او يمين والعربية طبعا مدرتش بعد كدة اخد المفتاح الاصلى ظبطة وزود فية السنة والحمد لله بقت تمام
معلش طولت بس حبيت احكى بالتفصيل علشان الكل يستفيد وياخد كمان الحذر من انة ميسيبش المفتاح فى الكونتاكت طول مهو مش على الكورسى بتاع السواق